పాన్ ఇండియా విలన్ గా సునిల్, ఏ భాషలో ఎక్కువ సినిమాలు చేస్తున్నాడో తెలుసా..?

స్టార్ కమెడియన్ కమ్ హీరో సునిల్ టాలీవుడ్ ను వదిలేశాడా..? పాన్ ఇండియా స్టార్ గా సెటిల్ అయ్యాడా..?  స్టార్ హీరో, కమెడియన్ కాస్త విలన్ గా మారాడా..? 

Actor Sunil

కమెడియన్‌గా కడుపుబ్బా నవ్వించిన సునిల్.. విలన్ గా భయపెట్టడానికి ఫిక్స్ అయ్యాడు. వరుసగా అలాంటి పాత్రలే చేస్తూ.. తన రూట్ కంప్లీట్ గా మార్చేశాడు. కమెడియన్ గా తనలోటాలెంట్ చూపించిన సనిల్..  సడన్‌గా తనలో విలనిజం చూపించేందుకు రెడీ అయ్యారు. అయితే తన విలనిజం అంతా మనదగ్గర కాకుండా.. ఇతర భాషల్లో చూపిస్తున్నాడు. 

టాలీవుడ్‌ మేకర్స్ కు కాని.. టాలీవుడ్ ఆడియన్స్ కు కాని  సునీల్‌ కమెడియన్ గానే తెలుసు.. అటువంటిది ఈ స్టార్ నటుడు  విలన్‌గా వేస్తే.. యాక్సప్ట్ చేస్తారో లేదో తెలియదు. అందుకే మన మేకర్స్.. సునిల్ ను విలన్ గా తీసుకోవడానికి సంకోచిస్తున్నారు. అందుకే ఆయనకు  ఇతర భాషల నుంచి మంచి ఆఫర్స్ వచ్చాయి. ముఖ్యంగా తమిళ్‌లో స్టార్ హీరోల సినిమాల్లోనూ విలన్‌గా నటించి మెప్పించారు సునీల్‌.

టాలీవుడ్ లో ఆఫర్లు లేవు..తమిళ  ఇండస్ట్రీ వెంట పడి ఆఫర్లు ఇస్తోంది. రజినీకాంత్ జైలర్ లో కూడా అద్భుతమైన పాత్ర చేశాడు సునిల్.  దాంతో అక్కడ ఎక్కువ సినిమాలు కమిట్ అవుతున్నాడు సునిల్. త్వరలో చెన్నైకి మకాం మార్చినా ఆశ్చర్యపోవలసిన పనిలేదు. ఇక తమిళంలో మంచి  పేరు రావటంతో మలయాళ సినిమా నుంచి కూడా  పిలిచి మరీ ఆఫర్లు ఇస్తున్నారట మేకర్స్. తాజాగా సునిల్  మలయాళ స్టార్ హీరో  మమ్ముట్టి సినిమాతో విలన్‌గా నటిస్తున్నాడు. 

Sunil

ఈ సినిమా ద్వారా సునిల్  మాలీవుడ్ ఎంట్రీ ఇచ్చారు. టర్బో టైటిల్ తో..  యాక్షన్ ఎంటర్‌టైనర్‌గా తెరకెక్కిన ఈ సినిమాతో మలయాళ ప్రేక్షకుల మనసు గెలిచాడు సునిల్. ఇక అటు కన్నడ ఇండస్ట్రీ  నుంచి కూడా సునిల్ కు ఆహ్వానం పలుకుతున్నారు. అక్కడ తాజాగా స్టార్ హీరో తో చేసే అవకాశం వచ్చింది.  సుదీప్ హీరోగా తెరకెక్కుతున్న మ్యాక్స్‌ సినిమాతో కన్నడ ఆడియన్స్‌ను పలకరించబోతున్నాడు సునిల్. 

Actor Sunil

ఈ రకంగా సునిల్ వరుసగా సౌత్ ఇండియాన్ లాంగ్వేజెస్ లో సినిమాలు చేస్తూ.. పాన్ ఇండియా యాక్టర్ అయ్యాడు. పాన్ ఇండియా యాక్టర్ అనడం కంటే.. పాన్ ఇండియా విలన్ అయ్యాడు అని అనుకోవచ్చు. ఇక ముందు ముందు తెలుగులో కంటే.. ఇతర సౌత్ భాషల్లోనే ఎక్కువ సినిమాలు చేయడానికి ప్లాన్ చేసుకుంటున్నాడట సునిల్.