Soundarya-Uday kiran: సౌందర్య, ఉదయ్‌ కిరణ్‌ కలిసి నటించిన ఏకైక మూవీ ఏంటో తెలుసా? కానీ అది కూడా విషాదమే

Soundarya-uday kiran: సౌందర్యతో కలిసి నటించే అవకాశం పవన్‌ కళ్యాణ్‌, మహేష్‌ బాబులకు మిస్‌ అయ్యింది. కానీ ఉదయ్‌ కిరణ్‌కి దక్కింది. బట్‌ అది విషాదంతో ముగిసింది. ఆ కథేంటో చూద్దాం.  

Soundarya, uday kiran:

Soundarya-uday kiran: సౌందర్య హిందీతోపాటు సౌత్‌లో అన్ని భాషల్లోనూ నటించింది. మేజర్‌గా తెలుగులో ఆమె ఎక్కువ సినిమా చేసింది. ఇప్పుడున్న సీనియర్‌ హీరోలందరితోనూ కలిసి నటించింది. కానీ యంగ్‌ హీరోలతో నటించలేకపోయింది. అయితే కొందరితో నటించే అవకాశాలు వచ్చినా మిస్‌ అయ్యాయి.

పవన్‌తో, అలాగే మహేష్‌తోనూ సినిమాలు మిస్‌ అయ్యాయి. కానీ మరో యంగ్‌ హీరో ఉదయ్‌ కిరణ్‌తో కలసి సినిమా చేసింది. కానీ అది కూడా ఆగిపోయింది. మరి వీరిద్దరు కలిసి నటించిన మూవీ ఏంటో తెలుసా?

Soundarya

సౌందర్య ఇండియన్‌ సినిమాకి దొరికిన అరుదైన నటి. ఒక ఆణిముత్యం అని చెప్పొచ్చు. సహజమైన నటన, సహజమైన అందం ఆమె సొంతం. పాత్ర ఏదైనా ఇట్టే అందులో పరకాయ ప్రవేశం చేయడంలో ఆమె దిట్ట. తెలుగు సినిమాకి తెలుగుదనం అద్దినట్టుగా ఉండే ఆమె తిరుగులేని లేడీ సూపర్‌ స్టార్‌గా ఎదిగింది. తక్కువ ఏజ్‌లోనే అభిమానులకు గుండె శోకం మిగిల్చింది. 

narthanasala

సౌందర్య అప్పుడు యంగ్‌ హీరోలు మహేష్‌, పవన్‌లతో సినిమాలు మిస్‌ అయ్యాయి. డేట్స్ సెట్‌ కాక, మిస్‌ కాస్టింగ్‌ అనే కోణంలో కుదరలేదు. అయితే ఉదయ్‌ కిరణ్‌తో కలిసి సౌందర్య సినిమా చేసింది. అదే `నర్తనశాల`. బాలకృష్ణ దర్శకుడిగా మారి రూపొందించిన చిత్రమిది.

పౌరాణికంగా తెరకెక్కించారు. పాండవుల వనవాసం ఎపిసోడ్‌ని ఆధారంగా చేసుకుని ఈ మూవీని తెరకెక్కించారు బాలయ్య. ఈ మూవీ ఒకటి, రెండు షెడ్యూల్స్ కూడా పూర్తయ్యాయి. కానీ ఆ సమయంలోనే సౌందర్య హెలీకాఫ్టర్‌ ప్రమాదంలో కన్నుమూసింది. దీంతో సినిమా ఆగిపోయింది. 

uday kiran

అయితే `నర్తనశాల`లో సౌందర్య ద్రౌపది పాత్రలో నటించింది. ఇందులోనే అభిమన్యుడు పాత్రలో ఉదయ్‌ కిరణ్‌ నటించారు. అయితే వీరి మధ్య సీన్లు పెద్దగా లేవు. ఉదయ్‌ కిరణ్‌ సీన్లు లేవు. కొంత షూట్‌ చేశారట, కానీ అవి ఉన్న ఫీడ్‌కి సంబంధం లేకుండా ఉండటంతో తొలగించాల్సి వచ్చిందట.

ఇక షూటింగ్‌ చేసినంత వరకు ఎడిటింగ్‌ చేస్తే 17 నిమిషాలు వచ్చింది. దీన్ని 2020లో ఈటీ అనే ఓటీటీలో విడుదల చేశారు. అలా పవన్‌, మహేష్‌కి దక్కని ఛాన్స్ ఉదయ్‌ కిరణ్‌కి దక్కింది. కానీ అది కూడా మధ్యలోనే ఆగిపోవడం విచారకరం.

Soundarya, uday kiran

సౌందర్యతో పనిచేయడంపై అప్పట్లో ఉదయ్‌ కిరణ్‌ మాట్లాడుతూ, సౌందర్య ఎంతో అందమైన నటి. ఆమె అంటే నాకు ఎంతో గౌరవం, ఆరాధన భావం. ఆమెతో కలిసి ఒక్క సినిమా అయినా చేయాలనేది నా డ్రీమ్‌.

అది `నర్తనశాల`తో నెరవేరబోతుందని భావించాను. కానీ అది విషాదంగా ముగిసింది` అని ఉదయ్‌ కిరణ్‌ తెలిపారు. సౌందర్య 2004లో హెలీకాఫ్టర్‌ ప్రమాదంలో మరణించగా, 2014లో ఉదయ్‌ కిరణ్‌ ఆత్మహత్య చేసుకున్న విషయం తెలిసిందే.