శ్రీ నవల్ కిషోరీ : ఇలా కూడా ఫేమస్ అవుతారా..?

కొత్తగా ఆలోచిస్తేనే సోషల్ మీడియాలో స్టార్స్అవ్వచ్చు అని నిరూపించింది శ్రీ నవల్ కిషోరీ.  ఇలా కూడా పాపులర్ అవ్వచ్చా అని అందరూ ఆశ్చర్యపోయేలా ఫేమస్ అయ్యింది. ఇంతకీ ఆమె ఏం చేస్తోంది.. 

సోషల్ మీడియలో అయినా, యూట్యూబ్ వీడియోస్ లో అయినా.. ఇన్ స్టా అకౌంట్ లో అయినా.. రీల్స్ అయినా.. సినిమాలు అయినా.. ఈతరం యూత్ చూడాలి అంటే ట్రెండ్ కు తగ్గట్టు కంటెంట్ ఉండాలి. లేదా కామెడీ, రొమాన్స్ పాళ్లు ఉండాలి. అంతే కాని కీర్తనలు పాడితే చూస్తారన్న నమ్మకం ఉండదు. కాని ఈ విషయంలో వండర్ చేసింది ఓ య్యూట్యూబర్. 

అందరిలా కాకుండా చాలా పద్దతిగా పాపులర్ అయ్యింది శ్రీనవల్ కిషోరీ. అందరికంటే డిఫరెంట్ గా ఆలోచించింది. పెద్దలతో పాటు యూత్ చూపు కూడా తనవైపు తిరిగేలా కంటెంట్ ను  ప్రిపేర్ చేసుకుంది. నిలువు నామాలు, కీర్తనలతో.. రీల్స్, వీడియోస్ చేస్తూ చాలా తక్కువ టైమ్ లోనే పాపులర్ అయ్యింది. 

అయితే ఇక్కడే ఉంది చిన్న ట్విస్ట్.. మంచి మంచి కీర్తనలు సెలక్ట్ చేసుకోవడం.. తన గెటప్ చాలా వెరైటీగా ఉండేలా చూసుకోవడం.. వాటికి తగ్గట్టు ఫేస్ ఎక్స్ ప్రెషన్స్ పెట్టడం... ఇది ఆమె ప్రత్యేకత. ఆమె పాట పాడకున్నా.. ఆ రీల్ లో తానే పాడుతుందేమో అనేలా అద్భుతం చేస్తోంది శ్రీనవల్. ఇలా వరుస వీడియోస్ తో యూత్ ను కూడా అట్రాక్ట్ చేస్తోంది కిషోరీ. 

పట్టుమని పాతికేళ్ళు కూడా లేని అమ్మాయి.. ఏడాది తిరక్క ముందే సోషల్ మీడియాలో ఇంత పాపులర్ అవ్వడం.. అందరికి సాధ్యం అయ్యేది కాదు. సాధారణ కుటుంబంలో పుట్టిన నవల్ రీల్స్ ద్వారా మాత్రమే కాదు.. ఇన్ స్టా, యూట్యబ్ లాంటి అన్ని ప్లాట్ ఫామ్స్ లో చాలా ఫాస్ట్ గా స్టార్ గా మారింది. అంతే కాదు ఆమె రీల్స్ చేసే డివోషనల్ సాంగ్స్ కు ఎక్కువగాయూత్ నుంచే స్పందన వస్తోంది. 

నార్త్, సౌత్ అన్న తేడా లేకుండా దేశ మంతా ఫ్యాన్స్ ను సంపాదించింది శ్రీ నవల్ కిషోరీ. ఆమెకు సౌత్ లోనే  ఎక్కువగా ఫాలోయింగ్ ఉంది. అంతే కాదు తన రీల్స్ ను కాపీ చేస్తూ.. ప్రయత్నిస్తున్న వారికి కూడా ఆమె తన కామెంట్స్ ద్వారా ఎంకరేజ్మెంట్ ఇస్తోంది. ముందు ముందు ఆమె ఎక్కడివరకూ వెళ్తుందో చూడాలి.