శోభన్ బాబు అత్తా అని ముద్దుగా పిలుచుకునే హీరోయిన్ ఎవరో తెలుసా?

టాలీవుడ్ సోగ్గాడు, అందగాడు, లేడీఫాలోయింగ్ ఉన్న హీరో శోభన్ బాబు. హీరోయిన్లలో కూడా రొమాంటికి ఇమేజ్ ఉన్న ఈ క్రేజీ హీరో.. అత్తా అని ఓ హీరోయిన్ ను ముద్దుగా పిలుస్తారట. ఇంతకీ ఆ హీరోయిన్ ఎవరు?  

Sobhan Babu

సోగ్గాడు..అందగాడు..అందాల నటుడు అనే టాగ్స్  తెలుగు ఫిల్మ్ ఇండస్ట్రీలో ఒక్క శోభన్ బాబుకు మాత్రమే సొంతం. అందగాడు బిరుదు ఉన్న ఏకైక హీరో శోభన్ బాబు. ఆయన హెయిర్ స్టైల్ చాలా ఫేమస్, శోభన్ బాబు రింగ్ అంటూ.. ప్రత్యేకంగా హెయిర్ కట్ చేయించుకుంటారు ఫ్యాన్స్ ఇప్పటికీ. యాక్టింగ్ కాని, డాన్స్ కాని.. అన్నింటిలో హీరోగా తనను తాను నిరూపించుకున్నాడు శోభన్ బాబు. అంతే కాదు  అప్పట్లో లేడీ ఫ్యాన్స్ ఫాలోయింగ్ ఎక్కువగా ఉన్న హీరోలలో ఏఎన్నార్ తో పాటు శోభన్ బాబు కూడా ఉన్నారు. 

ఎన్టీఆర్, ఏఎన్నార్, కృష్ణ తరువాత ఆస్థాయిలో ఫ్యాన్స్ ఉన్న హీరోగా శోభన్ బాబు ఉన్నారు. తెలుగు సినిమాకు గ్లామర్ సొగబులద్దిన ఈ హీరో.. క్రమశిక్షణకు మారు పేరు అని చెప్పవచ్చు. సినిమా కెరీర్ విషయంలో కూడా ఒకదశలో సినిమాల నుంచి రిటైర్డ్ అయిన శోభన్ బాబు.. ఆ తరువాత సినిమాల వైపు తిరిగి చూడలేదు. ఈవిషయంలో మరణించే వరకూ చాలా స్ట్రిక్ట్ గా ఉన్నారు.  

శోభన్ బాబు హీరోగా మాత్రమే సినిమాలు చేశారు. ఆతరువాత ఆయన సినిమా ఇండస్ట్రీకి దూరం అయ్యారు. ఎంత మంది ఎన్ని కోట్లు ఇస్తామన్నా.. ఆయన సహాయ పాత్రలు చేయడానికి ఒప్పుకోలేదు. గొప్ప గొప్ప పాత్రలెన్నో వచ్చినా.. ఇంటిదాకా వెళ్ళి బ్రతిమలాడినా శోభన్ బాబు నో అనేసేవారు. 

తన అభిమానులు తనను అందాల నటుడిగా, హీరోగానే అభిమానించారని. ముసలి పాత్రలు చేస్తే.. తనను యాక్సప్ట్ చేయరని భావించిన శోభన్ బాబు.. 60 ఏళ్లు రాగానే రిటైర్మెంట్ ప్రకటించారు. ఆతరువాత తన ఫోటో కూడా బయటకు రాకుండా జాగ్రత్త పడ్డారు. ఎవరికీ ఇంటర్వ్యూలు కూడా ఇవ్వలేదు శోభన్ బాబు. 

ఇక లేడా ఫ్యాన్స్ మాత్రమే కాదు హీరోయిన్లు కూడా శోభన్ బాబుతో సినిమా అంటే ఎంతో ఇష్టపడేవారట. ఆయనతో ప్రేమలో పడ్డ తారలు కూడా లేకపోలేదు.  తన కెరీర్ లో ఎంతో మంది హీరోయిన్లతో ఆడిపాడాడు శోభన్ బాబు. జయప్రద, జయసుధ, శ్రీదేవి, రాధ, మాధవి, లక్ష్మి విజయశాంతి,  లాంటి ఎందరో హీరోయిన్లు ఆయన సరసన నటించి మెప్పించారు. అయితే వీరిలో ఒకరిని మాత్రం శోభన్ బాబు సరదాగా అత్తా అని పిలిచేవారట. 

అవును ఈ హీరోయిన్లలో ఆయన అత్తా అని పిలిచేది ఎవరినో కాదు.. హీరోయిన్ జయప్రదను. ఆమె అంటే శోభన్ బాబుకు చాలా అభిమానమట. జయప్రదతో శోభన్ బాబు చాలా సినిమాలు చేశారు. అందులో హిట్ సినిమాలే ఎక్కువ. ఇక ఆయన సెట్ లో కాని.. బయట కాని అత్తా అంటు జయప్రదను పిలిచేవారట. 

ఈ విషయాన్ని జయ ప్రద స్వయంగా  ఓ సందర్భంలో వెల్లడించారు.  జయసుధ తో జరిగిన పాత ఇంటర్వ్యూలో  వెల్లడించారు. జయప్రద హోస్ట్ గా నిర్వహించిన జయప్రదం అనే కార్యక్రమంలో ఈ విషయం చర్చకు వచ్చింది. కాగా శోభన్ బాబు బాలరామకృష్ణులు సినిమా తరువాత ఇండస్ట్రీకి గుడ్ బై చెప్పారు. 

హీరోగా మాత్రమే కాదు శోభన్ బాబు వ్యాపారవేత్తగా కూడా రాణించారు. సినిమాల నుంచి తాను సంపాదించిన డబ్బు అంతా రియల్ ఎస్టైట్ లో ఇన్వెస్ట్ చేసి.. కోట్ల ఆస్తులను సంపాదించాడని తెలుస్తోంది. అంతే కాదు ఆయన కొడుకులు ఎవరిని ఆయన ఇండస్ట్రీలకి తీసుకురాలేదు శోభన్ బాబు.      

పెద్ద హీరోలంతా ఇండస్ట్రీ హైదరాబాద్ వచ్చిన తరువాత ఇక్కడికి వచ్చి సెటిల్ అయ్యారు. కాని శోభన్ బాబు మాత్రం చెన్నైలోనే ఉండిపోయారు. టాలీవుడ్ లో తిరుగులేని హీరోగా కొనసాగిన శోభన్ బాబు.. 2008 లో తన 71 ఏళ్ళ వయస్సులో గుండెపోటుతో కుప్పకూలి మరణించారు.