Ajith v/s Sivakarthikeyan: అజిత్ కి షాకిచ్చిన శివ కార్తికేయన్‌.. `పట్టుదల` రికార్డ్ ని `పరాశక్తి` బ్రేక్‌

Ajith v/s Sivakarthikeyan: సుధా కొంగర దర్శకత్వంలో శివకార్తికేయన్ నటించిన `పరాశక్తి` సినిమా టీజర్, `విడాముయర్చి`(`పట్టుదల` తెలుగులో) సినిమా రికార్డ్ ని బద్దలు కొట్టడం విశేషం. 

అజిత్ ని మించిన శివకార్తికేయన్

Ajith v/s Sivakarthikeyan: శివకార్తికేయన్‌  మొన్నటి వరకు టైర్‌ 2 హీరోల జాబితాలో ఉన్నారు. కానీ ఇప్పుడు `అమరన్‌` సినిమాతో ఆయన సూపర్‌ స్టార్‌ హీరోల జాబితాలో చేరుతున్నారు. విజయ్‌ సినిమాలు వదిలేస్తున్న సమయంలో శివ కార్తికేయ నెమ్మదిగా ఎదుగుతూ రావడంతో విజయ్‌ లేని లోటు భర్తీ చేయబోతున్నారని, విజయ్‌ స్థానానికి శివ కార్తికేయన్‌ బెస్ట్ ఛాయిస్‌ అంటున్నారు. 

రికార్డ్ సృష్టించిన `పరాశక్తి`

నటుడు విజయ్ తర్వాత కోలీవుడ్ లో అత్యధిక అభిమానులను కలిగిన నటుడు అజిత్. ఆయన ఇప్పటివరకు ఏ సినిమాతోనూ 350 కోట్ల వసూళ్లు సాధించలేదు. కానీ శివకార్తికేయన్ తన 22వ సినిమా `అమరన్‌`తో ఆ ఘనత సాధించి కోలీవుడ్ బాక్సాఫీస్ కింగ్ గా అవతరించారు. ఇదిలా ఉండగా, తన `పరాశక్తి` సినిమా టీజర్ తో  అజిత్ `విడాముయర్చి`(పట్టుదల) సినిమా రికార్డ్ ని బద్దలు కొట్టారు.

వెనుకబడిన `విడాముయర్చి`

అజిత్ `విడాముయర్చి` సినిమా టీజర్ గత ఏడాది నవంబర్ లో విడుదలైంది. ఆ టీజర్ విడుదలై 2 నెలలు దాటినా యూట్యూబ్ లో 1.4 కోట్ల వ్యూస్ మాత్రమే వచ్చాయి. కానీ శివకార్తికేయన్ `పరాశక్తి` సినిమా టీజర్ విడుదలై 3 రోజుల్లోనే యూట్యూబ్ లో 2 కోట్లకు పైగా వ్యూస్ సాధించింది. దీన్ని చూసిన నెటిజన్లు అజిత్ కంటే శివకార్తికేయన్ సినిమాకి ఇంత క్రేజా అని ఆశ్చర్యపోతున్నారు.

విడాముయర్చి vs పరాశక్తి

`విడాముయర్చి` టీజర్ మాత్రమే కాదు, రెండు వారాల క్రితం విడుదలైన ఆ సినిమా ట్రైలర్ కూడా ఇప్పటివరకు 1.7 కోట్ల వ్యూస్ మాత్రమే సాధించింది. అజిత్ సినిమా రికార్డ్ ని శివకార్తికేయన్ ఇలా బద్దలు కొట్టడంతో, `పరాశక్తి` సినిమా బాక్సాఫీస్ దగ్గర కూడా సంచలనం సృష్టిస్తుందని అంచనా. ఈ సినిమా మాతృభాషా ఉద్యమంలో ప్రాణాలు కోల్పోయిన రాజేంద్రన్ జీవిత కథ ఆధారంగా తెరకెక్కింది. ఇది శివకార్తికేయన్ 25వ సినిమా అని గుర్తుంచుకోవాలి.

read  more Aamir Khan Third Marriage: మూడో పెళ్లికి రెడీ అవుతున్న అమీర్‌ ఖాన్‌. అమ్మాయి ఎవరో తెలుసా? ఆ హీరోయిన్‌ కాదు