Mannat: 18 కోట్లకు కొన్న బంగ్లా విలువ ఇప్పుడు 300 కోట్లు.. దేశంలోనే ఖరీదైన బంగ్లా..

Mannat: 1997లో 'యస్ బాస్' సినిమా షూటింగ్ టైంలో షారుఖ్ ఖాన్ చూసిన 'విల్లా వియన్నా' బంగ్లానే, ఆ తర్వాత ఆయన ఛాలెంజ్‌తో 'మన్నత్'‌గా మారింది. అప్పట్లో కేవలం 18 కోట్లకు కొన్న ఈ ఇంటి విలువ ఇప్పుడు 300 కోట్లు. ఇది ఆయన సక్సెస్‌కు ఒక సింబల్.

Image Credit : our own

దేశంలోనే అత్యంత ఖరీదైన బంగ్లా..

బాలీవుడ్ 'కింగ్ ఖాన్' షారుఖ్ ఖాన్ ముంబైలోని 'మన్నత్' బంగ్లా గురించి అందరికీ తెలిసిందే. దేశంలోనే అత్యంత ఖరీదైన ఇళ్లలో ఇదీ ఒకటి. ప్రస్తుతం దీని విలువ సుమారు 300 కోట్ల రూపాయలు. అయితే, ఈ బంగ్లాను షారుఖ్ కొనడం వెనుక ఓ ఆసక్తికరమైన కథ ఉంది.

Image Credit : our own

షూటింగ్‌లో మొదలైన ఇంటి కల

1997లో షారుఖ్ ఖాన్ నటించిన 'యస్ బాస్' సినిమాలోని 'చాంద్ తారే తోడ్ లావూన్' పాట షూటింగ్ ముంబైలోని బాంద్రాలో జరుగుతోంది. ఆ సమయంలో షారుఖ్ కళ్లు అక్కడున్న ఓ పెద్ద బంగ్లాపై పడ్డాయి. అప్పట్లో ఆ లగ్జరీ బంగ్లాను 'విల్లా వియన్నా' అని పిలిచేవారు.

Image Credit : our own

లోపలికి రానివ్వని సెక్యూరిటీ గార్డ్

షూటింగ్ గ్యాప్‌లో షారుఖ్, ఆయన టీమ్ ఆ బంగ్లా దగ్గరికి వెళ్లారు. కానీ అక్కడి సెక్యూరిటీ గార్డ్ వాళ్లను లోపలికి రానివ్వకుండా పంపించేశాడు. అప్పుడే షారుఖ్ తన స్నేహితులతో సరదాగా, 'చూస్తూ ఉండండి, ఏదో ఒకరోజు ఈ బంగ్లా నాదే అవుతుంది' అని ఛాలెంజ్ చేశారు. ఆ మాట విన్న చాలామంది అది పగటికల అనుకున్నారు.

Image Credit : our own

'చాంద్ తారే' పాట.. నిజమైన కల

'చాంద్ తారే తోడ్ లావూన్' పాటలోని లైన్స్ అప్పటి షారుఖ్ ఖాన్ కలలకు అద్దం పట్టాయి. జావేద్ అక్తర్ సాహిత్యం, జతిన్-లలిత్ సంగీతం, అభిజీత్ గాత్రంలో వచ్చిన ఈ పాట ఇప్పటికీ ఎవర్ గ్రీన్. పాటలో ఉన్నట్టే, షారుఖ్ తన కష్టంతో ఆ కలను నిజం చేసుకున్నారు.

Image Credit : twitter

నాలుగేళ్లలో నెరవేరిన ఛాలెంజ్

షూటింగ్ టైంలో కన్న కల నాలుగేళ్లలోనే నిజమైంది. 2001లో షారుఖ్ ఖాన్ ఆ బంగ్లాను కొనుగోలు చేశారు. ఆ తర్వాత దానికి 'మన్నత్' అని పేరు పెట్టారు. ఇది కేవలం షారుఖ్ నివాసంగానే కాదు, ఆయన అద్భుతమైన విజయానికి గుర్తుగా నిలిచిపోయింది.

Image Credit : instagram

18 కోట్ల నుంచి 300 కోట్లకు..

షారుఖ్ ఖాన్ కష్టం, పట్టుదల, కలల శక్తి ఏంటో 'మన్నత్' ఈ రోజు ప్రపంచానికి చూపిస్తోంది. రోజూ వేలాది మంది అభిమానులు తమ అభిమాన నటుడిని చూసేందుకు ఈ బంగ్లా బయట గంటల తరబడి ఎదురుచూస్తుంటారు. ప్రస్తుతం మార్కెట్‌లో ఈ బంగ్లా విలువ సుమారు 300 కోట్ల రూపాయలు. కానీ 2001లో షారుఖ్ దీన్ని కేవలం 18 కోట్లకే కొన్నారు.