Horror Movie: 25 ఏళ్ల నాటి హారర్ సినిమా OTTలో ట్రెండింగ్... ఒంటరిగా చూశారంటే అంతే సంగతి

Horror Movie: ఓటీటీలో పాత సినిమాలకు కూడా మంచి క్రేజ్ ఉంటుంది. ఆ క్రమంలోనే 25 ఏళ్ల కిందట వచ్చిన ఓ క్లాసిక్ హారర్ సినిమా ఇప్పుడు ఓటీటీలో దుమ్మురేపుతోంది. ఇంతకీ ఆ సినిమా ఏంటి? దాని ప్రత్యేకత ఏంటో చూద్దాం.

Image Credit : facebook

25 ఏళ్లు దాటినా తగ్గని క్రేజ్..

సినిమా ఇండస్ట్రీలో హారర్ సినిమాలకు ఎప్పుడూ ప్రత్యేకంగా అభిమానులు ఉన్నారు.  దెయ్యం, మిస్టరీ, సస్పెన్స్, ఎమోషన్స్ లాంటి ఎన్నో అంశాలు కలగలిసి ఉండే ఈ సినిమాలు.. ఎన్ని సంవత్సరాలు గడిచినా ఆడియన్స్ ఫేవరెట్ లిస్ట్‌లో ఉంటాయి. ముఖ్యంగా ఓటీటీలు వచ్చాక, ఎన్నో ఏళ్ల క్రితం రిలీజైన క్లాసిక్ సినిమాలు కూడా మళ్లీ జనాల దృష్టిని ఆకర్షిస్తున్నాయి. అలాంటి ఓ మరపురాని హారర్ సినిమా గురించే ఇప్పుడు మనం చూడబోతున్నాం.

ఆ హారర్ సినిమా పేరు 'దేవదూతన్' (Devadoothan). 2000 సంవత్సరంలో విడుదలైన ఈ మలయాళ సినిమా రిలీజై దాదాపు 25 ఏళ్లు దాటినా, ఇప్పటికీ తన మిస్టీరియస్ కథ, బ్యాక్‌గ్రౌండ్ మ్యూజిక్‌తో అందరినీ ఆకట్టుకుంటోంది.

Image Credit : Kokers Entertainments

పాత మ్యూజిక్ కాలేజీ నేపథ్యంలో కథ..

ఈ కథ మొత్తం ఓ పాత మ్యూజిక్ కాలేజీ నేపథ్యంలో సాగుతుంది. ఎన్నో ఏళ్లుగా అక్కడ సమాధి అయిన ఓ రహస్యం నెమ్మదిగా బయటకు వస్తుంది. అక్కడ జరిగే వింత సంఘటనలు, దాచిపెట్టిన నిజాలు, వాటి వెనుక ఉన్న ఓ ఆత్మ వేదన ఈ కథకు ప్రాణం. ఈ సినిమాలో మామూలు హారర్ సినిమాల్లో లాగా భయపెట్టే దెయ్యాలు, భయంకరమైన రూపాలు ఉండవు. దానికి బదులుగా, సంగీతం ద్వారా తన బాధను వ్యక్తపరిచే ఓ ఆత్మ  ఎమోషనల్ కథను చూపిస్తారు.

Image Credit : Gemini

మోహన్‌లాల్ కీలక పాత్రలో..

ఈ సినిమాలో మలయాళ సూపర్ స్టార్ మోహన్‌లాల్ కీలక పాత్రలో నటించారు. ఆ మిస్టరీని ఛేదించే ఆయన ప్రయాణం, సినిమాలోని ప్రతి సీన్‌లోనూ ఆడియన్స్ ఆసక్తిని పెంచుతుంది. ఆ ఆత్మ అసలు ఎవరు? దాని వెనుక దాగి ఉన్న ప్రేమకథ ఏంటి? అనే ప్రశ్నలకు సమాధానమే ఈ సినిమా క్లైమాక్స్.

Image Credit : our own

మ్యూజిక్ తో భయపెడుతుంది..

'దేవదూతన్' సినిమాకు అతిపెద్ద బలం దాని బ్యాక్‌గ్రౌండ్ మ్యూజిక్, సౌండ్ డిజైన్, స్క్రీన్‌ప్లే. ప్రతి సీన్‌లో సంగీతం క్రియేట్ చేసే టెన్షన్, ప్రేక్షకులను సీట్ ఎడ్జ్‌లో కూర్చోబెడుతుంది. అదే సమయంలో, మనసును కదిలించే ప్రేమకథ కూడా సినిమాకు అదనపు బలాన్నిస్తుంది. సిబి మలయిల్ దర్శకత్వం వహించిన ఈ చిత్రంలో మోహన్‌లాల్‌తో పాటు జయప్రద, మురళి, వినీత్ కుమార్, జగదీష్ వంటి భారీ తారాగణం నటించింది. ఈ చిత్రానికి విద్యాసాగర్ సంగీతం అందించారు. ఈ సినిమా 2000 డిసెంబర్ 22న క్రిస్మస్ సెలవుల సందర్భంగా థియేటర్లలో విడుదలైంది.

Image Credit : stockphoto

ఏ ఓటీటీలో చూడొచ్చంటే..?

హారర్, సస్పెన్స్ కలగలిసిన మంచి సినిమాలు చూడాలనుకునే వాళ్లు 'దేవదూతన్' సినిమాను అమెజాన్ ప్రైమ్ వీడియోలో చూడొచ్చు. కేవలం భయాన్ని మాత్రమే కాదు, ఎమోషన్స్‌ను, సంగీతాన్ని ఒకేసారి అనుభవించాలనుకునే వారికి ఇది తప్పక చూడాల్సిన క్లాసిక్ హారర్ సినిమా. మోహన్‌లాల్ నటించిన 'దృశ్యం' సినిమా ఎంత సస్పెన్స్‌తో నిండి ఉంటుందో, అదే స్థాయిలో 'దేవదూతన్' కూడా ప్రేక్షకులకు అదిరిపోయే థ్రిల్లింగ్ అనుభవాన్ని ఇస్తుంది. అస్సలు మిస్ అవ్వకండి.