రాజకీయాల్లోకి మీన...ఆపార్టీలోకే అంటూ.. హింట్ ఇచ్చిన సీనియర్ తార
సీనియర్ హీరోయిన్ మీనా పొలిటికల్ ఎంట్రీ ఇవ్వబోతోందా..? తాజాగా ఈ విషయంలో హింట్ కూడా ఇచ్చిందా..? మీనా ఏ పార్టీలో జాయిన్ అవ్వబోతున్నారు..? ఇకపై ఆమె సినిమాల్లో కనిపించదా..?
Meena
ఒకప్పుడు తెలుగు తెరను ఒక ఊపు ఊపి వదిలిపెట్టింది హీరోయిన్ మీన. తన అందం, అభినయంతో కుర్రాళ్ల మనసులు దోచేసింది. స్టార్ హీరోల సరసన గ్లామర్ రోల్స్ లో మీనా అభినయం ప్రేక్షకులను ఉర్రూతలూగించింది. ఎన్నో సినిమాల్లో నటించి మెప్పించింది మీదన విమర్శకుల చేత శభాష్ అనిపించింది.
![article_image2](https://static-ai.asianetnews.com/images/01gvmk8n3txph4zaejnxhhmkvn/q2_300x386xt.jpg)
Meena
ఇక హీరోయిన్ గా పెయిడ్ అవుట్ అయినా.. ఏమాత్రం గ్లామర్ తగ్గలేదు మీనాకు. నాలుగు పదుల వయసులో కూడా నవ యవ్వనంతో మెరిసిపోతోంది. ఏజ్ పెరుగుతున్నా.. ఆమె అందం మాత్రం ఇప్పటికి చెక్కు చెదరలేదు. కోవిడ్ వల్ల తన భర్తను కోల్పోయిన మీనా.. ఇప్పుడిప్పుడే కోలుకుని సినిమాల్లో యాక్టీవ్ అయ్యింది.
Meena
అయితే తాజా సమాచారం ఏంటంటే.. మీనా పొలిటికల్ ఎంట్రీ ఇస్తుంది అని. సినీ ప్రముఖులు రాజకీయాల్లోకి వెళ్లడం సాధారణ విషయమే. ఇప్పటికే ఎందరో తారలు నటీనటులుగా ఉంటూనే వివిధ రాజకీయ పార్టీల్లో కొనసాగుతున్నారు. మీనా కంటేముందు.. మీనా స్నేహితురాలు ఖుష్బు, రాధిక, రోజా రాజకీయాల్లో ఉన్నవారే... వారి బాటలోనే తాజాగా నటి మీనా కూడా రాజకీయాల్లోకిరావాలని అనుకుంటుందట.
మీగా గురించిన ఈ వార్త ప్రస్తుతం సోషల్ మీడియాలో వైరల్ అవుతోంది. అంతే కాదు ఆమె ఏపార్టీలో చేరబోతున్నారు అన్నది కూడా ప్రస్తుతం హాట్ టాపిక్ గా మారింది. మీనా త్వరలోనే బీజేపీలో చేరబోతున్నారని టాక్. అంతే కాదు ఈ వార్తలు బలం చేకూరేలా.. తాజాగా కేంద్రమంత్రి ఎల్. మురుగన్ ఢిల్లీలో నిర్వహించిన పొంగల్ వేడుకలకు మీనాను ఆహ్వానించారు.
ఈ కార్యక్రమానికి ప్రధాని మోదీతో పాటు పలువురు కేంద్ర మంత్రులు, బీజేపీ కీలక నేతలు హాజరయ్యారు. ఈ వేడుకలో మీనాకు అత్యంత ప్రాధాన్యత ఇవ్వడం చర్చనీయాంశం అయ్యింది. ఈ కార్యక్రమానికి తమిళనాడు నుంచి వెళ్లిన వారిలో మీనా ప్రత్యేక ఆకర్షణగా నిలిచారు.దాంతో ఆమె బీజేపీలో చేరబోతున్నారని... అందుకే మీనాకు అంత ఇంపార్టెన్స్ ఇచ్చారని అంటున్నారు.
Meena
ఇప్పటికే తమిళనాట నుంచి సీనియర్ హీరోయిన్ ఖుష్బు బీజేపీలో కొనసాగుతున్నారు. ఆమెతోకలిసి మీనా బీజేపీలో పనిచేయ బోతున్నట్టు సమాచారం. మరి మీనా పొలిటికల్ ఎంట్రీపై ఇప్పటి వరకూ అఫీషియల్ అనౌన్స్ మెంట్ మాత్రం రాలేదు. ఈ విషయం నిజం అయితే.. ఆమె నటిస్తూ.. పాలిటిక్స్ చేస్తారా..? లేక నటనకు గుడ్ బై చెపుతారా అని రకరకాల ప్రశ్నలు ఎదురవుతున్నాయి.