- Home
- Entertainment
- Jeevitha:భర్త అక్రమ సంబంధం పెట్టుకున్నా భార్య ఏమీ అనకూడదు.. జీవిత రాజశేఖర్ షాకింగ్ కామెంట్స్
Jeevitha:భర్త అక్రమ సంబంధం పెట్టుకున్నా భార్య ఏమీ అనకూడదు.. జీవిత రాజశేఖర్ షాకింగ్ కామెంట్స్
Jeevitha: భర్త తప్పు చేసినా, అక్రమ సంబంధం పెట్టుకున్నా భార్య వదిలేయకూడదా? భార్యాభర్తల సంబంధం గురించి నటి జీవితా రాజశేఖర్ చేసిన కామెంట్స్ ప్రస్తుతం నెట్టింట వైరల్ గా మారాయి.
జీవిత రాజశేఖర్..
ఒకప్పటి సీనియర్ నటి జీవిత గురించి స్పెషల్ గా పరిచయం అవసరం లేదు. ఎన్నో సినిమాల్లో నటించి మంచి గుర్తింపు తెచ్చుకున్నారు. పెళ్లి తర్వాత సినిమాలకు దూరమైన జీవిత.. ఆ తర్వాత రాజకీయాల్లో కొంత కాలం కొనసాగారు. ఇప్పుడు.. ఆమె కూతుళ్లు శివానీ, శివాత్మిక లు హీరోయిన్లుగా నటిస్తున్నారు. కాగా, తాజాగా.. జీవిత ఓ ఇంటర్వ్యూలో భార్యాభర్తల సంబంధం గురించి మాట్లాడుతూ షాకింగ్ కామెంట్స్ చేశారు.
భార్యాభర్తల బంధంపై కామెంట్స్...
‘ భర్త అక్రమ సంబంధం పెట్టుకున్నా కూడా భార్య అతనిని వదిలిపెట్టకూడదు’ అని జీవిత అన్న మాటలు ప్రస్తుతం వైరల్ గా మారాయి. ‘ భర్త భార్యని, కుటుంబాన్ని వదిలేసి.. మరో అమ్మాయితో ఎఫైర్ పెట్టుకుంటే.. అలాంటి వ్యక్తితో భార్య ఉండాల్సిన అవసరం లేదు. కానీ, భర్త ఏదైనా ఆకర్షణలో పడి.. భార్యకు తెలీకుండా ఎవరితో అయినా ఎఫైర్ పెట్టుకుంటే... ఆ విషయాన్ని భార్య పెద్దగా పట్టించుకోవాల్సిన అవసరం లేదు. అతను నీకు తెలీకుండా దాచిపెడుతున్నాడు అంటే.. నీ మీద ప్రేమ ఉంది కాబట్టే. మనం ఎప్పుడూ ఒకే హోటల్ లో ఫుడ్ తినట్లేదు కదా.. ఒకే రకమైన బట్టలు వేసుకోవట్లేదు కదా.. ఇది కూడా అంతే. నా భార్యకు తెలియద్దు అని భర్త చేసిన పనిని సీరియస్ గా తీసుకొని కుటుంబాన్ని పాడుచేసుకోవద్దు. నిన్ను, నీ పిల్లలను మంచిగా చూసుకుంటే అలాంటి భర్త తప్పు చేసినా కూడా క్షమించేయాలి’ అని జీవిత ఓ ఇంటర్వ్యూలో కామెంట్స్ చేశారు. కాగా.. ఆమె చేసిన కామెంట్స్ పై నెటిజన్లు పలు రకాలుగా స్పందిస్తున్నారు.
తండ్రి పాత్రలు చేస్తున్న రాజశేఖర్..
ఇదిలా ఉంటే.. జీవిత తన కెరీర్ మంచి పీక్ లో ఉన్న సమయంలోనే హీరో రాజశేఖర్ ని ప్రేమించి పెళ్లి చేసుకున్నారు. తర్వాత ఆమె మళ్లీ సినిమాల్లో నటించింది లేదు. రాజశేఖర్ మాత్రం ఇప్పటికీ.. సినిమాలు చేస్తూనే ఉన్నారు. కొంతకాలం వరకు హీరోగా సినిమాలు చేసిన ఆయన..ఇప్పుడు హీరోలకు తండ్రి రూల్స్ కూడా చేస్తున్నారు. రీసెంట్ గా శర్వానంద్ బైకర్ మూవీలో తండ్రి పాత్ర పోషించారు. మరోవైపు, వారి కుమార్తె లు శివానీ, శివాత్మిక.. కొన్ని సినిమాల్లో హీరోయిన్లుగా నటించారు. కానీ, పెద్దగా గుర్తింపు సంపాదించుకోలేకపోయారు. కెరీర్ లో ఇంకా స్ట్రగుల్ అవుతూనే ఉన్నారు.
