Reunion Island:మాల్దీవ్స్ ని మించిన అందమైన ఐలాండ్.. 6గంటల్లో వెళ్లిపోవచ్చు.. వీసా కూడా అవసరం లేదు..!

Reunion Island: చుట్టూ నీరు.. మధ్యలో మాత్రమే భూ భాగం. ఐలాండ్ చూడటానికి ఎంత బాగుంటాయో కదా.. మాల్దీవ్స్, బాలీ ని మించిన ఐలాండ్ ఒకటి ఉంది. వీసా కూడా లేకుండా వెళ్లగలిగే ఈ అద్భుతమైన ప్రదేశంలో ఉన్న స్పెషాలిటీ ఏంటో తెలుసా?

Image Credit : Istock

జీవితంలో ఒక్కసారైన చూడాల్సిన ఐలాండ్..

ఈ కాలం యువత టూరిజాన్ని ఎక్కువగా ఇష్టపడుతున్నారు. లాంగ్ వీకెండ్ వస్తే చాలు.. ట్రిప్ కి వెళ్లడానికి ఇష్టపడుతున్నారు. ఇక, పెళ్లైన వెంటనే చాలా మంది హనీమూన్ ప్లాన్ చేసుకుంటారు. అంతక ముందు ఊటీ, షిమ్లా లాంటి ప్లేసులకు వెళ్లేవారు. కానీ, ఇప్పుడు ఎక్కువగా మాల్దీవ్స్, బాలీ లాంటి ప్లేసులకు ఎక్కువ మంది వెళ్తున్నారు. కానీ, మాల్దీవ్స్, బాలీ కంటే అందమైన ఐలాండ్ ఒకటి ఉంది. అదే ‘రీ యూనియన్ ఐలాండ్’. ప్రకృతి అందాలను ఆస్వాదించాలంటే జీవితంలో ఒక్కసారైనా వెళ్లాల్సిన ప్రదేశం ఇది. ఈ ఐలాండ్ కి వెళ్లడానికి మీకు వీసా కూడా అవసరం లేదు. కేవలం 6 గంటల్లోనే అక్కడికి చేరుకోవచ్చు.

Image Credit : Kerala Tourism

డైరెక్ట్ ఫ్లైట్...

ఈ ఐలాండ్ వెళ్లడం చాలా కష్టం అనుకుంటే మీరు పొరపాటుపడినట్లే. ఎందుకంటే.. డైరెక్ట్ ఫ్లైట్ తో మనం అక్కడికి వెళ్లిపోవచ్చు. ఈ ఐలాండ్ కి చెన్నై నుంచి మొట్టమొదటి డైరెక్ట్ ఫ్లైట్ ని ఇండిగో ఇటీవలే ప్రారంభించింది. దీంతో మీరు చెన్నై నుంచి కేవలం 6 గంటల్లో ఈ ఐలాండ్ కి చేరుకోవచ్చు. వారానికి మూడుసార్లు ఈ స్పెషల్ విమానం ఉంటుంది. అంతేకాదు.. ఈ ఐలాండ్ కి వెళ్లడానికి మీకు వీసా కూడా అవసరం లేదు. ఏదైనా ట్రావెల్ ఏజెన్సీ ద్వారా.. మీరు టికెట్స్ పది రోజుల ముందు బుక్ చేసుకుంటే సరిపోతుంది.

Image Credit : Istock

ఈ ‘రీ యూనియన్ ఐలాండ్’ లో కచ్చితంగా చేయాల్సిన పనులు..

హిందూ మహాసముద్రంలో దాగి ఉన్న డైమండ్ లాంటి ఈ ప్రదేశానికి మీరు ట్రిప్ కి వెళ్లాలి అనుకుంటే.. అక్కడ చూడాల్సిన ప్రదేశాలు, చేయాల్సిన పనులు ఉన్నాయి.

ఈ ఐలాండ్ లో పిటన్ డి లాఫోర్నైస్ అనే అగ్నిపర్వతం ఉంది. ఈ అగ్నిపర్వతాన్ని జీవితంలో ఒక్కసారైన చూడాల్సిందే. ఈ ప్రదేశం చూడటానికి రెండు కళ్లు సరిపోవు. ఈ అందాలను మీరు కనీసం ఫోటోల్లో కూడా బంధించలేరు. ఈ ఐలాండ్ అందాలను కళ్లారా చూడటానికి స్పెషల్ గా హెలికాప్టర్ ప్రయాణాలు కూడా ఉంటాయి. మీరు వీటిని అస్సలు మిస్ అవ్వకూడదు. హెలికాప్టర్ ఎక్కి.. పై నుంచి ఐలాండ్ ను చూసేయచ్చు. అంతేకాదు.. ఇక్కడ ప్రకృతి ని ఆస్వాదించాలంటే.. హైకింగ్ చేయాలి.మంచి థ్రిల్ ఇస్తుంది.

ఈ ఐలాండ్ లో పర్యాటకులను ఆకర్షించేందుకు పారాగ్లైడింగ్ కూడా ఉంది. సాహసయాత్ర చేయాలి అనుకుంటే.. ఇక్కడ పారా గ్లైడింగ్ చేయాల్సిందే.