Anant Ambani: రియలన్స్ బాధ్యతలు అప్పగించారు... అనంత్ అంబానీ ఏం చదువుకున్నాడు..?
Anant Ambani: ముకేష్ అంబానీ తన చిన్న కుమారుడికి తన వ్యాపారాల్లో చాలా కీలకమైన రియలన్స్ బాధ్యతలు మొత్తం అప్పగించేశాడు.అసలు అనంత్ అంబానీ ఏం చదివాడు..? ఎడ్యుకేషన్ బ్యాగ్రౌండ్ ఏంటి?
ఆకాశ్ అంబానీ...
మన దేశంలోనే అత్యంత సంపన్నుడు ముకేష్ అంబానీ గురించి స్పెషల్ గా పరిచయం చేయాల్సిన అవసరం లేదు. ఆయన ఎంత సుపరిచితుడో.. ఆయన చిన్న కుమారుడు అనంత్ అంబానీ కూడా అందరికీ అంతే పరిచయం. అయితే.. అనంత్ అంబానీ తన తండ్రికి సంబంధించిన రిలయన్స్ రిటైల్ వెంచర్స్ లిమిటెడ్ బోర్డులో డైరెక్టర్ గా పని చేస్తున్నారు. 2022 నుంచి అనంత్ రిలయన్స్ ఫౌండేషన్ బోర్డులో కూడా పని చేస్తున్నారు. కేవలం.. తన కుమారుడు అనే కారణంతోనే ఇంత ముఖ్యమైన బాధ్యతలు అప్పగించారా? లేక.. నిజంగా అర్హుడనే బాధ్యతలు అప్పగించారా? అసలు.. అనంత్ అంబానీ ఏం చదువుకున్నాడు? ఎక్కడ చదువుకున్నాడు..?
అనంత్ అంబానీ విద్య అర్హత..
ముకేష్, నీతా అంబానీ ల ముద్దుల కుమారుడు అనంత్ అంబానీ బ్రౌన్ విశ్వవిద్యాలయంలో చదువుకున్నారు. రిలయన్స్ ఇండస్ట్రీస్ అధికారిక వెబ్ సైట్ ప్రకారం, అనంత్ అంబానీ అమెరికాలోని బ్రౌన్ విశ్వవిద్యాలయం నుండి తన బ్యాచిలర్ డిగ్రీ పొందారు. అనంత్ అంబానీ జంతు సంక్షేమ కార్యక్రమాల్లోనూ చాలా చురుకుగా పాల్గొంటాడు. రిలయన్స్ వెబ్ సైట్ ప్రకారం, చిన్న వయసు నుంచే జంతు సంక్షేమం పట్ల తీవ్రమైన అభిరుచిని కలిగి ఉన్నాడు. ప్రమాదంలో ఉన్న జంతువులకు పునరావాసం కల్పించడానికి, వాటి మిగిలిన జీవితంలో సంరక్షణ, గౌరవాన్ని అందించడానికి అనేక కార్యక్రమాల్లో పాల్గొంటూ ఉంటాడు.
అనంత్ అంబానీకి దైవభక్తి కూడా ఎక్కువే..
అనంత్ అంబానీ కి దైవ భక్తి కూడా చాలా ఎక్కువే. రెగ్యులర్ గా ఆలయాలకు వెళ్తూ ఉంటారు. భారీ విరాళాలు కూడా ఇస్తూ ఉంటారు. కొంత కాలం క్రితం రాజరాజేశ్వరం ఆలయానికి రూ.12కోట్లు ప్రకటించారు. ఇక.. తన 31వ పుట్టిన రోజున కేరళలోని ఓ ఆలయానికి రూ.18 కోట్ల విరాళాలు ప్రకటించారు. రాజరాజేశ్వరం, గురువాయూర్ ఆలయాలకు రూ.6కోట్ల విరాళాలు, రాజరాజజేశ్వరంలోని చారిత్రాత్మక తూర్పు గోపురం పునరుద్ధరణకు రూ.12కోట్లు, ఆలయంలోని ఏనుగుల సంరక్షణకు కూడా ఆయన భారీ విరాళాలు ఇచ్చారు.
ఆకాశ్ అంబానీ, ఇషా అంబానీ ఏం చదివారు..?
అంబానీ పిల్లల విద్య విషయానికి వస్తే, ఆకాశ్ అంబానీ అమెరికాలోని బ్రౌన్ విశ్వవిద్యాలయం నుండి అర్థశాస్త్రంలో బ్యాచిలర్ డిగ్రీ పూర్తి చేశారు. ఇక.. ఇషా అంబానీ యేల్ విశ్వవిద్యాలయం నుండి మనస్తత్వశాస్త్రం, దక్షిణాసియా అధ్యయనాలలో డబుల్ మేజర్ తో పట్టుభద్రురాలయ్యారు. స్టాన్ ఫోర్డ్ విశ్వవిద్యాలయం నుండి ఎంబీఏ కూడా పూర్తి చేశారు.
