Rashmika Family: విజయ్ దేవరకొండ అత్తింట్లో ఎవరెవరున్నారో తెలుసా? రష్మిక ఫ్యామిలీ 6 ఫొటోలు

ఫిబ్రవరి 26న విజయ్ దేవరకొండ, రష్మిక మందన్న పెళ్లి చేసుకోబోతున్నారు. ఈ విషయాన్నిని రీసెంట్ గా ఈ జంట స్వయంగా  సోషల్ మీడియాలో ప్రకటించారు.  ఈ నేపథ్యంలో, విజయ్ కాబోయే అత్తింట్లో, అంటే రష్మిక మందన్న కుటుంబంలో ఎవరున్నారో తెలుసా? 

Image Credit : Facebook

విజయ్ దేవరకొండ అత్తమామలు

విజయ్ దేవరకొండ కాబోయే మామగారు, అంటే రష్మిక తండ్రి పేరు మదన్ మందన్న. అందుబాటులో ఉన్న సమాచారం ప్రకారం, ఆయనకు వ్యాపార నేపథ్యం ఉంది. ఇక విజయ్ అత్తగారు, రష్మిక తల్లి సుమన్ మందన్న గృహిణి. రష్మిక కెరీర్‌లోని ప్రతి అడుగులో ఆమె తల్లి అండగా నిలిచారు. షూటింగ్ షెడ్యూల్స్ నుంచి ముఖ్యమైన నిర్ణయాల వరకు, కుటుంబం ఎప్పుడూ ఆమె వెంటే ఉంది.

Image Credit : Facebook

విజయ్ దేవరకొండ బావమరుదులు, మరదళ్లు

అందుబాటులో ఉన్న సమాచారం ప్రకారం, విజయ్ దేవరకొండకు సొంత బావమరిది ఎవరూ లేరు. అంటే, రష్మిక మందన్నకు సొంత అన్నదమ్ములు లేరు. కానీ, ఆమెకు ఒక చెల్లెలు ఉంది. ఆమె పేరు షిమన్ మందన్న. మొత్తంగా, విజయ్ అత్తింట్లో అత్తమామల తర్వాత ఒకే ఒక మరదలు ఉంది. 

Image Credit : Facebook

రష్మిక మందన్న చెల్లి ఏవరు? ఏం చేస్తుంటుంది?

రష్మిక మందన్న చెల్లి షిమన్ వయసు ఇప్పుడు సుమారు 13 ఏళ్లు. ఆమె తన అక్క కంటే 16 ఏళ్లు చిన్నది. తన చెల్లితో ఉన్న వయసు తేడా గురించి రష్మిక గతంలో ఓ ఇంటర్వ్యూలో మాట్లాడారు. జూలై 2025లో ఒక మ్యాగజైన్‌కు ఇచ్చిన ఇంటర్వ్యూలో, తన చెల్లికి 13 ఏళ్లు అని రష్మిక చెప్పారు.

Image Credit : Facebook

చెల్లి విషయంలో బాధపడుతున్న రష్మిక మందన్న

నోడ్ మ్యాగజైన్‌కు ఇచ్చిన ఇంటర్వ్యూలో రష్మిక ఎమోషనల్ అయ్యారు. "నాకు సెలవు దొరికిన రోజుల్లో ఏడుపొస్తుంది. నాకో చెల్లి ఉంది, నాకంటే 16 ఏళ్లు చిన్నది. ఇప్పుడు తన వయసు 13 ఏళ్లు. 

గత ఎనిమిదేళ్లుగా నేను పని చేయడం మొదలుపెట్టాక, తను పెరిగి పెద్దవ్వడాన్ని నేను చూడలేకపోయాను. ఇప్పుడు తను దాదాపు నా ఎత్తుకు వచ్చేసింది. కానీ ఆ ప్రయాణాన్ని నేను మిస్ అయ్యాను" అని రష్మిక ఆవేదన వ్యక్తం చేశారు. ఇది 

Image Credit : Facebook

రష్మిక మందన్న చెల్లి ని ఏమని పిలుస్తారు?

షిమన్ ఇంకా చాలా చిన్నది. రష్మిక తన చెల్లిని 'బేబీ సిస్టర్' అని పిలుస్తుంటారు. షిమన్ తన తల్లిదండ్రులతో కలిసి మైసూరులో ఉంటోంది. ప్రస్తుతం తన చదువుపైనే దృష్టి పెట్టింది. ఓ ఇంటర్వ్యూలో రష్మిక మాట్లాడుతూ.. తాను తన చెల్లికి అడగకుండానే అన్నీ ఇవ్వగలనని, కానీ అలా చేయనని చెప్పారు. 

ఎందుకంటే, తన చెల్లి వస్తువుల విలువను తెలుసుకోవాలని ఆమె కోరుకుంటున్నారు. 'నేను తనకి చాలా భద్రత, సౌకర్యాలు ఇవ్వగలను. కానీ సరైన వయసు వచ్చాక మాత్రమే. ఇప్పుడు తను చాలా చిన్నది' అని రష్మిక అన్నారు.

Image Credit : Facebook

సోషల్ మీడియాలో రష్మిక మందన్న చెల్లి?

ఇన్‌స్టాగ్రామ్‌లో shiman_mandana పేరుతో ఒక అకౌంట్ ఉంది. ఇది నిజంగా రష్మిక చెల్లిదేనా లేక ఆమె పేరుతో వేరే ఎవరైనా నడుపుతున్నారా అనేది మేం ధృవీకరించడం లేదు. కానీ, ఈ అకౌంట్‌లో షిమన్ తనతో పాటు తన తల్లిదండ్రులు, అక్క ఫొటోలను పోస్ట్ చేసింది.