కేశవా ఎంత పనిచేశావురా.. పుష్ప 2 ప్లాన్ మొత్తం నాశనం, జాతర సీక్వెన్స్ పై దెబ్బ పడిందిగా ?

ఐకాన్ స్టార్ అల్లు అర్జున్ నటించిన నటిస్తున్న పుష్ప 2 ది రూల్ చిత్రం కోసం అభిమానులు మాత్రమే కాదు దేశం మొత్తం ఎదురు చూస్తోంది. పుష్ప మొదటి భాగంతో అల్లు అర్జున్ చేసిన మ్యాజిక్ అలాంటిది. డైరెక్టర్ సుకుమార్ అయితే పుష్ప మొదటి భాగానికి పదింతలు పవర్ ఫుల్ గా ఉండేలా పుష్ప 2 తెరకెక్కిస్తున్నారు. పుష్ప 2 షూటింగ్ అంతా అనుకున్నట్లుగా సాఫీగా జరుగుతున్న సమయంలో ఊహించని సెట్ బ్యాక్ ఎదురైంది. 

ఓ మహిళ ఆత్మహత్యకు ఆత్మహత్యకు కారణం అయ్యాడనే ఆరోపణలతో పోలీసులు ఇటీవల నటుడు జగదీశ్ ని అరెస్ట్ చేసిన సంగతి తెలిసిందే. ఇటీవల టాలీవుడ్ కి చెందిన మహిళా జూనియర్ ఆర్టిస్ట్ ఆత్మహత్య చేసుకుని మరణించింది. ఆమెతో జగదీశ్ కి సంబంధాలు ఉన్నాయి.జగదీశ్ ఆమెని ప్రైవేట్ ఫోటోలు చూపించి బ్లాక్ మెయిల్ చేయడం వేధించడంతో ఆత్మహత్య చేసుకున్నట్లు ప్రధానంగా ఆరోపణ వినిపించింది. 

జగదీశ్ వేధింపులు భరించలేక ఆమె గత ఏడాది నవంబర్ లో ఆత్మహత్య చేసుకుంది. పరారీలో ఉన్న జగదీష్ ని పంజాగుట్ట పోలీసులు డిసెంబర్ 6న అరెస్ట్ చేశారు. పలు సెక్షన్ల కింద కేసు నమోదు చేశారు.పోలిసుల విచారణలో జగదీశ్ తన నేరాన్ని అంగీకరించినట్లు కూడా వార్తలు వచ్చాయి. దీనితో జగదీష్ ఇప్పట్లో జైలు నుంచి బయటకు వస్తాడా అనే అనుమానాలు పెరిగాయి. 

జగదీశ్ పుష్ప చిత్రంలో కేశవగా అత్యంత కీలకమైన పాత్రలో నటించిన సంగతి తెలిసిందే. హీరో అల్లు అర్జున్ పక్కనే ఉండే పాత్ర అతడిది. పుష్ప 2లో కూడా జగదీష్ పాత్ర చాలా కీలకం. జగదీష్ అరెస్ట్ కావడంతో పుష్ప 2 చిత్ర యూనిట్ కి అసలైన సమస్యలు మొదలయ్యాయి. షూటింగ్ షెడ్యూల్ మొత్తం మార్చేయాల్సి వచ్చిందట. జగదీష్ ప్రమేయం లేని సన్నివేశాలని ముందుకు జరిపి షూటింగ్ చేశారట. 

అయితే ఇప్పుడు అసలైన చిక్కులు వచ్చి పడ్డాయి. పుష్ప 2 లో అత్యంత కీలకమైన జాతర సన్నివేశాలని సుకుమార్ చిత్రీకరిస్తున్నారు. కేవలం జాతర సీక్వెన్స్ షూట్ చేయడానికే రెండు నెలల సమయం పడుతుందట. ఇప్పటికి కొంత భాగం షూటింగ్ జరిగింది. జాతర సీన్ లో జగదీష్ కీలకంగా ఉంటాడట. ఇకపై జగదీష్ లేకుండా షూటింగ్ కొనసాగించలేని పరిస్థితి ఏర్పడినట్లు టాక్. 

జాతర సీక్వెన్స్ లో ఒక సాంగ్ కూడా ఉంది. కేశవ పాత్ర లేకుండా జాతర సీన్ ఎలా ముంగించాలి అని డైరెక్టర్ సుకుమార్ అండ్ టీమ్ తలలు పట్టుకుని ఆలోచిస్తున్నట్లు వార్తలు వస్తున్నాయి. కేశవ పాత్ర ఎఫెక్ట్ ఇప్పుడు మొత్తం సినిమా ప్రొడక్షన్ నే ప్రభావం చేస్తోందట. జగదీష్ అరెస్ట్ కారణంగా చిత్ర యూనిట్ ముందుగా ప్రకటించిన ఆగష్టు 15 న ఈ చిత్రం రిలీజ్ అవుతుందా అనే అనుమానాలు కూడా మొదలయ్యాయి. 

ఎలాంటి అడ్డంకులు లేకుంటే సుక్కు చక చకా షూటింగ్ ఫినిష్ చేసే ఛాన్స్ ఉండేది. కానీ ఇప్పుడు చాలా సన్నివేశాలపై జగదీష్ ఎఫెక్ట్ పడ్డట్లు తెలుస్తోంది. ఇండియా మొత్తం పుష్ప అంటే ఒక బ్రాండ్ లాగా మారిపోయింది. జగదీష్ వివాదం వల్లే సినిమాపై ఉన్న అంచనాలు కూడా ఎఫెక్ట్ అయ్యే ఛాన్స్ ఉంది. మరి ఈ సమస్యని సుకుమార్ ఎలా అధికమిస్తారో చూడాలి.