ప్రభాస్‌ మరో సంచలన మూవీకి ఫస్ట్ స్టెప్‌.. కరెక్ట్ గా పడితే రెండు వేల కోట్ల కలెక్షన్లు జుజూబీ!

Prabhas: ప్రభాస్‌ ఇప్పటికే రెండు సినిమాల షూటింగ్‌లతో బిజీగా ఉన్నారు, మరో మూడు మూవీస్‌ చేయాల్సి ఉంది. ఇప్పుడు మరో కొత్త సినిమాకి సంబంధించి గూస్‌ బంమ్స్ అప్‌ డేట్‌ వచ్చింది.   

Prabhas

ప్రభాస్‌ భారీ సినిమాల లైనప్‌ ఉన్న హీరో. టాలీవుడ్‌లో మరే హీరోకి ఈ స్థాయి లైనప్‌ లేదు. ఆయన చేతిలో ఐదారు సినిమాలున్నాయి. మరో రెండు మూడు సినిమాలు ప్రకటించాల్సి ఉంది. వాటిలో అదిరిపోయే కాంబినేషన్స్ ఉండటం విశేషం. ఈ నేపథ్యంలో ప్రభాస్‌ కొత్త సినిమాకి సంబంధించిన అప్‌ డేట్‌ గూస్‌బంమ్స్ తెప్పిస్తుంది. 

The Raja Saab

ప్రభాస్‌ ప్రస్తుతం `ది రాజా సాబ్‌` చిత్రంలో నటిస్తున్నారు. మారుతి దర్శకత్వంలో రూపొందుతున్న ఈ మూవీ ఏప్రిల్‌లో విడుదల కానుంది. దీంతోపాటు హను రాఘవపూడితో `ఫౌజీ` మూవీ చేస్తున్నారు. ఇది చిత్రీకరణ దశలో ఉంది. ఈ సినిమా అన్నీ కుదిరితే ఈ ఏడాదే విడుదలయ్యే అవకాశం ఉంది. ఏం జరుగుతుందోచూడాలి. 

Prabhas:

దీంతోపాటు సందీప్‌ రెడ్డి వంగాతో `స్పిరిట్‌` మూవీ చేయాల్సి ఉంది. ఈ ఏడాది ద్వితీయార్థంలో ఇది ప్రారంభం కానుందట. ఈ సినిమా షూటింగ్‌ చేస్తున్నప్పుడు ప్రభాస్‌ మరే మూవీ చేయడట. ఇది సందీప్‌ రెడ్డి కండీషన్‌ అని సమాచారం. దీంతోపాటు `సలార్‌ 2`, `కల్కి 2` చిత్రాలు చేయాల్సి ఉంది. ఇవే కాదు.. హోంబలే ఫిల్మ్స్ బ్యానర్‌లో మరో రెండు సినిమాలు చేయాల్సి ఉంది ప్రభాస్‌. 

Prabhas, prasanth varma

ఈ బ్యానర్‌లో మొత్తం మూడు సినిమాలు చేయాల్సి ఉండగా, `సలార్‌ 2` అందులోనే తెరకెక్కబోతుంది. దీంతోపాటు `హనుమాన్‌` ఫేమ్‌ ప్రశాంత్‌ వర్మతో సినిమా హోంబలే ఫిల్మ్స్ నిర్మించబోతుందట. అలాగే లోకేష్‌ కనగరాజ్‌తో సినిమా కూడా హోంబలేలోనే ఉంటుందని సమాచారం.

ఇందులో నిజమెంతా అనేది తెలియాల్సి ఉంది. అయితే ప్రశాంత్‌ వర్మ, ప్రభాస్‌ ల సినిమాకు సంబంధించిన క్రేజీ అప్‌ డేట్‌ చక్కర్లు కొడుతుంది. ఈ ప్రాజెక్ట్ కి సంబంధించిన టెస్ట్ షూట్‌ నేడు బుధవారం జరగబోతుందట. ప్రభాస్‌పై ప్రశాంత్‌ వర్మ టెస్ట్ షూట్‌ చేయబోతున్నారట. 

Prabhas

సినిమాలోని కథకి తగ్గట్టుగా ప్రభాస్‌ గెటప్‌ ఎలా ఉండాలి? లుక్‌ ఎలా కనిపించాలనేది టెస్ట్ చేయబోతున్నారట. లుక్‌ టెస్ట్ ని బట్టి ప్రభాస్‌ పాత్ర డిజైనింగ్‌ ఉంటుందని తెలుస్తుంది. ఈ రోజు అది నిర్వహించబోతున్నారట. ఇది ప్రభాస్‌ ఫ్యాన్స్ కి పూనకాలు తెప్పిస్తుంది. చిన్న హీరోతో `హనుమాన్‌` లాంటి సినిమా చేసి మూడు వందల కోట్లు కొల్లగొట్టాడు ప్రశాంత్‌ వర్మ.

మరి ప్రభాస్‌ లాంటి గ్లోబల్‌ స్టార్‌తో సినిమా అంటే అది ఏ రేంజ్‌లో ఉంటుందో ఊహించుకోవచ్చు. రెండువేల కోట్లు కొల్లగొట్టడం పెద్ద లెక్కకాదు, అంతకు మించి వెళ్లినా ఆశ్చర్యం లేదని చెప్పడంలో అతిశయోక్తి లేదు. మరి ఈ మూవీ ఎలా ఉంటుందో చూడాలి. కానీ ఈ టెస్ట్ షూట్‌ అనే వార్త ప్రభాస్‌ ఫ్యాన్స్ ని ఖుషి చేస్తుంది.