ప్రభాస్‌, మహేష్‌, పవన్‌, ఎన్టీఆర్, అల్లు అర్జున్‌, చరణ్‌ మూవీస్‌ లైనప్‌.. 3,4 ఏళ్లు పాన్‌ ఇండియా సినిమాల జాతరే

Pan India Stars Movies Line up: ప్రభాస్‌, మహేష్‌, పవన్‌, అల్లు అర్జున్‌, ఎన్టీఆర్‌, చరణ్‌ మూవీస్‌ లైనప్‌ అదిరిపోయేలా ఉంది. మూడు, నాలుగేళ్ల ఆడియెన్స్ వరుస పాన్‌ ఇండియాసినిమాల జాతర చూపించబోతున్నారు.   

Star heroes

Pan India Stars Movies Line up: ప్రస్తుతం మన తెలుగు స్టార్‌ హీరోలు వరుస సినిమాలతో బిజీగా ఉన్నారు. టాప్‌ పాన్‌ ఇండియా స్టార్స్ లైనప్ చూస్తే మాత్రం షాక్‌ అవ్వాల్సిందే. మరి సీనియర్లని పక్కన పెడితే టాప్‌ స్టార్స్ ప్రభాస్‌, అల్లు అర్జున్‌, ఎన్టీఆర్‌, రామ్‌ చరణ్‌, మహేష్‌ బాబు సినిమాల లైనప్‌ ఏంటి? వారి చేతిలో ఎన్ని సినిమాలున్నాయి? అవి రిలీజ్‌ కావడానికి ఎంత టైమ్‌ పడుతుంది? అనేది చూస్తే. 

prabhas

ప్రభాస్‌.. ప్రస్తుతం ఇండియాలో టాప్‌ స్టార్‌ ఎవరైనా ఉన్నారంటే అది ప్రభాస్‌ అనే చెప్పాలి. ఆయన సినిమా యావరేజ్‌ టాక్‌ తెచ్చుకున్నా వెయ్యి కోట్లు ఈజీగా వసూలు చేస్తున్నారు. చివరగా `కల్కి 2898 ఏడీ` సినిమాతో అలరించిన డార్లింగ్‌ చేతిలో ఇప్పుడు ఆరు సినిమాలున్నాయి. అందులో `ది రాజా సాబ్‌` మొదట విడుదల కానుంది.

ఆ తర్వాత హను రాఘవపూడి `ఫౌజీ`, దాని తర్వాత సందీప్‌ రెడ్డి వంగా `స్పిరిట్‌`, అలాగే `సలార్‌ 2`, `కల్కి 2` చిత్రాలు తెరకెక్కి విడుదల కానున్నాయి. ఇవి కాకుండా లోకేష్‌ కనగరాజ్‌తో, ప్రశాంత్‌ వర్మతోనూ సినిమాలున్నట్టు టాక్‌. ఇవి రిలీజ్‌ కావడానికి మరో మూడు, నాలుగేళ్లు పడుతుంది. అప్పటి వరకు ప్రతి ఏడాది ఓ జాతరే అని చెప్పొచ్చు. 

allu arjun, trivikram

అల్లు అర్జున్‌.. ఇటీవల `పుష్ప 2`తో సంచలనాలు క్రియేట్‌ చేసిన అల్లు అర్జున్‌ నెక్ట్స్ త్రివిక్రమ్‌ దర్శకత్వంలో ఓ సరికొత్త మైథలాజికల్‌ మూవీ చేయబోతున్నారు. ఇది ఈ ఏడాది చివర్లో ప్రారంభం కానుంది. ఆ తర్వాత సందీప్‌ రెడ్డి వంగాతో ఓ మూవీ చేయల్సి ఉంది.

వీటితోపాటు అట్లీతో ఓ సినిమా, సంజయ్‌ లీలా భన్సాలీతో మరో మూవీ చేయాల్సి ఉందని సమాచారం. దీంతోపాటు `పుష్ప 3` కూడా ఉంది. ఇలా బన్నీ కూడా మూడు, నాలుగేళ్లు భారీ సినిమాలను అందించబోతున్నారు. 

a m rathnam, pawan kalyan

పవన్‌ కళ్యాణ్‌.. ప్రస్తుతం డిప్యూటీ సీఎంగా బిజీగా ఉన్నారు. అయినా తాను ఒప్పుకున్న సినిమాలు పూర్తి చేసే పనిలో ఉన్నారు. త్వరలో ఆయన్నుంచి `హరిహర వీరమల్లు` మూవీ విడుదల కాబోతుంది. ఆ తర్వాత `ఓజీ` మూవీని పూర్తి చేస్తారు.ఈ రెండు సినిమాలైతే పక్కాగా విడుదలవుతాయని సమాచారం.

ఇక మరో మూవీ `ఉస్తాద్‌ భగత్‌ సింగ్‌` పై అనుమానాలున్నాయి. ఇది ఆగిపోయే ఛాన్సే కనిపిస్తుంది. ఇక పవన్‌ నుంచి విడుదల కానున్న ఈ రెండు సినిమాలు ఈఏడాది ఆడియెన్స్ ముందుకు వస్తాయి. పవన్‌ నుంచి ఒకే ఏడాది రెండు సినిమాలంటే ఫ్యాన్స్ కిది సర్‌ప్రైజ్‌ అనే చెప్పాలి. 

jr ntr

ఎన్టీఆర్‌.. గతేడాది `దేవర` చిత్రంతో ఆకట్టుకున్నారు ఎన్టీఆర్‌. ప్రస్తుతం ఆయన హిందీలోకి ఎంట్రీ ఇస్తూ `వార్‌ 2`లో నటిస్తున్నారు. ఈ మూవీ ఈ ఏడాది విడుదలవుతుంది. అనంతరం త్వరలోనే ప్రశాంత్‌ నీల్‌ దర్శకత్వంలో సినిమా ప్రారంభం కానుంది. ఇది కాకుండా `దేవర 2` చేయాల్సి ఉంది. అలాగే `జైలర్‌` ఫేమ్‌ నెల్సన్‌ తోనూ ఓ మూవీ చేయాల్సి ఉందని సమాచారం. 

ram charan

రామ్‌ చరణ్‌ః ఇటీవల `గేమ్‌ ఛేంజర్‌`తో చేదు అనుభవాన్ని చవిచూశారు చరణ్‌. ప్రస్తుతం ఆయన బుచ్చిబాబుతో `ఆర్సీ16` సినిమాలో నటిస్తున్నారు. ఇది ఈఏడాది చివర్లో విడుదల కానుంది. అనంతరం సుకుమార్‌ దర్శకత్వంలో సినిమా చేయబోతున్నారు. దీంతోపాటు సందీప్‌ రెడ్డి వంగాతో ఓ మూవీ ఉంటుందని సమాచారం. ఇలా చరణ్‌ నుంచి కూడా వరుసగా మూడేళ్లు సినిమాలు రాబోతున్నాయి. 

ssmb29

మహేష్‌ బాబు.. మహేష్‌ నుంచి సినిమా వచ్చే ఏడాది దాటిపోయింది. ప్రస్తుతం రాజమౌళితో సినిమా చేస్తున్నారు. `ఎస్‌ఎస్‌ఎంబీ29` పేరుతో రూపొందుతున్న ఈ చిత్రం ఎప్పుడు రిలీజ్‌ అవుతుందో తెలియదు. రెండేళ్లుపట్టే ఛాన్స్ ఉంది. ఇది రెండు పార్ట్ లు గా విడుదల కానుందట.

ఈ మూవీతోనే మహేష్‌ పాన్‌ ఇండియాస్టార్‌గా, గ్లోబల్‌ స్టార్‌గా పేరు తెచ్చుకోబోతున్నారు. ఇలా ఈ స్టార్స్ సినిమాలు మూడునాలుగేళ్లు వరుసగా విడుదలవుతాయి. అవి ఫ్యాన్స్ కి మంచి పాన్‌ ఇండియా సినిమాల జాతరని తీసుకురాబోతున్నాయి. 

alos read: Savitri Mistake: జెమినీ గణేషన్‌ మోసం కాదు, సావిత్రి చేసిన తప్పు‌ ఇదే, లేదంటే రాణిలా వెలిగేది?