- Home
- Entertainment
- Chiranjeevi: ఆ కమెడియన్ వల్లే రాంచరణ్ మూవీ హిట్ అవుతుంది, ఒక్క సీన్ కూడా కట్ చేయొద్దు.. తెగేసి చెప్పిన చిరు
Chiranjeevi: ఆ కమెడియన్ వల్లే రాంచరణ్ మూవీ హిట్ అవుతుంది, ఒక్క సీన్ కూడా కట్ చేయొద్దు.. తెగేసి చెప్పిన చిరు
రాంచరణ్ నటించిన హిట్ మూవీ ఓ నటుడి జాతకమే మార్చేసింది. ఆ కమెడియన్ వల్లే సినిమా హిట్ అవుతుంది అని చిరంజీవి రషెస్ చూసి చెప్పారట. ఆ వివరాలు ఈ కథనంలో తెలుసుకుందాం.
Ram Charan
ఏ నటుడికైనా సరైన సినిమా ఒక్కటి పడితే చాలు జాతకమే మారిపోతుంది. పాపులర్ అయిన ప్రతి నటుడి కెరీర్ లో అలాంటి సినిమా ఒకటుంటుంది. పోసాని కృష్ణ మురళి రచయితగా, నటుడిగా గుర్తింపు పొందారు. చాలా కాలంగా సినిమాల్లో ఆయన చిన్న వేషాలు వేస్తున్నారు. కానీ పోసానికి నటుడిగా బ్రేక్ ఇచ్చింది మాత్రం రాంచరణ్ నాయక్ మూవీనే.
చిన్న పాత్రని సెకండాఫ్ మొత్తం ఉండేలా..
ఆ మూవీలో పోసాని కామెడీ రౌడీగా నటించారు. వాస్తవానికి నాయక్ మూవీలో ముందుగా రాసుకున్న స్క్రిప్ట్ ప్రకారం పోసానిది చాలా చిన్న పాత్ర. రెండు మూడు రోజులు షూటింగ్ చేస్తే సరిపోతుంది. కానీ అనూహ్యంగా సెకండ్ హాఫ్ మొత్తం తన పాత్ర ఉండేలా వివి వినాయక్ మార్చేశారట. దీని గురించి పోసాని ఓ ఇంటర్వ్యూలో ఆసక్తికర వ్యాఖ్యలు చేశారు.
పడీ పడీ నవ్వారు
ఆ టైంలో నాకు యాక్టింగ్ పై అంతగా ఆసక్తి లేదు. ఏవో కొన్ని సినిమాలు చేస్తున్నా అంతే. శ్రీకాకుళం వెళ్లాల్సి ఉంటే వివి వినాయక్ ఫోన్ చేశారు. వినాయక్ చాలా మంచి వ్యక్తి. రాంచరణ్ మూవీలో 3 రోజుల పాత్ర ఉంది, వచ్చి చేసిపో అని రిక్వస్ట్ చేశాడు. సరే అని వెళ్ళాను. ఫస్ట్ రోజు షూటింగ్ లో నా డైలాగులకు కెమెరామెన్ చోటా కె నాయుడు, వివి వినాయక్ అదే విధంగా సెట్ లో ఉన్న వారంతా పగలబడి నవ్వారు.
చిరంజీవి గారికి చూపించారు
ఆ తర్వాత రషెష్ కూడా చూసి నవ్వుతూనే ఉన్నారు. అప్పుడు వివి వినాయక్ ఈ పాత్ర సెకండ్ హాఫ్ మొత్తం ఉండాల్సిందే. ఏం చేస్తావో చేయి అని రైటర్ ఆకుల శివకి చెప్పారు. ఆ విధంగా 3 రోజుల పాత్ర కాస్త 13 రోజుల పాత్ర అయింది. వివి వినాయక్ నా సన్నివేశాల రషెష్ ని చిరంజీవి గారికి కూడా చూపించారు. ఆయన రిపీట్ గా చూస్తూ నవ్వారు.
ఒక్క సీన్ కూడా కట్ చేయొద్దు
నా సీన్లు చూసిన తర్వాత చిరంజీవి గారు వినాయక్, రాంచరణ్ తో చెప్పారట. పోసాని సీన్లు ఒక్కటి కూడా కట్ చేయడానికి వీల్లేదు. ఈ సీన్ల వల్లే సినిమా హిట్ అవుతుంది అని అన్నారు. చిరంజీవి మాటలకు అందరూ ఆశ్చర్యపోయారు. సినిమా రిలీజ్ అయ్యాక నాయక్ మూవీ హిట్ కావడానికి ప్రధాన కారణం నేనే అని చాలా మంది చెప్పారు. నాయక్ రిలీజ్ అయిన వారంలో నేను 36 సినిమాలకు సైన్ చేశాను. ఆ సినిమాలేంటో మర్చిపోతానని పేపర్ లో రాసుకునేవాడిని అని పోసాని తెలిపారు. కొందరు నిర్మాతలు అయితే ఒక రోజులు రూ.2 లక్షలు ఇస్తాం, డేట్లు ఇవ్వండి అని కూడా రిక్వస్ట్ చేసినట్లు పోసాని తెలిపారు.
