మావారికి సిగ్గు ఎక్కువ, మ్యారీడ్ లైఫ్, భర్త పై కీర్తి సురేష్ కామెంట్స్ వైరల్

పెళ్ళై రెండు నెలలు కావస్తుంది. మరి కీర్తి సురేష్ మ్యారీడ్ లైఫ్ ఎలా ఉంది. భర్త తనను ఎలా చూసుకుంటున్నాడు. పెళ్ళి జీవితం గురించి కీర్తి సురేష్ చేసిన కామెంట్స్ ప్రస్తుతం వైరల్ అవుతున్నాయి. 

కీర్తి సురేష్, ఆంటోనీ థట్టిల్

కీర్తి సురేష్ ఇప్పుడు టాప్ ట్రెండింగ్‌లో ఉన్నారు. గత కొన్ని నెలలుగా ఆమె తరచూ వార్తల్లో నిలిచారు. 15 ఏళ్లుగా ప్రేమించుకున్న ఆంటోనీ థట్టిల్‌ను గతేడాది గోవాలో వివాహం చేసుకున్నారు. కీర్తి సురేష్, ఆంటోనీ థట్టిల్ వివాహానికి విజయ్, త్రిష హాజరయ్యారు. వీళ్లిద్దరూ ప్రైవేట్ జెట్‌లో వెళ్లడం చర్చనీయాంశమైంది.

ఆంటోనీ థట్టిల్, కీర్తి సురేష్ వివాహం

ఆ తర్వాత ఆంటోనీ థట్టిల్, కీర్తి సురేష్ హనీమూన్‌కి వెళ్లారు. థాయిలాండ్ ఫోటోలు, వీడియోలు సోషల్ మీడియాలో వైరల్ అయ్యాయి. ఆ తర్వాత 'బేబీ జాన్' ప్రమోషన్స్‌లో కీర్తి సురేష్ తాళితో కనిపించారు. ఇది అందరి దృష్టిని ఆకర్షించింది. తర్వాత చెన్నైలో జరిగిన పొంగల్ వేడుకల్లో కీర్తి సురేష్ భర్తతో కలిసి పాల్గొన్నారు.

కీర్తి సురేష్ వివాహ జీవితం

పెళ్లి జీవితం ఎలా ఉందో చెప్పారు కీర్తి సురేష్. తన మ్యారేజ్ లైఫ్, భర్త ఎలా చూసుకుంటున్నారు అనేది వివరించారు.  సోషల్ మీడియాకు దూరంగా ఉండే మా వారికి ఇదంతా కొత్త. ఇన్‌స్టా అకౌంట్ కూడా ప్రైవేట్‌లోనే ఉంది. ఆయన సిగ్గుపడే మనస్తత్వం గలవారు. మీడియా అటెన్షన్ అస్సలు ఇష్టపడరు. కానీ నాకు ఇదంతా అలవాటే. ఎక్కడికెళ్లినా ఫోటోలు, వీడియోలు తీస్తారు. నాకు ఎప్పటిలాగే ఉంది. మా వారికి ఈ ఒక్క విషయమే ఇబ్బందిగా ఉంది.

కీర్తి సురేష్, ఆంటోనీ థట్టిల్

'తెరి' హిందీ రీమేక్ 'బేబీ జాన్'లో కీర్తి సురేష్ నటించారు. ఈ సినిమా పెద్దగా ఆడలేదు. ఇప్పుడు 'కన్నెవెడి', 'రివాల్వర్ రీటా' సినిమాల్లో నటిస్తున్నారు. మలయాళంలో బాలనటిగా కెరీర్ మొదలుపెట్టిన కీర్తి సురేష్ 'సౌత్ లో స్టార్ హీరోయిన్ గా ఎదిగారు.