- Home
- Entertainment
- Kalyan Padala: మళ్లీ ప్రేమలో కళ్యాణ్ పడాల, తనూజ స్ట్రాంగ్ వార్నింగ్.. బిగ్ బాస్ షోపై సంచలన కామెంట్
Kalyan Padala: మళ్లీ ప్రేమలో కళ్యాణ్ పడాల, తనూజ స్ట్రాంగ్ వార్నింగ్.. బిగ్ బాస్ షోపై సంచలన కామెంట్
కళ్యాణ్ పడాల తనూజతో ఉన్న రిలేషన్కి సంబంధించిన రహస్యాలను బయటపెట్టాడు. ఆమె తనకు వార్నింగ్ ఇస్తుందట. అదే సమయంలో బిగ్ బాస్ షోపై సంచలన కామెంట్ చేశాడు కళ్యాణ్ పడాల.
యాక్టివ్ అవుతున్న బిగ్ బాస్ తెలుగు విన్నర్ 9
బిగ్ బాస్ తెలుగు 9 విన్నర్ కళ్యాణ్ పడాల ఇన్నాళ్లు మీడియాకి దూరంగా ఉన్నాడు. స్టార్ మా టీవీ షోస్లో మెరిసిన ఆయన నెమ్మదిగా బయటకు వస్తున్నారు. ఇంటర్వ్యూలిస్తున్నాడు. వార్తల్లో నిలుస్తున్నారు. ఈ క్రమంలో తన గురించి పలు ఆసక్తికర విషయాలను పంచుకున్నారు. తన జీవితంలో చోటు చేసుకున్న సంఘటనలతోపాటు తన ప్రేమకి సంబంధించిన ఆసక్తికర విషయాలను లీక్ చేశాడు. అదే సమయంలో తనూజ గురించి పలు రహస్యాలను వెల్లడించాడు.
తనూజ అంటే ఇష్టం
బిగ్ బాస్ తెలుగు 9 షోలో తనూజ, కళ్యాణ్ పడాల క్లోజ్గా మూవ్ అయ్యారు. వీరిద్దరు లవ్ ట్రాక్ నడిపిద్దామని ట్రై చేశారు, కానీ అది వర్కౌట్ కాలేదు. అయినప్పటికీ ఈ ఇద్దరి మధ్య ఆ బాండింగ్ కొనసాగిందని చెప్పొచ్చు. షో తర్వాత వీరి రిలేషన్ మరింత బలపడింది. మంచి ఫ్రెండ్స్ అయ్యారు. ఫ్రెండ్స్ గా చెబుతున్నారు, కానీ దాన్ని మించి వీరి రిలేషన్ ఉందనే గుసగుసలు వినిపిస్తున్నాయి. ఈ క్రమంలో తాజాగా తనూజ గురించి మరోసారి ఓపెన్ అయ్యాడు కళ్యాణ్ పడాల. బిగ్ బాస్ షోలో ఏ కంటెస్టెంట్ అంటే ఇష్టమని అడగ్గా, తనూజ అని చెప్పాడు కళ్యాణ్. తనూజకి ఒక్క మాట ఏదైనా చెప్పాలంటే ఏం చెబుతారని అడగ్గా, థ్యాంక్యూ చెబుతానని చెప్పడం విశేషం.
కళ్యాణ్ పడాలకి తనూజ వార్నింగ్
తనూజ ఇప్పటికీ తనకు అంతే క్లోజ్గా ఉందని, ఈ రోజుకి కూడా తాను ఎక్కడికైనా వెళ్తున్నానంటే.. మూసుకొని జాగ్రత్తగా వెళ్లి రా అని వార్నింగ్ ఇచ్చి పంపిస్తుందట. తనకు సంబంధించిన కేర్ తీసుకుంటుందని చెప్పాడు కళ్యాణ్. దీంతో తమ మధ్య ఉన్న బాండింగ్ని ఆయన మరింతగా రివీల్ చేసే ప్రయత్నం చేశాడు. అదే సమయంలో షో నుంచి బయటకు వచ్చాక తనకు ఒక సమస్య వచ్చిందని, వేరే వాళ్లకి ఫోన్ చేసి ఆ సమస్య నుంచి బయటకు తీసుకొచ్చిందని తెలిపారు కళ్యాణ్. తనూజ తనకోసం చాలా చేసిందని ఆయన చెప్పకనే చెప్పేశాడు.
మళ్లీ ప్రేమలో కళ్యాణ్ పడాల
తన లవ్ స్టోరీ గురించి చెబుతూ, లైఫ్లో అలాంటివి కామన్ అని, అన్ని అనుకున్నట్టు జరిగితే అది లైఫ్ ఎందుకు అవుతుందని, దాన్నుంచి బయటపడ్డాను కాబట్టే ఇప్పుడు ఈ స్థాయికి వచ్చానని తెలిపాడు. ఏదైనా బ్యాడ్ జరిగిందంటే ఆ తర్వాత మంచే జరుగుతుందని తాను నమ్ముతానని తెలిపారు కళ్యాణ్. ఇప్పుడు కమిటెడా? సింగిలా? అనే ప్రశ్నకి తెలివిగా సమాధానం చెప్పాడు. సింగిల్ అయితే ఎవరైనా ట్రై చేసుకుంటారని అడగ్గా, అయితే కష్టం అన్నాడు కళ్యాణ్. దీంతో తాను మళ్లీ కమిటెడ్ అనే విషయాన్ని, తాను మళ్ళీ ప్రేమలో పడ్డాడనే విషయాన్ని ఆయన చెప్పకనే చెప్పాడు. మరి అది ఎవరితో అనేది ఆసక్తికరంగా మారింది. ప్రచారం జరుగుతున్నట్టు ఆయన తనూజతోనే ప్రేమలో ఉన్నాడా? ఇంకా కొత్త వాళ్లు ఎవరైననా, అదీ కాకుండా ఏదో కంటెంట్ కోసం అలా చేశాడా? అనేది తెలియాల్సి ఉంది.
బిగ్ బాస్ షోపై సంచలన కామెంట్
ఇక చివరగా ఆయన బిగ్ బాస్ గురించి సంచలన కామెంట్ చేశాడు. మళ్లీ ఇలాంటి రోజు రాకూడదని అంటే ఏ రోజు గురించి చెబుతారనే ప్రశ్నకి కళ్యాణ్ స్పందిస్తూ, బిగ్ బాస్ విన్నింగ్ రోజు మళ్లీ తన జీవితంలో రావద్దని కోరుకుంటానని తెలిపి షాకిచ్చాడు. మరి దానికి కారణం ఏంటనేది తెలియాల్సి ఉంది. వర్ష నిర్వహించిన షోలో ఆయన ఈ విషయాలను పంచుకున్నాడు.
