డ్రగ్స్ కేసులో జబర్దస్త్ నటికి నోటీసులు, పెద్ద నింద పడిందిగా.. నరేష్ తో ఫైమా డబుల్ మీనింగ్ బూతులు వైరల్

ఈ సంక్రాంతికి ఎక్స్ట్రా జబర్దస్త్ కొత్త ఎపిసోడ్ ముస్తాబవుతోంది. ఎక్స్ట్రా జబర్దస్త్ లో రాకింగ్ రాకేష్, సుజాత.. ఇమ్మాన్యూల్, వర్ష జంటలు చేసే హంగామా చాలా ఫన్నీగా ఉంటుంది. ఇక బుల్లెట్ భాస్కర్, ఆటో రాంప్రసాద్ లాంటి వాళ్ళు కామెడీ పంచ్ లతో నవ్విస్తూనే ఉన్నారు.  

యాంకర్ రష్మీ గౌతమ్ స్పెషల్ అట్రాక్షన్ గా ఉంది. తాజాగా ఎక్స్ట్రా జబర్దస్త్ ప్రోమో రిలీజయింది. సంక్రాంతికి ముందు అంటే జనవరి 12న ఈ ఎపిపోడ్ టెలికాస్ట్ కానుంది. తాజాగా విడుదలైన ప్రోమో చూస్తే ఈ ఎపిసోడ్ లో కడుపుబ్బా నవ్వులు గ్యారెంటీ అనిపించే విధంగా ఉంది. 

ఈ ఎపిసోడ్ లో వర్ష, ఇమ్మాన్యూల్ అన్నా చెల్లెళ్లుగా స్కిట్ చేశారు. అన్నని కాదని వర్ష ప్రేమ వివాహం చేసుకోవడం.. ఇమ్మాన్యూల్ ఆమెకి వార్నింగ్ ఇవ్వడం నవ్వులు పూయించే విధంగా ఉంది. నన్ను అన్నయ్య అన్న కూడా నాకు కోపం వస్తుంది అంటూ ఇమ్మాన్యూల్ ఫన్నీగా వార్నింగ్ ఇచ్చాడు. 

ఆ తర్వాత రాకింగ్ రాకేష్, సుజాత, సత్య కలసి ఓ స్కిట్ చేశారు. సత్య రీసెంట్ గా నితిన్ ఎక్స్ట్రా చిత్రంలో నా పెట్టే తాళం సాంగ్ లో పెర్ఫామ్ చేసి ఫుల్ క్రేజ్ కొట్టేసింది. రాకింగ్ రాకేష్ సత్యతో మాట్లాడుతూ.. సత్య నీకు డ్రగ్స్ కేసులో నోటీసులు పంపారా అని ఆశ్చర్యంగా అడుగుతారు. ఏ లేదు లేదు.. ఎందుకు అలా అడుగుతున్నావు అంటూ సత్య కంగారుతో ప్రశ్నిస్తుంది. 

ఇంత అందంతో మత్తెక్కిస్తుంటే డ్రగ్స్ నోటీసులు ఎందుకు ఇవ్వరు అంటూ రాకేష్  ఫన్నీగా ఆమె అందాన్ని పొగిడేశాడు. నువ్వు స్టేజి దిగు నీకైతే ఈరోజు ఉంది అన్నట్లుగా సుజాత వార్నింగ్ ఇచ్చింది. మొత్తంగా సత్యకి డ్రగ్స్ నోటీసులు అని సోషల్ మీడియాలో వైరల్ అయ్యేలా రాకేష్ ఆమెపై కామెంట్స్ చేశాడు. ఇక బులెట్ భాస్కర్ స్కిట్ లో ఫైమా, పొట్టి నరేష్ చేసిన హంగామా అంతా ఇంతా కాదు. 

ఫైమా అయితే నరేష్ తో ఏకంగా డబుల్ మీనింగ్ బూతులతో రెచ్చిపోయింది. ప్రభు మనం దడదడలాడిద్దామా అంటూ నరేష్ ని ఆమె అడగడంతో అక్కడున్నవారంతా షాక్ అయ్యారు. మొత్తంగా ఎక్స్ట్రా జబర్దస్త్ ప్రోమో  ఫుల్ ఎంటర్టైనింగ్ గా ఉంది.