రజినీకాంత్ వద్దన్నాడు... ఇళయరాజా మాత్రం పట్టుపట్టాడు, సూపర్ స్టార్ కు లేడీస్ ఫాలోయింగ్ పెంచిన సాంగ్ ?

రజినీకాంత్ సినిమా కోసం ఇళయరాజా కంపోజ్ చేసిన ఓ పాట తలైవాకు నచ్చలేదు. కానీ, ఇళయరాజా చెప్పిన ఒక్క మాటతో ఆ పాట సూపర్‌హిట్ అయింది. ఇంతకీ అప్పుడేం జరిగింది..? ఏంటా పాట? 

Image Credit : instagram

రజినీ వద్దన్న పాట

ఇండియన్ ఫిల్మ్ ఇండస్ట్రీలో సూపర్‌స్టార్ రజినీకాంత్, మ్యూజిక్ డైరెక్టర్ ఇళయరాజా కాంబోకు తిరుగులేదు. కానీ, వాళ్లిద్దరి కాంబోలో వచ్చిన ఒక ఎవర్ గ్రీన్ పాటను రజినీకాంత్ వద్దన్నారు. ఎన్నిసార్లు విన్నా ఆ పాట రజినీకి నచ్చలేదు. అప్పుడు ఇళయరాజా చెప్పిన ఒక్క మాటతో రజినీ ఓకే అన్నారు.

Image Credit : Asianet News

వేరే పాట చేద్దామా?

1992లో 'మన్నన్' సినిమా పనులు జరుగుతున్నాయి. అప్పుడు ఇళయరాజా 'అమ్మ ఎండ్రు అళైక్కాద' పాట ట్యూన్ వినిపించారు. ఆ టైంలో రజినీకాంత్ మాస్ హీరోగా, యాక్షన్ సినిమాలతో ఫుల్ బిజీగా ఉన్నారు. పాట విన్న రజినీ, 'రాజా, ఈ పాట చాలా స్లోగా ఉంది. నా ఇమేజ్‌కు సెట్ అవుతుందా? అభిమానులు ఒప్పుకుంటారా? ఇది వదిలేసి వేరే పాట చేద్దామా?' అని అడిగారు.

Image Credit : X

రజినీకాంత్ కు భరోసా ఇచ్చిన ఇళయరాజా

రజినీకాంత్ మొహమాటాన్ని గమనించిన ఇళయరాజా ఒక జోస్యం చెప్పారు. 'రజినీ, ఇప్పటిదాకా మీరు కమర్షియల్ హీరోగా ఆడియన్స్ ను థియేటర్లకు రప్పించారు. కానీ ఈ పాట రిలీజ్ అయ్యాక, మీరు ప్రతీ ఇంటి హాల్‌లోకి వెళ్తారు. ఇది మిమ్మల్ని మరో స్థాయికి తీసుకెళ్తుంది' అన్నారు. ఇళయరాజాలోని ఆ నమ్మకాన్ని చూసి రజినీకాంత్ ఒప్పుకున్నారు.

Image Credit : Rajinikanth\Instagram

అక్షరాలా నిజమైంది

'మన్నన్' సినిమా రిలీజయ్యాక ఇళయరాజా చెప్పింది అక్షరాలా నిజమైంది. వాలి రాసిన సాహిత్యం, జేసుదాస్ గాత్రం, రజినీ నటన కలిసి ఆ పాటను ఒక క్లాసిక్‌గా మార్చేశాయి. అప్పటివరకు యాక్షన్ హీరోగా చూసిన ఫ్యామిలీ ఆడియన్స్, రజినీని తమ ఇంటి సభ్యుడిగా చూడటం మొదలుపెట్టారు. దీంతో రజినీకాంత్ 'ఫ్యామిలీ ఆడియన్స్' సంఖ్య కొన్ని రెట్లు పెరిగింది.

Image Credit : Rajinikanth\Instagram

'అమ్మ' పాటల్లో ఒకటి

అప్పట్లో ఇళయరాజా చెప్పిన మాటలు కేవలం రజినీని ఒప్పించడానికే కాదు, అదొక గొప్ప కళాకారుడి ముందుచూపు. ఒకవేళ ఆ రోజు రజినీ పట్టుబట్టి ఆ పాటను వద్దని ఉంటే, తమిళ సినిమా ఓ గొప్ప 'అమ్మ' పాటను కోల్పోయేది. ఇప్పటికీ మదర్స్ డే వచ్చిందంటే చాలు, మొదట వినిపించేది ఈ పాటే!