చిరంజీవి కంటే ముందు టాలీవుడ్ మెగాస్టార్ ఎవరో తెలుసా? చిరు మెగా హీరో ఎలా అయ్యారు?

చిరంజీవిని టాలీవుడ్ తో పాటు ప్రపంచ వ్యాప్తంగా ఉన్న ఫ్యాన్స్ మెగాస్టార్ అని పిలుచుకుంటుంటారు. అయితే చిరంజీవి కంటే ముందు టాలీవుడ్ లో మరో మెగాస్టార్ ఉన్నారని మీకు తెలుసా? ఇంతకీ ఆ హీరో ఎవరు? 

చిరంజీవి సాదారణ మధ్యతరగతి కుటుంబం నుంచి వచ్చి.. హీరోగా ఎదిగి.. స్టార్ డమ్ తెచ్చుకున్నాడు. ఎటువంటి సినిమా బ్యాక్ గ్రౌండ్ లేకున్నా.. తన కష్టం మీద ఇంత సాధించాడు చిరంజీవి.  అంతే కాదు టాలీవుడ్ మెగాస్టార్ గా ఎదిగి తన నీడలో మెగా సినిమా ఫ్యామిలీని క్రియేట్ చేశాడు. టాలీవుడ్ లో ఎక్కువ హీరోలు ఉన్న కుటుంబంగా మెగా ఫ్యామిలీ నిలిచింది. మెగా అంటే చిరంజీవి గుర్తుకు వచ్చేలా చేశాడు. అయితే చిరంజీవికంటే ముందు టాలీవుడ్ లో మరో మెగాస్టార్ ఉండేవారని మీకు తెలుసా? 

అసలు మెగాస్టార్ అనే  ట్యాగ్ చిరంజీవి కాకుండా టాలీవుడ్ లో  మరో స్టార్  హీరో అందుకునే వారట. వరసగా సూపర్ హిట్స్ అందుకుంటూ, మంచి ఫ్యాన్ బేస్ ఉన్న టాలీవుడ్ స్టార్ హీరో మెగస్టార్ అయ్యేవారంట, కానీ  చిరంజీవికి తన అభిమానులే స్వయంగా ఈ ట్యాగ్ ఇచ్చారు. అయితే చిరు కాకుండా మెగాస్టార్ ట్యాగ్ అందుకున్న హీరో ఎవరంటే నటభూషన్ శోభన్ బాబు. 

అవును టాలీవుడ్‌లో నట భూషనుడు, అందగాడు, సోగ్గాడు, ఇలా అనేక బిరుదులతో పాటు లేడీ ఫాలోయింగ్ ఎక్కువగా ఉన్న హీరో అప్పట్లో శోభన్ బాబు మాత్రమే. ఆయన అందానికి, నటనకు అప్పటి వారు ఫిదా అయిపోయేవారంట. అంతేకాకుండా అప్పటి లేడీ ఫ్యాన్స్ తో పాటు ఆయనతో నటించే లేడీ స్టార్లు కూడా శోభన్ బాబును తమ  కలల రాజుగా ఊహించుకునేవారట. అంత పేరు సంపాదించుకున్నారు శోభన్ బాబు. 

శోభన్ బాబుకు ఉన్న ఫ్యాన్ ఫాలోయింగ్ తో మెగాస్టార్ బిరుదు ఆయననే పిలవడం స్టార్ట్ చేశారట కొంతమంది. కాని చాలామంది శోభన్ బాబుకు ఉన్న లేడీ ఫాలోయింగ్ ను దృష్టిలో పెట్టుకుని ఆంధ్రా అందగాడు అనే బిరుదు ఇచ్చారట. సోగ్గాడు సినిమా టైమ్ నుంచి శోభన్ బాబును సోగ్గాడు అని ముద్దుగా పిలుచుకున్నారు మహిళా అభిమానులు. ఇక ఆతరువాత ఆయన సీనియర్ నటుడు అవ్వగానే నట భూషనుడు అయ్యాడు. 

అలా మెగాస్టార్ ట్యాగ్ ను శోభన్ బాబు మిస్ అవ్వడంతో.. ఆతరువాత వరుస సినిమాలు, సూపర్ హిట్లు కొడుతూ.. టాలీవుడ్ ను ఊపేసిన చిరంజీవికి మెగా ట్యాగ్ ఇచ్చేశారు. అప్పటి వరకూ సుప్రీం హీరోగా ఉన్న చిరంజీవికి మెగాస్టార్ ట్యాగ్ ఇచ్చి..మెగాస్టార్ చిరంజీవిని చేశారు. అలా చిరంజీవి మెగా హీరో అయ్యాడు. ఆయన సుప్రీం హీరో ట్యాగ్ ను మాత్రం మెగా మేనల్లుడు సాయి ధరమ్ తేజ్ అందుకున్నారు.