నేను బిగ్ బాస్ విన్నర్ అయినట్లే లెక్క.. పల్లవి ప్రశాంత్ అరెస్ట్ పై అమర్ దీప్ తొలిసారి..

పల్లవి ప్రశాంత్ మద్దతు దారులు తన కారుని ధ్వంసం చేసినప్పుడు స్పందించిన అమర్ దీప్ ఆ తర్వాత మాయమైపోయాడు. మీడియాకి కనిపించలేదు. పల్లవి ప్రశాంత్ అరెస్ట్ అయినప్పుడు కూడా అమర్ దీప్ ఎలాంటి స్టేట్మెంట్ ఇవ్వలేదు.

కింగ్ నాగార్జున హోస్ట్ గా చేసిన బిగ్ బాస్ సీజన్ 7 ఎంతటి వినోదాన్ని అందించిందో ప్రత్యేకంగా చెప్పనవసరం లేదు. సీజన్ 7 అత్యంత ఉత్కంఠ భరితంగా సాగింది. ఫినాలే ముగిసిన తర్వాత కూడా ఆడియన్స్ బిగ్ బాస్ ని మరచిపోవడం లేదు. పల్లవి ప్రశాంత్ విషయంలో జరిగిన వివాదాలే అందుకు కారణం. మరో వైపు శివాజీ కెరీర్ లో కూడా మునుపటి జోష్ వచ్చేసింది. 

అదేవిధంగా బిగ్ బాస్ తో వచ్చిన క్రేజ్ ని అమర్ దీప్ కూడా ఎంజాయ్ చేస్తున్నాడు. ఊహించని విధంగా అమర్ దీప్ చివరి వారాల్లో హౌస్ లో బాగా హైలైట్ అయ్యాడు. దీనితో అమర్ దీప్ శివాజీని దాటుకుని రన్నరప్ గా నిలిచాడు. అమర్ దీప్, ప్రశాంత్ మధ్య బిగ్ బాస్ హౌస్ లో పెద్ద యుద్ధమే జరిగింది. 

ఇక బిగ్ బాస్ నుంచి బయటకు వచ్చిన తర్వాత జరిగిన పరిణామాలు అందరికి తెలిసిందే. శివాజీ అయితే అమర్ దీప్ టార్గెట్ గానే ఇంటర్వ్యూలు ఇస్తున్నారు. పల్లవి ప్రశాంత్ మద్దతు దారులు తన కారుని ధ్వంసం చేసినప్పుడు స్పందించిన అమర్ దీప్ ఆ తర్వాత మాయమైపోయాడు. మీడియాకి కనిపించలేదు. 

పల్లవి ప్రశాంత్ అరెస్ట్ అయినప్పుడు కూడా అమర్ దీప్ ఎలాంటి స్టేట్మెంట్ ఇవ్వలేదు. అయితే అమర్ ఎట్టకేలకు మీడియా ముందుకు వచ్చాడు. బయట జరిగిన అల్లర్లపై అమర్ దీప్ మాట్లాడుతూ.. మేము హౌస్ లో ఉన్నప్పుడు ఒక మైండ్ సెట్ తో ఉన్నాం. బయటకి వచ్చాక మరో మైండ్ సెట్.. కానీ ఆ గొడవలు చూసినప్పుడు మైండ్ బ్లాంక్ అయింది అని తెలిపాడు. 

విన్నర్ అయి ఉంటే ఇంకా బావుండేది కదా అనే అసంతృప్తి ఉందా అని ప్రశ్నించగా.. రవితేజ గారు తన సినిమాలో ఛాన్స్ ఇస్తానని మాట ఇచ్చినప్పుడే నేను విన్నర్ అయిపోయా.. అంతకి మించి నాకు ఇంకేమి అవసరం లేదు అని అమర్ దీప్ అన్నాడు. బిగ్ బాస్ తో నేను ప్రతి ఇంట్లో అబ్బాయిగా మారిపోయా. ప్రతి ఫ్యామిలీ సపోర్ట్, నా తల్లిదండ్రులు కష్టం, నా భార్య ప్రోత్సాహంతో ఇంతదూరం వచ్చాయి. ఇంతకి మించి నాకేం కావాలి అని అమర్ దీప్ అన్నాడు. 

బిగ్ బాస్ ద్వారా నేననుకున్న స్టార్ స్టేటస్ నాకు వచ్చేసింది. నేను హ్యాపీగా ఉన్నాఅని అమర్ అన్నారు. ఇక పల్లవి ప్రశాంత్ అరెస్ట్ తో అమర్ తొలిసారి కామెంట్స్ చేశారు. కొన్ని సంఘటనలు, అపార్థాలు వల్లే అది జరిగింది. ఇప్పుడు అంతా క్లియర్ అయిపోయింది కాబట్టి ఎలాంటి టెన్షన్ లేదు అని అమర్ అన్నారు.