కొరటాల శివ దర్శకత్వలో అల్లు అర్జున్‌ మూవీ?, బ్యాక్‌ డ్రాప్‌ తెలిస్తే మతిపోవాల్సిందే.. `పుష్ప 2` ఎఫెక్ట్

కొరటాల శివతో అల్లుఅర్జున్‌ ఇప్పటికే సినిమా చేయాల్సి ఉంది, కానీ క్యాన్సిల్‌ అయ్యింది. అయితే ఇప్పుడు మరో అదిరిపోయే బ్యాక్ డ్రాప్‌తో సినిమా చేసేందుకు ప్లాన్‌ జరుగుతుందట.  

ఐకాన్‌ స్టార్‌ అల్లు అర్జున్‌ ఇంకా `పుష్ప 2` సక్సెస్‌ ని ఆనందిస్తున్నారు. ఈ మూవీ ఇంకా థియేటర్లలో సందడి చేస్తుంది. రెండు వేల కోట్ల కలెక్షన్ల టార్గెట్‌గా రన్‌ చేస్తున్నట్టు తెలుస్తుంది. సుకుమార్‌ దర్శకత్వంలో తెరకెక్కిన ఈ మూవీకి ఇటీవలే మరో ఇరవై నిమిషాల సన్నివేశాలను యాడ్‌ చేశారు. దీనికి కూడా మంచి రెస్పాన్స్ వస్తుందని, చాలా డౌట్లకి ఇది సమాధానం చెప్పిందని అంటున్నారు. అంతేకాదు ఓటీటీ వెర్షన్‌లో మరో పది నిమిషాల ఫీడ్‌ యాడ్‌ చేస్తారని సమాచారం. 

Allu Arjun

ఇక `పుష్ప 2` సందడి అయిపోతుంది. బన్నీ నెక్ట్స్ సినిమా ఎవరితో అనే ప్రశ్న స్టార్ట్ అయ్యింది. అందరు అనుకున్నట్టుగానే, ముందుగా ప్రకటించినట్టుగానే త్రివిక్రమ్‌ శ్రీనివాస్‌ దర్శకత్వంలో ఉంటుంది తెలుస్తుంది. ఆయనతో మైథలాజికల్ మూవీని తెరకెక్కించబోతున్నారట. హారిక అండ్‌ హాసిని క్రియేషన్స్ పతాకంపై ఈ మూవీ తెరకెక్కబోతుంది.

భారీ స్థాయిలో ఇప్పటి వరకు ఇండియన్‌ సినిమాలో రాని కథతో ఈ మూవీని రూపొందించబోతున్నట్టు ఇటీవల నిర్మాత నాగవంశీ తెలిపారు. త్వరలోనే సినిమా ప్రారంభమవుతుందన్నారు. అయితే స్క్రిప్ట్ ఇంకా ఫైనల్‌ కాలేదని, బౌండెడ్‌ స్క్రిప్ట్ రెడీ అయిన తర్వాతనే మూవీని స్టార్ట్ చేయాలనే ఆలోచనలో బన్నీ ఉన్నట్టు తెలుస్తుంది. 

ఇదిలా ఉంటే అల్లు అర్జున్‌ జాబితాలో ఇంకా చాలా మంది దర్శకులు ఉన్నారు. నెల్సన్‌ దిలీప్‌ కుమార్ కూడా కథ చెప్పారు. అట్లీతో కూడా సినిమా ఉంటుందట. అలాగే సందీప్‌ రెడ్డి వంగాతో మూవీ ఉండబోతుంది. ఆ మధ్య ముంబయి వెళ్లి సంజయ్‌ లీలా భన్సాలీని కలిశారు అల్లు అర్జున్‌.

దీంతో వీరి కాంబోలో సినిమా ఉండబోతుందనే వార్తలు ఊపందుకున్నాయి. ఈ క్రమంలో ఇప్పుడు మరో దర్శకుడి పేరు తెరపైకి వచ్చింది. కొరటాల శివతోనూ సినిమా చేసేందుకు రెడీ అవుతున్నారట అల్లు అర్జున్‌. 

అల్లు అర్జున్‌, కొరటాల శివ కాంబినేషన్‌లో ఇప్పటికే సినిమా రావాల్సి ఉంది. `దేవర` మూవీ కథని ముందుగా అల్లు అర్జున్‌కే చెప్పినట్టు సమాచారం. వీరి కాంబోలో సినిమాని కూడా అధికారికంగా ప్రకటించారు. ఆ తర్వాత ఇది క్యాన్సిల్‌ అయ్యింది. ఈ కథనే ఎన్టీఆర్ తో తీసినట్టు మొదట్లో ప్రకటించిన పోస్టర్‌ని బట్టి తెలుస్తుంది.

మొత్తానికి అల్లు అర్జున్‌, కొరటాల శివ  కాంబినేషన్‌ మిస్‌ అయ్యింది. అయితే ఇప్పుడు మళ్లీ కలవబోతున్నారట. ఇటీవలే ఓ స్క్రిప్ట్ ని అల్లు అర్జున్‌కి నెరేట్‌ చేశాడట కొరటాల. ఈ మూవీ యూపీ బ్యాక్‌ డ్రాప్‌లో సాగుతుందని, యాక్షన్‌ థ్రిల్లర్‌గా ఉంబోతుందని తెలుస్తుంది. రా అండ్‌ రస్టిక్‌ కథతో యాక్షన్ ఎంటర్‌టైనర్‌గా వచ్చిన `పుష్ప 2` దుమ్ములేపుతున్న విషయం తెలిసిందే.

ఈమూవీ నార్త్ ఆడియెన్స్ కి బాగా ఎక్కింది. దీంతో ఈ ప్రభావంతోనే యూపీ బ్యాక్‌ డ్రాప్‌లో ఈ కథని రాసుకున్నారట కొరటాల శివ. ప్రత్యేకంగా బన్నీ కోసం రాసుకున్న కథ అని తెలుస్తుంది. 

అయితే స్క్రిప్ట్ బన్నీకి నచ్చిందట. పూర్తి బౌండెడ్‌ స్క్రిప్ట్ రెడీ చేయాలని తెలిపారట. ప్రస్తుతం కొరటాల ఆ పనిలో ఉన్నట్టు సమాచారం. ఈ వార్త సోషల్‌ మీడియాలో చక్కర్లు కొడుతుంది. మరి ఇందులో నిజమెంతా అనేది తెలియాల్సి ఉంది.

కానీ ఈ కాంబోలో సినిమా అంటే చాలా క్రేజీగా ఉండబోతుందని చెప్పొచ్చు. మరి ఇప్పుడున్న పరిస్థితుల్లో బన్నీ కొరటాలతో సినిమా చేస్తాడా? ఇది సాధ్యమవుతుందా ? అనేది పెద్ద సస్పెన్స్. ఇదిలా ఉంటే ప్రస్తుతం కొరటాల శివ `దేవర 2`ని తెరకెక్కించాల్సి ఉంది. ఈ స్క్రిప్ట్ ని ఫైనల్‌ చేసే పనిలో ఉన్నారట.