అజిత్ సినిమా వల్ల నా జీవితం నాశనం అయ్యింది.. హీరోయిన్ ఆవేదన

అజిత్ సినిమాలో హీరోయిన్ గా అవకాశం ఇస్తానని చెప్పి దర్శకుడు మోసం చేశాడంటూ ఓ హీరోయిన్ ఆవేదన వ్యాక్తం చేశారు. తనను చీట్ చేశారంటూ ఆమె చేసిన కామెంట్స్ ప్రస్తుతం సంచలనంగా మారాయి. 

వీరం

సిరుతై శివ దర్శకత్వంలో అజిత్ నటించిన హిట్ చిత్రం వీరం. అన్నదమ్ముల అనుబంధం, ప్రేమ, కుటుంబ సెంటిమెంట్ నేపథ్యంలో ఈ సినిమా తెరకెక్కింది. ఈ చిత్రంలో అజిత్ కి జంటగా తమన్నా నటించింది.

అజిత్ నటించిన సూపర్ హిట్ మూవీ.

వీరం సినిమా మొదటి భాగంలో అజిత్ సాధారణ నటనను ప్రదర్శించారు. కానీ రెండో భాగంలో యాక్షన్ సన్నివేశాల కారణంగా చాలా కష్టపడి నటించారు. ఈ చిత్రం మొత్తంలో అజిత్ తెల్ల పంచె, తెల్ల చొక్కాలోనే కనిపిస్తారు.

మోసం చేసిన శివ:

ఈ సినిమాలో నటించిన నటి మనోచిత్ర తనని మోసం చేశారని ఆవేదన వ్యక్తం చేశారు. ఈ సినిమా కోసం తనని సంప్రదించినప్పుడు తమన్నా నటిస్తున్నారని, కానీ ఒక సన్నివేశంలో ఆమె చనిపోతుందని, అందువల్ల అజిత్ కి జంటగా మీరే నటిస్తారని చెప్పి నటింపజేశారని ఆమె తెలిపారు.

కన్నీరు పెట్టుకున్న మనోచిత్ర:

దర్శకుడు సిరుతై శివ దగ్గర ఈ విషయం చెప్పి ఏడ్చానని, ఏడుస్తున్నప్పుడు కూడా చాలా అందంగా ఉన్నారని చెప్పి తనని ఓదార్చారని, అజిత్ కోసం ఆ సినిమాలో నటించానని, ఆ సినిమా తన సినీ జీవితాన్ని నాశనం చేసిందని ఆమె ఆరోపించారు.

సంచలనం సృష్టించిన నటి

మనోచిత్ర 'ఇన్నొరువన్' అనే సినిమాతో ఇండస్ట్రీకి  పరిచయమయ్యారు. జైతో కలిసి నటించిన మరో సినిమిా  ఆమెకు మంచి గుర్తింపు తెచ్చిపెట్టింది. ఆ తర్వాత నీర్ పరై, వీరం వంటి చిత్రాల్లో నటించారు. గత 4 సంవత్సరాలుగా సినిమా అవకాశాలు లేకపోవడంతో ఇబ్బంది పడుతున్నారు. తన కెరీర్ ఇలా అవ్వడానికి వీరం సినిమానే కారణమని, శివ తనని మోసం చేశారని ఆమె చేసిన ఆరోపణలు సంచలనం సృష్టించాయి.