Abbas Re entry: 10 ఏళ్ల గ్యాప్ తరువాత అబ్బాస్ మళ్ళీ వచ్చేస్తున్నాడు, ఏసినిమాతోనో తెలుసా..?

Abbas Re entry After 10 Years : దాదాపు  10 ఏళ్ళు అవుతుంది అబ్బాస్ ఫిల్మ్ ఇండస్ట్రీని వదిలేసి. అబ్బాస్ ఎక్కడున్నాడు అని అంతా వెతుక్కుంటున్న టైమ్ లో రీ ఎంట్రీకి రెడీ అవుతున్నాడు ఒకప్పటి లవర్ బ్యాయ్. అబ్బాస్ ఏ సినిమాతో రీ ఎంట్రీ ఇవ్వబోతున్నాడోతెలుసా..? 

'ప్రేమ దేశం'తో హీరోగా ఎంట్రీ

దర్శకుడు క‌తిర్ తెర‌కెక్కించిన 'ప్రేమ దేశం' సినిమాతో హీరోగా ఎంట్రీ ఇచ్చాడు అబ్బాస్.ఈ సినిమాలో మ‌రో హీరోగా వినీత్ న‌టించ‌గా, బాలీవుడ్ న‌టి టబు హీరోయిన్‌గా న‌టించింది. కాలేజీలో చ‌దువుకునే ఇద్ద‌రు స్నేహితులు ఒకే అమ్మాయిని ప్రేమిస్తారు.

ఆ అమ్మాయి ఎవ‌రిని ప్రేమిస్తుంది, ఎవ‌రితో జంట క‌డ‌తారు అనేది ఊహించ‌లేని క‌థాంశంతో ఈ సినిమా ఉంటుంది. అప్పట్లో యూత్ ఆడియన్స్ ను ఉర్రూతలూగించింది సినిమా. అంతే కాదు ఏఆర్ రెహమాన్ పాటలు యువత పిచ్చెక్కిపోుయారు. ఈ సినిమా విమ‌ర్శ‌కుల ప్ర‌శంస‌లు, వ‌సూళ్ల‌ను కూడా బాగానే రాబ‌ట్టింది.

సినిమాల్లో బిజీగా

ఈ సినిమాలో ఏఆర్ రెహ‌మాన్ సంగీతం, పాట‌లన్నీ సూప‌ర్ హిట్ అయ్యాయి. ఈ సినిమా విజ‌యం త‌ర్వాత విఐపి, ప్రియా ఓ ప్రియా, పూచూడ‌వా, సఖి, నరసింహ,  ఆశైతంబి, పూవేలి వంటి అనేక సినిమాల్లో న‌టించారు. లవర్ బాయ్ ఇమేజ్ ను తెచ్చుకున్నారు అబ్బాస్. 

సోలో హీరోగా స‌క్సెస్ కాలేదు

త‌మిళంతో పాటు క‌న్న‌డ‌, తెలుగు, మ‌ల‌యాళం, హిందీ వంటి భాష‌ల్లో దాదాపు 40కి పైగా సినిమాల్లో న‌టించారు అబ్బాస్. చాలా అందగాడు. అమ్మాయిల ఫాలోయింగ్ బాగా ఉంది.  అందం, ప్ర‌తిభ ఉన్నా, సోలో హీరోగా మాత్రం  విజ‌య‌వంత‌మైన సినిమాలు ఇవ్వ‌లేక‌పోయారు. ర‌జ‌నీకాంత్‌తో నరసింహా, క‌మ‌ల్ హాస‌న్‌తో వ‌సూల్‌రాజా ఎంబీబీఎస్, హేరాం, ప‌మ్మ‌ల్ కే స‌మ్మ‌తం వంటి సినిమాల్లో కూడా న‌టించారు.

కుటుంబంతో విదేశాల్లో

ఒకానొక స‌మ‌యంలో ఆయ‌న న‌టించిన త‌మిళ సినిమాలు వ‌రుస‌గా ఫ్లాప్ అవ్వ‌డంతో ఆయ‌న‌కు సినిమా అవ‌కాశాలు త‌గ్గిపోయాయి. మ‌నోవేద‌న‌కు గురైన అబ్బాస్ ఇక సినిమాలే వ‌ద్ద‌నుకుని త‌న భార్య, పిల్ల‌ల‌తో విదేశాల్లో స్థిర‌ప‌డ్డారు.

సినిమా ప‌రిశ్ర‌మ నుంచి విదేశాల‌కు వెళ్లిన త‌ర్వాత త‌న కుటుంబాన్ని పోషించుకోవ‌డానికి హోట‌ల్, పెట్రోల్ బంక్, పంక్చ‌ర్ షాపుల్లో కూడా ప‌నిచేశాన‌ని చెప్పారు. ఇటీవ‌ల ఈ విష‌యం గురించి అబ్బాస్ చెప్ప‌డంతో అభిమానులు షాక్ అయ్యారు.

వెబ్ సిరీస్‌తో రీఎంట్రీ

దాదాపు 10 ఏళ్ల త‌ర్వాత అబ్బాస్ రీఎంట్రీ ఇస్తున్న వెబ్ సిరీస్ గురించిన స‌మాచారం బ‌య‌ట‌కొచ్చింది. పుష్క‌ర్ గాయ‌త్రి నిర్మాణంలో ద‌ర్శ‌కుడు స‌ర్కుణం తెర‌కెక్కిస్తున్న వెబ్ సిరీస్ 'ఎగ్జామ్'లో అబ్బాస్ న‌టిస్తున్నార‌ట‌. ఆయ‌న‌తో పాటు తుషార విజ‌యం, అదితి బాల‌న్ కూడా న‌టిస్తున్నారు.