Siraj House : హైదరాబాద్ లో క్రికెటర్ సిరాజ్ ఇల్లు చూశారా? దీని విలువెంతో తెలుసా?
టీమిండియా క్రికెటర్ మొహమ్మద్ సిరాజ్ హైదరాబాద్లో కట్టుకున్న లగ్జరీ బంగ్లా అతని సక్సెస్కు, కుటుంబ విలువలకు అద్దం పడుతోంది. అతని జీవనశైలిని ప్రతిబింబించే ఈ ఇంటి ఇంటీరియర్స్ నుంచి బయటి విశాలమైన ప్రదేశాల వరకు ఎలా ఉన్నాయో చూద్దాం.
జూబ్లీహిల్స్ లో సిరాజ్ ఇళ్లు...
మొహమ్మద్ సిరాజ్ ఇల్లు హైదరాబాద్లోని అత్యంత ఖరీదైన ప్రాంతమైన జూబ్లీ హిల్స్లో ఉంది. సెలబ్రిటీలు, సినీ తారలు, పారిశ్రామికవేత్తలు నివసించే ఫిలిం నగర్ ఏరియాలోనే ఈ బంగ్లా ఉంది. దీని విలువ సుమారు రూ.13 కోట్లు ఉంటుందని అంచనా. ఇక్కడ గజం స్థలం ధర రూ.1 లక్ష నుంచి రూ.2.5 లక్షల వరకు పలుకుతుంది.
హై సొసైటీలో సిరాజ్ ఇళ్లు..
విశాలమైన రోడ్లు, పచ్చదనం, ప్రీమియం కేఫ్లు, టాలీవుడ్ ఇండస్ట్రీకి దగ్గరగా ఉండటం జూబ్లీ హిల్స్ ప్రత్యేకత. ఇది ధనవంతులు, విఐపిలకు నిలయం. ఇక్కడ ఇల్లు కొనడం అంటే హైదరాబాద్ హై-సొసైటీలో అడుగుపెట్టినట్లే. సిరాజ్ ఈ ప్రాంతాన్ని ఎంచుకోవడం, అతని ఎదుగుదలకు నిదర్శనం.
సిరాజ్ ఇంట్లో ఇంటీరియర్ డిజైన్...
సిరాజ్ ఇంటి ప్రత్యేకతలివే..
ఈ బంగ్లాలో కస్టమ్ వాక్-ఇన్ వార్డ్రోబ్, ఓపెన్ బాల్కనీలు, మంచి వెంటిలేషన్ ఉన్న గదులు ఉన్నాయి. అంతర్జాతీయ క్రికెటర్గా అతని లైఫ్స్టైల్కు తగ్గట్టుగా ఈ సౌకర్యాలు ఏర్పాటు చేశారు. ఇల్లు వ్యక్తిగత విశ్రాంతికి, కుటుంబసభ్యులతో సరదాగా గడపడానికి వీలుగా ఉంటుంది.
ఓ సాధారణ ఆటో డ్రైవర్ కొడుకు సిరాజ్..
సిరాజ్ తన కుటుంబంతో కలిసి జూబ్లీ హిల్స్లోని ఈ ఇంట్లో నివసిస్తున్నాడు. తండ్రి ఆటో రిక్షా డ్రైవర్… కొంతకాలం కిందటే చనిపోయాడు. సిరాజ్ టోలీచౌకిలోని ఓ సాధారణ ఇంట్లో పెరిగాడు. తన పాత రోజులను గుర్తుచేసుకోవడానికి ఆ ఇంటిని ఇప్పటికీ అలాగే ఉంచుకున్నాడు. జూబ్లీ హిల్స్కు మారడం అతని పట్టుదలకు, విజయానికి నిదర్శనం.
సిరాజ్ బంగ్లా కేవలం ఓ లగ్జరీ ఇల్లు మాత్రమే కాదు. గల్లీ క్రికెట్ నుంచి కోట్లు విలువ చేసే ఇంటి యజమానిగా మారిన అతని ప్రయాణానికి ఇది ఒక చిహ్నం. ఈ ఇంట్లో అతని జ్ఞాపకాలు, సాధించిన విజయాలకు సంబంధించిన వస్తువులు ఉన్నాయి. ఇది క్రికెట్ సర్కిల్స్లో ఒక సోషల్ హబ్గా మారింది.
