Automatic Cars: ఆటోమేటిక్ కార్ కొనాలనుకుంటున్నారా? చవక ధరకే వచ్చే టాప్ 5 కార్లు ఇవిగో

Automatic Cars: ఒకప్పుడు ఆటోమేటిక్ గేర్‌బాక్స్ వంటివి కేవలం లగ్జరీ కార్లలోనే ఉండేవి. కానీ ఇప్పుడు అంతా మారిపోయింది.  తక్కువ బడ్జెట్‌లోనే అదిరిపోయే ఆటోమేటిక్ కార్లు ఇప్పుడు  మార్కెట్లో అందుబాటులో ఉన్నాయి. ఇవి రూ.12 లక్షల్లోపే వచ్చేస్తాయి.

Image Credit : Tatamotors

టాటా పంచ్

టాటా మోటార్స్‌కు చెందిన పాపులర్ ఎస్‌యూవీ కారు ఇది. దీనిలో ఆటోమేటిక్ గేర్‌బాక్స్ ఉంది. తక్కువ వేగంతో వెళ్తున్నప్పుడు దీని స్టీరింగ్ చాలా తేలికగా ఉంటుంది. ఇది డ్రైవింగ్ అనుభవాన్ని చాలా సులువు చేసేస్తుంది. దీని ఎక్స్-షోరూమ్ ధర రూ.7,54,900. ఆన్ రోడ్ ధర మరో లక్ష నుంచి లక్షన్నర ఎక్కువగా ఉండే అవకాశం ఉంది.

Image Credit : Official website

కియా సోనెట్

కియా కంపెనీకి చెందినది కియా సోనెట్. ఇప్పుడు ఇండియాలో అత్యధికంగా అమ్ముడవుతున్న కార్ మోడల్ ఇదే. ఈ ఎస్‌యూవీ ఆటోమేటిక్ వేరియంట్ ధర రూ.10.80 లక్షల నుంచి ప్రారంభమవుతుంది. ఆన్ రోడ్ ధర  12 లక్షల రూపాయలకు వచ్చేస్తుంది.

Image Credit : X/Sunderdeep - Volklub

మారుతి సుజుకి ఫ్రాంక్స్

మారుతి సుజుకి కొత్త ఎస్‌యూవీ మోడల్ ఫ్రాంక్స్. ఈ కారులో 1.2-లీటర్ డ్యూయల్‌జెట్ పెట్రోల్ ఇంజిన్ ఉంది. ఇది 90hp పవర్, 113Nm టార్క్ ఉత్పత్తి చేస్తుంది. ఇందులో 5-స్పీడ్ మాన్యువల్, 5-స్పీడ్ ఏఎంటీ ఆటోమేటిక్ గేర్‌బాక్స్ ఆప్షన్లు ఉన్నాయి. దీని ధర రూ.8.55 లక్షలు. అదే ఆన్ రోడ్ ధర పదిలక్షల రూపాయలకు వచ్చేస్తుంది.

Image Credit : Nissan official

నిస్సాన్ మాగ్నైట్ ఆటోమేటిక్

నిస్సాన్ మాగ్నైట్ CNG మోడల్‌లో ఇప్పుడు 5-స్పీడ్ మాన్యువల్ గేర్‌బాక్స్‌తో పాటు AMT ఆటోమేటిక్ గేర్‌బాక్స్ ఆప్షన్ కూడా అందుబాటులో ఉంది. ఈ వేరియంట్ ఎక్స్-షోరూమ్ ధర రూ.6,21,000 నుంచి మొదలవుతుంది. ఇది చాలా తక్కువ ధర. ఆన్ రోడ్ ధర 8 లక్షల రూపాయలకే వస్తుంది.

Image Credit : Google

టాటా నెక్సాన్

మీరు టాటా నెక్సాన్ ఎస్‌యూవీని కొనాలని ప్లాన్ చేస్తుంటే దీనిలో ఆటోమేటిక్ వేరియంట్ ఎంపిక చేసుకోవచ్చు. దీన్ని  ఎక్స్-షోరూమ్ ధర రూ.9,51,390గా ఉంది. అదే ఆన్ రోడ్ ధర 12 లక్షల రూపాయల వరకు ఉండే అవకాశం ఉంది.