PPF అకౌంట్లో డబ్బును ఎన్నేళ్ల తర్వాత విత్ డ్రా చేసుకోవచ్చు? 15 ఏళ్లు ఆగాల్సిందేనా?
పబ్లిక్ ప్రావిడెంట్ ఫండ్(PPF).. టెన్షన్ లేకుండా చేసే చక్కటి సేవింగ్స్ స్కీమ్ ఇది. ఖాతాదారులకు ఎంతో భద్రతనిస్తుంది. ఇందులో దాచుకున్న డబ్బులు మెచ్యురిటీ కాకుండానే అవసరాలకు వాడుకోవచ్చు. కాని ఎన్ని సంవత్సరాల తర్వాత విత్ డ్రా చేయొచ్చో తెలుసుకుందాం.
15 సంవత్సరాల పొదుపు స్కీమ్
పబ్లిక్ ప్రావిడెంట్ ఫండ్ (PPF) అనేది మన దేశంలో చాలా ఫేమస్ సేవింగ్స్ స్కీమ్. ప్రజల్లో పొదుపు ఆలోచనలను పెంపొందించాలన్న లక్ష్యంతో ప్రభుత్వం ఈ పథకాన్ని అమలు చేస్తోంది. ఈ స్కీమ్ లో 15 సంవత్సరాల పాటు డబ్బు దాచుకోవాలి. మెచ్యూరిటీ తర్వాత మొత్తం తీసుకోవచ్చు. అయితే కొన్ని ప్రత్యేక పరిస్థితుల్లో 15 ఏళ్లకు ముందే డబ్బు తీసుకోవచ్చని చాలా మందికి తెలియదు.
ఎప్పుడు డబ్బు తీసుకోవచ్చు?
PPF ఖాతా ఓపెన్ చేసిన 6 సంవత్సరాల తర్వాత అకౌంట్ నుంచి కొద్దిగా డబ్బు తీసుకోవచ్చు. ఉదాహరణకి 2020లో PPF ఖాతా ఓపెన్ చేశారనుకోండి.. 2026-27 ఆర్థిక సంవత్సరంలో నుంచి డబ్బు తీసుకోవచ్చు.
ఏ పరిస్థితుల్లో డబ్బు తీసుకోవచ్చు?
పిల్లల ఉన్నత విద్య కోసం PPF ఖాతా నుంచి డబ్బు విత్ డ్రా చేసుకోవచ్చు. అదే విధంగా కుటుంబ సభ్యుల్లో ఎవరికైనా తీవ్రమైన అనారోగ్యం వచ్చినపుడు కూడా ఈ స్కీమ్ లో కొంత డబ్బు తీసుకోవచ్చు. మీకు అత్యవసర వైద్య చికిత్స అందించాల్సి వచ్చినా ఈ డబ్బు వాడుకోవచ్చు.
అయితే మెచ్యూరిటీకి ముందు డబ్బు తీసుకుంటే ఆ మొత్తంపై 1% వడ్డీని కోల్పోవాల్సి వస్తుంది.
ఎంత డబ్బు తీసుకోవచ్చు?
మధ్యలో తీసుకొనే డబ్బుకు కూడా లిమిట్ ఉంటుంది. ఖాతాలో ఉన్న మొత్తంలో 50% వరకు మాత్రమే తీసుకోవచ్చు.
ఉదాహరణకి మీరు డబ్బు తీసుకోవాలనుకుంటే ఆ ఏడాది ముందు నాలుగవ సంవత్సరం చివర్లో మీ బ్యాలెన్స్ రూ.1 లక్ష ఉంటే మీరు రూ.50,000 వరకు మాత్రమే తీసుకోవచ్చు.
మెచ్యూరిటీ తర్వాత?
ఒక సంవత్సరానికి ఒక్కసారి మాత్రమే పీపీఎఫ్ డబ్బు తీసుకోవడానికి అనుమతి ఉంటుంది. అదే సంవత్సరం మళ్లీ డబ్బు తీసుకోవాలంటే వీలుకాదు.
15 సంవత్సరాలు పూర్తి అయిన తర్వాత మీరు మొత్తం డబ్బు తీసుకోవచ్చు. లేదా నెలనెలా తీసుకునే విధంగా సిస్టమాటిక్ విత్డ్రాయల్ ప్లాన్ (SWP) ద్వారా పీపీఎఫ్ డబ్బును తీసుకోవచ్చు. ఇది ప్రత్యేకంగా రిటైర్డ్ వ్యక్తులకు ఉపయోగకరంగా ఉంటుంది.