Mudra Yojana ముద్రా యోజనకి 10 ఏళ్లు: లక్షల జీవితాల్లో మార్పు!
సమాజంలోని వెనుకబడినవర్గాల అభ్యున్నతి కోసం మొదలైన పథకం ముద్రా యోజన. ఎలాంటి పూచీకత్తు లేని రుణాలు అందించి, వాళ్లు చిన్నచిన్న వ్యాపారాలు చేసుకుంటూ స్వయం సమ్రుద్ధి సాధించడమే దీని ఉద్దేశం. ఈ పథకం ప్రారంభించి పదేళ్లు అయిన సందర్భంగా ఈ స్కీమ్ వెనుకబడినవర్గాలకు సాధికారత కల్పించిందని ప్రధాని మోదీ కొనియాడారు. కోట్లకు పైగా రుణాలు పంపిణీ చేయడంతో, ఈ కార్యక్రమం భారతదేశంలోని మహిళలు, యువత, చిన్న వ్యాపారుల ఆకాంక్షలను నెరవేర్చిందన్నారు.
రూ. 33 లక్షల కోట్ల మైలురాయి!
మహిళా సాధికారత, వెనుకబడిన వర్గాలకు మద్దతు, యువత పారిశ్రామికత, గ్రామీణ మార్పులకు మద్దతు ఇవ్వడం ద్వారా ముద్రా యోజన గత దశాబ్దంలో భారతదేశ ఆర్థిక వ్యవస్థను ఎలా మార్చిందో మోదీ వివరించారు. భారతదేశం అంతటా ఆర్థిక వృద్ధిని ప్రోత్సహిస్తూ పూచీకత్తు లేని ముద్రా రుణాలు పంపిణీ చేశారు.
52 కోట్ల రుణాలు పంపిణీ!
గత 10 సంవత్సరాలలో రూ. 52 కోట్లకుపైగా ముద్రా రుణాలు పంపిణీ చేశారు. ఇది లక్షలాది మంది చిన్న వ్యాపార యజమానులకు సహాయపడింది. దీంతో దేశవ్యాప్తంగా యువత, చిన్న వ్యాపారులపై నమ్మకాన్ని చూపిస్తూ ముద్రా రుణ పరిమితిని రూ. 20 లక్షలకు పెంచారు.
యువత కలలపై దృష్టి!
యువ పారిశ్రామికవేత్తలు ఈ పథకం ద్వారా లబ్ధి పొందారు, వారి వినూత్న ఆలోచనలను సులభంగా విజయవంతమైన వ్యాపారాలుగా మార్చారు. ముద్రా రుణాలలో సగం SC, ST, OBC వర్గాల వారికి అందించబడ్డాయి, ఇది సమ్మిళిత ఆర్థికాభివృద్ధిని ప్రోత్సహించింది.
పూచీకత్తు అవసరం లేదు!
ఎటువంటి పూచీకత్తు అవసరం లేకుండా, ఆస్తులు లేదా అధికారిక భద్రత లేని వారికి ముద్రా రుణాలు అందుబాటులోకి వచ్చాయి. ముద్రా రుణ గ్రహీతలలో దాదాపు 70% మంది మహిళలే, ఇది భారతీయ మహిళల్లో ఆర్థిక స్వాతంత్య్రం పారిశ్రామికతను ప్రోత్సహిస్తుంది.
కొత్త పారిశ్రామికవేత్తలకు మద్దతు!
ఈ పథకం మొదటిసారి వ్యాపారం ప్రారంభించే వారికి వారి స్వంత వెంచర్లను ప్రారంభించడానికి, అభివృద్ధి చేయడానికి మూలధనాన్ని ఇవ్వడం ద్వారా సహాయపడుతోంది. ముద్రా రుణాలు గ్రామీణ ప్రాంతాలకు సైతం చేరుతున్నాయి. స్వయం ఉపాధిని కల్పిస్తూ స్థానిక ఆర్థిక పరిస్థితులను మార్చివేస్తున్నాయి.
'ముద్రా యోజన' లబ్ధిదారులతో మోదీ గ్రూప్ ఫోటో!
మంగళవారం న్యూఢిల్లీలో జరిగిన కార్యక్రమంలో కేంద్ర ఆర్థిక శాఖ సహాయ మంత్రి పంకజ్ చౌదరి, 'ముద్రా యోజన' లబ్ధిదారులతో ప్రధానమంత్రి నరేంద్ర మోదీ గ్రూప్ ఫోటో దిగారు. (ANI ఫోటో)