Gold Rate Drop: బంగారం ధరలకు బ్రేక్..కొనేవారికి ఇదే సూపర్ ఛాన్స్..

Gold Rate: బంగారం ధరలు గత కొన్ని రోజులుగా సామాన్యులను భయపెడుతూనే వచ్చాయి. పెరుగుతున్న రేట్లు చూసి కొనగలమా అనే సందేహం చాలామందిలో కనిపించింది. కానీ ఇప్పుడు పరిస్థితి మారిపోయింది. ఎప్పటిలాగే పరుగులు తీస్తుందని భావించిన పసిడికి నేడు బ్రేక్ పడింది. 

Image Credit : Getty

కొనుగోలుదారుల్లో చిగురించిన ఆశలు

హైదరాబాద్ బులియన్ మార్కెట్లో బంగారం ధరలు భారీగా తగ్గడంతో కొనుగోలుదారుల్లో మళ్లీ ఆశలు చిగురించాయి. ముఖ్యంగా పెళ్లిళ్లు, శుభకార్యాల కోసం బంగారం కొనాలని ఎదురు చూస్తున్న కుటుంబాలకు ఇది పెద్ద ఊరటనిచ్చే పరిణామంగా మారింది. ఈరోజు ఉదయం మార్కెట్ ప్రారంభమైనప్పటి నుంచే పసిడి రేట్లు కాస్త కిందికి దిగాయి. నిన్నటి వరకు ఆకాశాన్నంటే ధరలు ఒక్కసారిగా దిగిరావడంతో జ్యువెలరీ షాపుల్లో కూడా కొనుగోలుదారుల ఆసక్తి పెరిగింది. ముఖ్యంగా పెట్టుబడి కోసం గోల్డ్ కొనేవాళ్లు ఈ మార్పును చాలా జాగ్రత్తగా గమనిస్తున్నారు. ఎందుకంటే ఇలాంటి తగ్గుదలలు తరచూ రావు. ఒకసారి ధరలు తగ్గితే మళ్లీ ఎప్పుడు ఎగబాకుతాయో చెప్పడం కష్టమనే అభిప్రాయం మార్కెట్లో ఉంది.

Image Credit : stockPhoto

రూ.1,59,490కి చేరిన మేలిమి బంగారం

తాజా మార్కెట్ వివరాల ప్రకారం 24 క్యారెట్ల స్వచ్ఛమైన బంగారం ధరపై గణనీయమైన తగ్గుదల నమోదైంది. పది గ్రాముల గోల్డ్‌పై దాదాపు రూ.440 వరకు తగ్గడంతో ప్రస్తుతం ధర రూ.1,59,490 స్థాయికి చేరుకుంది. ఇదే సమయంలో ఆభరణాల తయారీలో ఎక్కువగా ఉపయోగించే 22 క్యారెట్ల బంగారం కూడా తగ్గింది. పది గ్రాముల ఆర్నమెంట్ గోల్డ్‌పై సుమారు రూ.400 మేర తగ్గుదల రావడంతో హైదరాబాద్ మార్కెట్లో ధర రూ.1,46,200 వద్ద కొనసాగుతోంది.

Image Credit : Getty

జ్యువెలరీ షాపుల్లో మళ్లీ సందడి

కొన్ని రోజులుగా పెరుగుతున్న ధరలతో బంగారం కొనాలనుకున్న చాలామంది తమ నిర్ణయాన్ని వాయిదా వేసుకున్నారు. ఇప్పుడు మాత్రం పరిస్థితి కొంత అనుకూలంగా మారడంతో జ్యువెలరీ షాపుల్లో మళ్లీ సందడి మొదలైంది. ముఖ్యంగా మధ్యతరగతి కుటుంబాలు ఈ తగ్గుదలపై ఎక్కువ ఆసక్తి చూపిస్తున్నాయి. ఎందుకంటే పెళ్లిళ్లు, ఫంక్షన్లు, భవిష్యత్తు పొదుపుల కోసం బంగారం ఇప్పటికీ అత్యంత నమ్మకమైన పెట్టుబడిగానే భావిస్తున్నారు.

అయితే మార్కెట్లో కనిపించే ఈ ధరలే ఫైనల్ కాదన్న విషయాన్ని గుర్తుంచుకోవాలి. షోరూమ్‌లో ఆభరణాలు కొనేటప్పుడు బేసిక్ గోల్డ్ రేటుకు అదనంగా 3 శాతం జీఎస్టీ, మేకింగ్ ఛార్జీలు, వృథా ఛార్జీలు కూడా కలుస్తాయి. అందుకే బంగారం కొనుగోలు చేసే ముందు ఒక్కో షాపులో ధరలు, ఛార్జీలు పోల్చి చూసుకోవడం మంచిదని నిపుణులు సూచిస్తున్నారు.