EPFO: ఏటీఎంలలోనే పీఎఫ్ డబ్బులు విత్ డ్రా చేసుకోవచ్చు: ఎప్పటి నుంచో తెలుసా?
EPFO: ఏటీఎంలలోనే పీఎఫ్ డబ్బులు విత్ డ్రా చేసుకోవచ్చని ఎప్పటి నుంచో వినిపిస్తోంది. అయితే ఇప్పుడు ఆ సమయం దగ్గర పడిందని కేంద్ర మంత్రుల ప్రకటన ద్వారా తెలుస్తోంది. ఎప్పటి నుంచి ఏటీఎం, యూపీఐల ద్వారా పీఎఫ్ డబ్బులు విత్ డ్రా చేసుకోవచ్చో ఇప్పుడు తెలుసుకుందాం.
- FB
- TW
- Linkdin
Follow Us
 "Asianet Image")
పీఎఫ్ డబ్బులు విత్ డ్రా చేయాలంటే ఇప్పటి వరకు ప్రాసెస్ చాలా పెద్దగానే ఉంటుంది. అప్లికేషన్ ప్రాసెస్ జరిగే క్రమంలో అకౌంట్ నంబర్, ఆధార్, పాన్ కార్డులపై ఉన్న డీటైల్స్ మ్యాచ్ కాకపోతే రిజక్ట్ అయిపోతుంది. ఎలాగోలా అప్లికేషన్ ప్రాసెస్ సక్సెస్‌ఫుల్‌గా పూర్తి చేస్తే డబ్బులు క్రెడిట్ అయిన తర్వాత విత్ డ్రా చేయడం పెద్ద పని. బ్యాంకుకు వెళ్లి డైరెక్ట్ గా క్యాష్ తీసుకోవాల్సి వచ్చేది.
ఇప్పుడు ఉద్యోగుల భవిష్య నిధి సంస్థ (EPFO) పీఎఫ్ డబ్బులు విత్ డ్రా చేసే ప్రాసెస్ ను ఈజీ చేసింది. ఆన్ లైన్ లోనే ఈజీ విధానాల ద్వారా అప్లై చేసేలా సదుపాయం కల్పించింది. ఇప్పుడు కొత్తగా పీఎఫ్ డబ్బులు ఏటీఎంలలోనే విత్ డ్రా చేసుకొనేలా సౌకర్యం కల్పిస్తోంది. అయితే ఈ వార్త ఎప్పటి నుంచో వినిపిస్తోంది. కాని ఎప్పటి నుంచి ఈ ఫెసిలిటీ అందుబాటులోకి వస్తుందన్న సమాచారం మాత్రం లేదు.
ATM ద్వారా EPFO మొత్తం
ఇటీవల మీడియాతో మాట్లాడిన కార్మిక, ఉపాధి కార్యదర్శి సుమితా దావ్రా ఏటీఎం లలోనే పీఎఫ్ డబ్బులు విత్ డ్రా చేసుకొనే సదుపాయాన్ని మే నెల చివరిలో లేదా జూన్ నెలలోపు అందుబాటులోకి వస్తుందని ధృవీకరించారు. ఈ విషయంపై టెస్టింగ్ పూర్తయిందని, త్వరలో EPFO అభ్యర్థనల కోసం UPI ఫ్రంట్-ఎండ్‌ను ప్రారంభిస్తామని ఆయన తెలిపారు. సభ్యులు తమ EPF ఖాతాలను UPI ఇంటర్‌ఫేస్ ద్వారా నేరుగా యాక్సెస్ చేయవచ్చని కూడా అన్నారు. అంతేకాకుండా ఆటోమేటెడ్ అభ్యర్థనలను చేయవచ్చని, అన్ని అర్హతలు ఉంటే అప్లికేషన్ ప్రాసెస్ తక్షణమే పూర్తవుతుందని వివరించారు.
EPFOలో ఎంత డబ్బు విత్ డ్రా చేసుకోవచ్చు?
పీఎఫ్ ఖాతాదారులు ఆటోమేటెడ్ ప్రాసెస్ ద్వారా రూ.1 లక్ష వరకు తక్షణమే తీసుకోవచ్చు. డబ్బు బదిలీల కోసం వారికి నచ్చిన బ్యాంక్ ఖాతాను కూడా ఎంచుకోవచ్చు. ప్రస్తుతం క్లెయిమ్ పరిష్కారాలు 2 నుంచి 3 రోజులు పడుతుంది. కానీ UPI ఇంటిగ్రేషన్‌తో విత్ డ్రా ప్రాసెస్ కేవలం కొన్ని నిమిషాల్లో పూర్తవుతాయి.
వైద్యం కోసమే కాదు.. ఇతర అవసరాలకు కూడా..
నిధుల వినియోగం పరిధిని కూడా EPFO పెంచింది. అంటే వైద్య అత్యవసర పరిస్థితులకు మాత్రమే డబ్బులు ఇచ్చేవారు. ఇప్పుడు అదనంగా గృహనిర్మాణం, విద్య, వివాహం కోసం విత్ డ్రా చేసుకోవచ్చు. ఈ మార్పును సులభతరం చేయడానికి, 120కి పైగా డేటాబేస్‌లను ఇంటిగ్రేట్ చేశారు. 95% క్లెయిమ్‌లు ఇప్పుడు ఆటోమేటిక్ గా పూర్తవుతున్నాయి.
