పాన్ కార్డ్ మోసాలకు చెక్ పెట్టాలంటే కొత్త పాన్ కార్డ్ 2.0 తీసుకోండి: కేవలం రూ.50లే!

15

పాన్ కార్డ్ 2.0 చాలా కాలం క్రితం వచ్చిందే. అయితే దీన్ని ప్రతి ఒక్కరూ కచ్చితంగా తీసుకోవాలని కేంద్ర ప్రభుత్వం రూల్ ఏం పెట్టలేదు. ఎవరి అవసరాన్ని బట్టి వారు మార్చుకోవచ్చని, మార్చుకోకపోయినా పాత కార్డు పనిచేస్తుందని చెప్పింది. దీంతో చాలా మంది కొత్త పాన్ కార్డ్ 2.0 తీసుకోలేదు. అయితే కొత్త పాన్ కార్డు వల్ల మోసాలకు చెక్ పెట్టొచ్చని ఆర్థిక నిపుణులు చెబుతున్నారు. పాత పాన్ కార్డును దుర్వినియోగం చేసి నకిలీ రుణాలు, క్రెడిట్ కార్డులను కూడా సులభంగా తీసుకోవచ్చని చెబుతున్నారు. అయితే కొత్త పాన్ కార్డ్ 2.0తో ఇలాంటి మోసాలు చేయలేరని తెలిపారు. 

25

పాన్ కార్డ్ 2.0 ఎలా సురక్షితమైంది..

గత సంవత్సరం ప్రభుత్వం పాన్ కార్డు కొత్త వెర్షన్‌ 2.0ను తీసుకువచ్చింది. ఆన్ లైన్ మోసాలకు గురికాకుండా ఉండాలంటే కేవలం 50 రూపాయలు ఖర్చు చేసి అప్ గ్రేడ్ చేయించుకోవాలని కేంద్ర ప్రభుత్వం సూచించింది. కొత్త కార్డు తీసుకోకపోయినా పాత కార్డు పనిచేస్తుందని తెలిపింది. వాస్తవానికి కొత్త పాన్ కార్డులో అనేక భద్రతా లక్షణాలు ఉన్నాయి. ఆన్ లైన్ మోసాలకు ఛాన్స్ ఉండదు. మన వ్యక్తిగత డేటాను మోసగాళ్లు సేకరించలేరు.  పాన్ కార్డ్ 2.0 ద్వారా రిజిస్ట్రేషన్, ప్రభుత్వ సేవలు పొందడం ఇప్పుడు మరింత సులభమవుతుంది. 

35

పాన్ కార్డ్ 2.0కు ఎలా దరఖాస్తు చేసుకోవాలి

మీరు పాన్ కార్డ్ 2.0కి దరఖాస్తు చేయాలనుకుంటే ఇంటి నుండే చాలా సులభంగా చేయవచ్చు. దీని కోసం గూగుల్ లో పాన్ కార్డ్ 2.0 అని టైప్ చేయగానే కింద అనేక వెబ్ సైట్స్ కనిపిస్తాయి. అఫీషియల్ వెబ్ సైట్ కి వెళ్తే అప్లై చేసే ప్రాసెస్ కనిపిస్తుంది. 

45

ఇలా అప్లై చేయండి..

మీకు ఇప్పటికే పాన్ కార్డు ఉంటే దాని నంబర్, ఆధార్ నంబర్, డేట్ ఆఫ్ బర్త్ వంటి వివరాలను పూర్తి చేసి అప్ డేటెడ్ 2.0 పాన్ కార్డుపై క్లిక్ చేస్తే పేమెంట్ డీటైల్స్ వస్తాయి.

ఇప్పుడు మీరు ఆన్ లైన్ ద్వారానే రూ. 50 చెల్లింస్తే మీ కొత్త పాన్ కార్డ్ కొన్ని రోజుల్లో మీ ఇంటికి డెలివరీ అవుతుంది. 

55

ప్రత్యేక లక్షణాలు

మీరు కావాలనుకుంటే కొత్త పాన్ కార్డు సాఫ్ట్ కాపీని అఫీషియల్ సైట్ నుంచే డౌన్‌లోడ్ చేసుకోవచ్చు. మీ కొత్త పాన్ కార్డులో లేజర్ ప్రింటెడ్ QR కోడ్ ఉంటుంది. ఇందులో మీ పేరు, పుట్టిన తేదీ, పాన్ నంబర్, ఫోటో ఎన్‌క్రిప్టెడ్ ఫార్మాట్‌లో సేవ్ చేసి ఉంటుంది. ఈ ఫీచర్ కారణంగా మీ పాన్ కార్డు నకిలీ కాపీని ఎవరూ సృష్టించలేరు.