Hero Super Splendor: తక్కువ ధరలోనే లీటరుకు 72km మైలేజీ ఇచ్చే హీరో కొత్త సూపర్ బైక్ ఇది.. ఫీచర్లు చూస్తే మైండ్ బ్లాకే!

Hero Super Splendor XTEC 2.0: లీటరుకు 72 కిమీ మైలేజ్, అదిరిపోయే బ్లూటూత్ ఫీచర్లతో హీరో సూపర్ స్ప్లెండర్ XTEC 2.0 మార్కెట్లోకి వచ్చేసింది. అద్భుతమైన ఫీచర్లు ఉన్న ఈ హీరో బైకు ధర, ఇతర పూర్తి వివరాలు ఇక్కడ తెలుసుకుందాం.

Image Credit : heromotocorp

హీరో నుంచి మైండ్ బ్లోయింగ్ బైక్.. ఇక పెట్రోల్ టెన్షన్ లేదు.. ఫీచర్లు నెక్స్ట్ లెవెల్

1990ల కాలం నాటి నుంచి ఇండియన్ మిడిల్ క్లాస్ గుండెల్లో ‘స్ప్లెండర్’ అంటే ఒక ఎమోషన్. నమ్మకానికి మరో పేరైన హీరో మోటోకార్ప్, మార్కెట్లోకి సరికొత్త అవతారంలో హీరో సూపర్ స్ప్లెండర్ XTEC 2.0 (Hero Super Splendor XTEC 2.0) మోడల్‌ను లాంచ్ చేసింది.

నేటి జనరేషన్ యువకులకు నచ్చేలా అల్ట్రా మోడ్రన్ ఫీచర్లు, అదిరిపోయే లుక్స్‌తో ఈ బైక్‌ను డిజైన్ చేశారు. దీని ఢిల్లీ ఎక్స్-షోరూమ్ ధరను రూ. 86,500 గా కంపెనీ అనౌన్స్ చేసింది. ఈ సరికొత్త బైక్ ఫీచర్లు చూస్తే మాత్రం ఎవరైనా ఫిదా అవ్వాల్సిందే.

Image Credit : heromotocorp

డ్యూయల్ టోన్ గ్రాఫిక్స్ లో లుక్ అదిరింది బాస్

డిజైన్ పరంగా హీరో ఈసారి గట్టిగానే ప్లాన్ చేసింది. ఓల్డ్ మోడల్స్‌తో పోలిస్తే ఇందులో రిఫ్రెష్డ్ డ్యూయల్-టోన్ గ్రాఫిక్స్, స్టైలిష్ 3D ఎంబ్‌లమ్, స్పోర్టీ రిమ్ టేపులు యాడ్ చేశారు. దీనివల్ల బైక్‌కు ఒక ప్రీమియం, మాస్ లుక్ వచ్చింది.

అంతేకాదు, లాంగ్ రైడ్స్ వెళ్ళినప్పుడు కూడా సూపర్ కంఫర్ట్ ఇచ్చేలా ‘డ్యూయల్-టెక్స్చర్డ్ స్టిచ్డ్ సీటు’ను ఇందులో అమర్చారు. రోడ్డుపై వెళ్తుంటే అందరి చూపు దీనివైపే పడటం గ్యారెంటీ మరి.

Image Credit : heromotocorp

మైలేజ్ వింటే షాక్ అవుతారు.. లీటరుకు 72 కి.మీ

ఈ రోజుల్లో బండి కొనాలంటే మొదట చూసేది మైలేజ్. ఈ విషయంలో సూపర్ స్ప్లెండర్ XTEC 2.0 కింగ్ అని చెప్పొచ్చు. ఇందులో ఉన్న 124.7 సీసీ సింగిల్ సిలిండర్ ఎయిర్ కూల్డ్ ఇంజిన్.. 10.7 bhp పవర్, 10.6 Nm టాప్ టార్క్‌ను జనరేట్ చేస్తుంది.

అడ్వాన్స్డ్ ప్రోగ్రామ్డ్ ఫ్యూయల్ ఇంజెక్షన్ (APFI) టెక్నాలజీతో పాటు హీరో సిగ్నేచర్ i3S (ఐడల్ స్టాప్-స్టార్ట్) సిస్టమ్ వల్ల ఈ బైక్ లీటరుకు ఏకంగా 72 కిలోమీటర్ల మైలేజ్ ఇస్తుందని కంపెనీ చెబుతోంది.

Image Credit : our own

ఫుల్లీ డిజిటల్ స్క్రీన్.. రైడింగ్‌లోనే కాల్స్, మెసేజ్ అలర్ట్స్

టెక్నాలజీ విషయానికి వస్తే ఈ బైక్ నెక్స్ట్ లెవెల్ అని చెప్పాలి. ఇందులో బ్లూటూత్ కనెక్టివిటీ ఉన్న ఫుల్లీ డిజిటల్ ఇన్‌స్ట్రుమెంట్ క్లస్టర్‌ను సెట్ చేశారు. ప్రయాణంలో ఉన్నప్పుడు మీ ఫోన్‌కు వచ్చే ఇన్‌కమింగ్ కాల్స్, ఎస్ఎంఎస్ నోటిఫికేషన్లు, మిస్డ్ కాల్ అలర్ట్లతో పాటు ఫోన్ బ్యాటరీ స్టేటస్‌ను కూడా బైక్ స్క్రీన్‌పైనే చూసుకోవచ్చు.

వీటితో పాటు రియల్ టైమ్ మైలేజ్ ఇండికేటర్, లో-ఫ్యూయల్ అలర్ట్ కూడా ఉన్నాయి. అలాగే జర్నీలో మొబైల్ ఛార్జింగ్ అయిపోతే టెన్షన్ పడకుండా USB టైప్-సి ఛార్జింగ్ పోర్ట్ కూడా ఇచ్చారు.

Image Credit : our own

సేఫ్టీ ఫస్ట్.. హజార్డ్ లైట్లతో సరికొత్త సెక్యూరిటీ

రైడర్ల సేఫ్టీ కోసం హీరో మోటోకార్ప్ ఈ వేరియంట్‌లో అదిరిపోయే అప్‌డేట్స్ ఇచ్చింది. సూపర్ స్ప్లెండర్ సిరీస్‌లోనే ఫస్ట్ టైమ్ ఇందులో హజార్డ్ లైట్లను ప్రవేశపెట్టారు. దట్టమైన పొగమంచు లేదా వర్షం పడేటప్పుడు ఈ లైట్లు ఎంతగానో యూజ్ అవుతాయి.

బెస్ట్ బ్రేకింగ్ కోసం ఫ్రంట్ డిస్క్ బ్రేక్, ట్రాఫిక్‌లో ఈజీగా బండిని ఆఫ్ చేయడానికి హ్యాండిల్‌బార్‌పైనే ఇంజిన్ కిల్ స్విచ్ ఇచ్చారు. స్మూత్ రైడింగ్ కోసం ముందు వైపు టెలిస్కోపిక్ సస్పెన్షన్ ఉంది.

Image Credit : our own

మీకు నచ్చిన కలర్ లో కొత్త హీరో బైక్

ఈ సరికొత్త బైక్ మొత్తం ఐదు సూపర్ స్టైలిష్ కలర్ ఆప్షన్లలో దొరుకుతుంది. గ్లోసీ బ్లాక్, క్యాండీ బ్లేజింగ్ రెడ్, మ్యాట్ యాక్సిస్ గ్రే, మ్యాట్ నెక్సస్ బ్లూ, మ్యాట్ చెస్ట్‌నట్ బ్రౌన్ రంగులలో ఇది అందుబాటులో ఉంది. దేశవ్యాప్తంగా ఉన్న హీరో మోటోకార్ప్ షోరూమ్స్‌లో ఈ సరికొత్త XTEC 2.0 బైక్స్ సేల్స్‌కు రెడీగా ఉన్నాయి. స్టైల్, మైలేజ్, తక్కువ బడ్జెట్‌లో మంచి బైక్ కావాలనుకునే వారికి ఇది పర్ఫెక్ట్ ఛాయిస్.