- Home
- Automobile
- Bikes
- EV scooter: ఫోన్ కంటే తక్కువ ధరలో స్కూటీ.. 150 కిలోమీటర్ల మైలేజ్, లైసెన్స్, రిజిస్ట్రేషన్ అవసరం లేదు
EV scooter: ఫోన్ కంటే తక్కువ ధరలో స్కూటీ.. 150 కిలోమీటర్ల మైలేజ్, లైసెన్స్, రిజిస్ట్రేషన్ అవసరం లేదు
EV scooter: భారత్లో ఎలక్ట్రిక్ వాహనాల వినియోగం వేగంగా పెరుగుతోంది. ముఖ్యంగా చిన్న పట్టణాలు, గ్రామీణ ప్రాంతాల్లో తక్కువ ధరలో లభించే ఎలక్ట్రిక్ స్కూటర్లకు మంచి డిమాండ్ ఉంది. అలాంటి కొన్ని ప్రముఖ ఎలక్ట్రిక్ స్కూటర్ల వివరాలు ఇప్పుడు తెలుసుకుందాం.
లైసెన్స్ లేకుండానే నడపొచ్చా?
మోటార్ వెహికల్ యాక్ట్ 1988 ప్రకారం 250W లోపు మోటార్ సామర్థ్యం, గంటకు 25 కిలోమీటర్లలోపు గరిష్ట వేగం ఉన్న ఎలక్ట్రిక్ స్కూటర్లకు రిజిస్ట్రేషన్, డ్రైవింగ్ లైసెన్స్ అవసరం ఉండదు. దీంతో విద్యార్థులు, వృద్ధులు, గ్రామీణ ప్రాంతాల ప్రజలు వీటిని ఎక్కువగా కొనుగోలు చేస్తున్నారు.
Ampere Reo Elite – తక్కువ ధరలో మంచి ఎంపిక
ఆంపియర్ రియో ఎలైట్ ధర సుమారు రూ.42,999 నుంచి ప్రారంభమవుతుంది. ఇందులో 250W BLDC హబ్ మోటార్, గరిష్ట వేగం 25 కిమీ/గంట, ఒక్కసారి చార్జ్ చేస్తే 55–60 కిమీ రేంజ్, 5 నుంచి 6 గంటల్లో పూర్తి చార్జ్, బ్యాటరీపై 2 ఏళ్ల వారంటీ, స్పీడోమీటర్, ప్యాసింజర్ ఫుట్రెస్ట్, ఛార్జింగ్ పోర్ట్ వంటి ప్రాథమిక ఫీచర్లు ఇందులో ఉన్నాయి.
Okinawa R30 – ఆధునిక ఫీచర్లతో
ఒకినావా R30 ధర సుమారు రూ.58,992 గా ఉంది. ఇందులో 250W BLDC మోటార్, గరిష్ట వేగం 25 కిమీ/గంట, ఒక్కసారి చార్జ్తో 60 కిమీ రేంజ్, 4 నుంచి 5 గంటల్లో చార్జ్ అవుతుంది. ఇందులో LED లైట్లు, DRL, యాంటీ-థెఫ్ట్ అలారం, సెంట్రల్ లాకింగ్ వంటి ఆధునిక ఫీచర్లు ఉన్నాయి.
Lohia Oma Star – అత్యంత చవకైన స్కూటర్లలో ఒకటి
లోహియా ఓమా స్టార్ ప్రారంభ ధర సుమారు రూ.40,850 గా ఉంది. ఈ స్కూటీలో 250W మోటార్, 70 కిమీ వరకు రేంజ్, 4.5 నుంచి 5 గంటల ఛార్జింగ్ సమయం పడుతుంది. అలాగే టర్న్ ఇండికేటర్లు, బ్యాటరీ స్టేటస్ ఇండికేటర్, బేసిక్ లైటింగ్ సిస్టమ్ వంటి ఫీచర్లు ఉన్నాయి.తక్కువ బడ్జెట్లో ఎక్కువ రేంజ్ కోరుకునేవారికి ఇది మంచి ఆప్షన్ గా చెప్పవచ్చు.
Komaki XGT KM – ఎక్కువ రేంజ్ కోసం
కొమాకి XGT KM ధర సుమారు రూ.42,500. ఇతర లో-స్పీడ్ స్కూటర్లతో పోలిస్తే ఇది కొంచెం భిన్నంగా ఉంటుంది. ఇందులో 130 నుంచి 150 కిమీ వరకు రేంజ్, గరిష్ట వేగం 60 కిమీ/గంట వరకు, LED లైటింగ్, డిస్క్ బ్రేకులు, ట్యూబ్లెస్ టైర్లు వంటి ఫీచర్లు ఉన్నాయి. అయితే దీని వేగం 25 కిమీ/గంట కంటే ఎక్కువగా ఉండే అవకాశం ఉన్నందున, కొనుగోలు చేసే ముందు లైసెన్స్, రిజిస్ట్రేషన్ నిబంధనలను తప్పనిసరిగా పరిశీలించాలి.
గమనిక: వాహనాల ధరలు నగరం, డీలర్, ఆఫర్లను బట్టి మారవచ్చు. కొనుగోలు ముందు అధికారిక డీలర్ వద్ద తాజా వివరాలు తెలుసుకోవడం మంచిది.
