Best Bikes: పెట్రోల్ ధ‌ర‌లు ఎంతైనా పెర‌గ‌ని.. జొమాటో, రాపిడో బాయ్స్‌కి ఈ బైక్స్ వ‌రం

Best Bikes: పెట్రోల్ ధరలు పెరుగుతున్న నేపథ్యంలో రోజూ ఆఫీస్‌కి వెళ్లేవాళ్లు, మధ్యతరగతి కుటుంబాలు ఎక్కువ ఖర్చుతో ఇబ్బంది పడుతున్నాయి. ముఖ్యంగా ర్యాపిడో, జొమాటో వంటి సేవ‌ల‌కు ఈ ఇబ్బంది మ‌రింత ఎక్కువే. దీనికి ప‌రిష్కార‌మే ఎక్కువ మైలేజ్ ఇచ్చే 100cc బైక్స్

Image Credit : Gemini AI

100cc బైక్స్ ఎందుకు బెస్ట్?

100cc బైక్స్ ముఖ్యంగా మైలేజ్ విషయంలో ముందుంటాయి. తక్కువ ఇంజిన్ సామర్థ్యం ఉన్నా, రోజువారీ అవసరాలకు సరిపడే శక్తిని ఇస్తాయి. ఈ బైక్స్ లీటర్ పెట్రోల్‌తో సుమారు 65 నుంచి 80 కిలోమీటర్ల వరకు ప్రయాణించగలవు. అందుకే రోజూ ఉద్యోగం, కాలేజీ లేదా చిన్న పనుల కోసం ప్రయాణించే వారికి ఇవి చాలా ఉపయోగపడతాయి. అంతేకాదు, వీటి నిర్వహణ ఖర్చు కూడా తక్కువగా ఉండటం వల్ల దీర్ఘకాలంలో పెద్దగా ఖర్చు పడదు.

Image Credit : Google

టీవీఎస్ రెడాన్‌

టీవీఎస్ రెడాన్ బైక్ బలమైన నిర్మాణం, మెటల్ భాగాలతో ప్రత్యేక గుర్తింపు పొందింది. దీని డిజైన్ సింపుల్‌గా ఉన్నా, పనితీరు మాత్రం బలంగా ఉంటుంది. ఢిల్లీలో ఈ బైక్ ఎక్స్‌షోరూమ్ ధర సుమారు రూ. 55,400 ఉండగా, RTO, ఇన్సూరెన్స్ కలిపితే ఆన్‌రోడ్ ధర రూ. 64,323 వరకు ఉంటుంది. తక్కువ రన్నింగ్ ఖర్చు ఉండటం వల్ల దీన్ని రోజువారీ ప్రయాణాలకు ఎక్కువ మంది ఎంచుకుంటున్నారు.

Image Credit : stockPhoto

హీరో స్ల్పెండ‌ర్ ప్ల‌స్

హీరో స్ల్పెండ‌ర్ ప్ల‌స్ భారతదేశంలో అత్యంత విశ్వసనీయమైన బైక్స్‌లో ఒకటి. దీని మైలేజ్ సుమారు లీటర్‌కు 70 కిలోమీటర్ల వరకు ఉంటుంది. ఎక్స్‌షోరూమ్ ధర రూ. 76,177 కాగా, ఆన్‌రోడ్ ధర సుమారు రూ. 90,873 ఉంటుంది. సింపుల్ డిజైన్, మంచి పనితీరు, తక్కువ సమస్యలు ఉండటం వల్ల ఇది చాలా మంది కోసం మొదటి ఎంపికగా ఉంటుంది.

Image Credit : Google

హీరో హెచ్ఎఫ్ డీల‌క్స్

హీరో హెచ్ఎఫ్ డీల‌క్స్ తక్కువ ధరలో మంచి మైలేజ్ ఇచ్చే బైక్‌గా గుర్తింపు పొందింది. ఢిల్లీలో దీని ఎక్స్‌షోరూమ్ ధర సుమారు రూ. 58,877 ఉండగా, ఆన్‌రోడ్ ధర రూ. 69,825 వరకు ఉంటుంది. ఈ బైక్ కూడా లీటర్‌కు సుమారు 70 కిలోమీటర్ల మైలేజ్ ఇస్తుంది. రోజూ ఉపయోగించే వారికి ఇది సరళమైన, నమ్మదగిన ఎంపికగా చెప్పొచ్చు.

Image Credit : stockPhoto

బ‌జాజ్ ప్లాటినా

బ‌జాజ్ ప్లాటినా బైక్ కంఫర్ట్, మైలేజ్ రెండింటికీ ప్రసిద్ధి. ఈ బైక్ రియల్ వరల్డ్‌లో లీటర్‌కు సుమారు 72 కిలోమీటర్ల వరకు మైలేజ్ ఇస్తుంది. ఆన్‌రోడ్ ధర సుమారు రూ. 85,000 వరకు ఉంటుంది. దీని సాఫ్ట్ సస్పెన్షన్ వల్ల దీర్ఘకాలం ప్రయాణం చేసినా అలసట తక్కువగా ఉంటుంది.

Image Credit : stockPhoto

నిర్వహణ ఖర్చు త‌క్కువ‌

100cc బైక్స్‌లో ఉన్న ఇంజిన్లను సాధారణంగా సింపుల్‌గా, బలంగా డిజైన్ చేస్తారు. అందువల్ల వీటిలో సమస్యలు తక్కువగా వస్తాయి. ఏదైనా చిన్న సమస్య వచ్చినా సులభంగా రిపేర్ చేయవచ్చు. స్పేర్ పార్ట్స్ కూడా చవకగా, అందుబాటులో ఉంటాయి. అందుకే ఈ బైక్స్‌ను ఎక్కువ కాలం తక్కువ ఖర్చుతో నడపడం సాధ్యమవుతుంది.