Today Rasi Phalalu: ఈ రాశులవారికి ఆకస్మిక ధనలాభం.. ఉద్యోగంలో ఆశించిన మార్పులు!
ఈ రోజు రాశి ఫలాలు పంచాంగకర్త ఫణికుమార్ అందిస్తున్నారు. మేష, వృషభ, మిథున, కర్కాటక, సింహ, కన్య, తుల, వృశ్ఛిక, ధనుస్సు, మకర, కుంభ, మీన రాశుల దిన ఫలాలు ఇక్కడ తెలుసుకోండి. ఈ దిన ఫలాలు 4.07.2025 శుక్రవారానికి సంబంధించినవి.
మేష రాశి ఫలాలు
వృత్తి, వ్యాపారాల్లో తొందరపాటు నిర్ణయాలు తీసుకోవడం వల్ల నష్టాలు తప్పవు. దీర్ఘకాలిక రుణ ఒత్తిడి పెరుగుతుంది. చేపట్టిన వ్యవహారాలు మందకొడిగా సాగుతాయి. ఇంటి వాతావరణం కొంత చికాకుగా ఉంటుంది. ఉద్యోగులు అధికారుల ఆగ్రహానికి గురవుతారు. నిరుద్యోగులకు శ్రమకు తగ్గ ఫలితం ఉండదు.
వృషభ రాశి ఫలాలు
సోదరుల నుంచి శుభకార్యాలకు ఆహ్వానాలు అందుతాయి. ఇంటా బయట ప్రశాంత వాతావరణం ఉంటుంది. ఆకస్మిక ధన ప్రాప్తి కలుగుతుంది. నిరుద్యోగ ప్రయత్నాలు అనుకూలిస్తాయి. వృత్తి, వ్యాపారాల్లో శ్రమ పెరిగినప్పటికీ ఆశించిన లాభాలు పొందుతారు. ఉద్యోగంలో ఆశించిన మార్పులు చోటు చేసుకుంటాయి.
మిథున రాశి ఫలాలు
దూరపు బంధువుల నుంచి అందిన సమాచారం కొంత ఆశ్చర్యం కలిగిస్తుంది. అనారోగ్య సమస్యలు బాధిస్తాయి. ఆదాయ మార్గాలు మందగిస్తాయి. శుభకార్యాల కోసం డబ్బు ఖర్చు చేస్తారు. వృత్తి, వ్యాపారాలు నిదానంగా సాగుతాయి. ఉద్యోగులకు పనిభారం పెరుగుతుంది.
కర్కాటక రాశి ఫలాలు
దూర ప్రయాణాలు అనుకూలిస్తాయి. కుటుంబ సభ్యుల మధ్య సఖ్యత పెరుగుతుంది. చేపట్టిన పనుల్లో జాప్యం ఉన్నప్పటికీ నిదానంగా పూర్తిచేస్తారు. దీర్ఘకాలిక ఆరోగ్య సమస్యల నుంచి బయటపడతారు. వ్యాపారాల్లో నూతన ప్రోత్సాహకాలు అందుకుంటారు. వృత్తి, ఉద్యోగాల్లో లభించిన అవకాశాలను సద్వినియోగం చేసుకోవాలి.
సింహ రాశి ఫలాలు
చిన్ననాటి మిత్రులతో ఒక వ్యవహారంలో వివాదాలు కలుగుతాయి. వృత్తి, వ్యాపారాల్లో ఆలోచించి నిర్ణయాలు తీసుకోవడం మంచిది. ముఖ్యమైన వ్యవహారాలు సకాలంలో పూర్తి కావు. అవసరానికి చేతిలో డబ్బు ఉండదు. నిరుద్యోగులకు లభించిన అవకాశాలు చేజారుతాయి. ఆరోగ్యం విషయంలో అప్రమత్తంగా ఉండాలి.
కన్య రాశి ఫలాలు
దూరప్రాంత బంధు మిత్రుల నుంచి అరుదైన ఆహ్వానాలు అందుతాయి. స్థిరాస్తి కొనుగోలు ప్రయత్నాలు ఫలిస్తాయి. అవసరానికి ఆప్తుల సహకారం అందుతుంది. వ్యాపారాల్లో కీలక నిర్ణయాలు అమలుచేస్తారు. ఉద్యోగంలో ఆటంకాలు తొలగుతాయి. నిరుద్యోగులకు శుభవార్తలు అందుతాయి.
తుల రాశి ఫలాలు
అన్ని వైపుల నుంచి లాభాలు అందుకుంటారు. దూర ప్రయాణాలు వాయిదా వేయడం మంచిది. ఆరోగ్యం విషయంలో ముందస్తు జాగ్రత్తలు తీసుకోవాలి. సమాజంలో ప్రముఖుల నుంచి ఆదరణ పెరుగుతుంది. ఆకస్మిక ధన ప్రాప్తి కలుగుతుంది. వ్యాపారంలో ఇతరుల సలహాలు అంతగా కలిసిరావు. ఉద్యోగులకు అనుకూలం.
వృశ్చిక రాశి ఫలాలు
ఇంటా బయట ఊహించని ఖర్చులు ఎదురవుతాయి. ప్రయాణాల్లో ఇబ్బందులుంటాయి. దైవానుగ్రహంతో కొన్ని పనులు సకాలంలో పూర్తిచేస్తారు. వృత్తి, వ్యాపారాలు అంతంత మాత్రంగా సాగుతాయి. ఉద్యోగులకు అదనపు బాధ్యతల వల్ల చికాకు పెరుగుతుంది. నిరుద్యోగ ప్రయత్నాలు మందకొడిగా సాగుతాయి.
ధనుస్సు రాశి ఫలాలు
ప్రారంభించిన పనులు మందకొడిగా సాగుతాయి. నూతన రుణ ప్రయత్నాలు చేస్తారు. వృత్తి, ఉద్యోగాల్లో ఇతరులతో వాదనకు వెళ్లకపోవడం మంచిది. వాహన ప్రయాణాల్లో మరింత అప్రమత్తంగా వ్యవహరించాలి. కుటుంబ వాతావరణం కొంత చికాకుగా ఉంటుంది. వ్యాపారాలు మందకొడిగా సాగుతాయి.
మకర రాశి ఫలాలు
ఆస్తి వివాదాలు పరిష్కారం దిశగా సాగుతాయి. బంధు మిత్రులతో విందు వినోదాల్లో పాల్గొంటారు. జీవిత భాగస్వామితో దైవ దర్శనాలు చేసుకుంటారు. ఆకస్మిక ధన లాభం కలుగుతుంది. వ్యాపారాల్లో లాభాలు అందుతాయి. ఉద్యోగంలో స్థిరత్వం కలుగుతుంది.
కుంభ రాశి ఫలాలు
ఇంటా బయట విశేషమైన గౌరవ మర్యాదలు లభిస్తాయి. పిల్లల ఆరోగ్యం విషయంలో శుభవార్తలు అందుతాయి. చేపట్టిన పనుల్లో అప్రయత్న కార్యసిద్ధి కలుగుతుంది. వృత్తి, వ్యాపారాల్లో ఆర్థిక పురోగతి సాధిస్తారు. ఉద్యోగులకు శ్రమకు తగిన గుర్తింపు లభిస్తుంది. నిరుద్యోగులకు ఉన్నత అవకాశాలు అందుతాయి.
మీన రాశి ఫలాలు
ఉద్యోగులు భావోద్వేగాలు అదుపులో ఉంచుకోవాలి. కుటుంబ సభ్యుల ప్రవర్తన మానసికంగా బాధిస్తుంది. డబ్బు పరమైన ఇబ్బందులు కలుగుతాయి. దూర ప్రయాణ సూచనలు ఉన్నాయి. వృత్తి, వ్యాపారాలు కొంత నిరాశ కలిగిస్తాయి. దైవ సేవా కార్యక్రమాల్లో పాల్గొంటారు.
