Today Rasi Phalalu: ఈ రాశుల వారికి ఆకస్మిక ధన లాభం.. ఉద్యోగంలో ప్రమోషన్స్!
ఈ రోజు రాశి ఫలాలు పంచాంగకర్త ఫణికుమార్ అందిస్తున్నారు. మేష, వృషభ, మిథున, కర్కాటక, సింహ, కన్య, తుల, వృశ్ఛిక, ధనుస్సు, మకర, కుంభ, మీన రాశుల దిన ఫలాలు ఇక్కడ తెలుసుకోండి. ఈ దిన ఫలాలు 29.05.2025 గురువారానికి సంబంధించినవి.
మేష రాశి ఫలాలు
స్థిరాస్తి వివాదాలకు సంబంధించి ఆత్మీయుల నుంచి ముఖ్య సమాచారం అందుతుంది. సన్నిహితుల సహాయంతో కొత్త కార్యక్రమాలు చేపట్టి సకాలంలో పూర్తి చేస్తారు. ఇంటా బయట అనుకూల పరిస్థితులు ఉంటాయి. వృత్తి, వ్యాపారాల్లో పురోగతి సాధిస్తారు. ఉద్యోగ బాధ్యతలు సమర్థవంతంగా నిర్వహిస్తారు.
వృషభ రాశి ఫలాలు
వృథా ప్రయాణాలు చేయాల్సి వస్తుంది. ఆర్థిక పరిస్థితి అంతంత మాత్రంగా ఉంటుంది. ముఖ్యమైన వ్యవహారాలు శ్రమతో కానీ పూర్తికావు. ఆరోగ్యం విషయంలో అప్రమత్తంగా వ్యవహరించాలి. వ్యాపారాల్లో సొంత నిర్ణయాలు కలిసి రావు. నిరుద్యోగ ప్రయత్నాలు మందగిస్తాయి. వృత్తి, ఉద్యోగాల్లో శ్రమ పెరుగుతుంది.
మిథున రాశి ఫలాలు
దూర ప్రయాణాలు వాయిదా వేయడం మంచిది. వ్యాపారాలు అంతంత మాత్రంగా సాగుతాయి. చేపట్టిన పనులు నత్తనడకన సాగుతాయి. మిత్రులతో మాట పట్టింపులు వస్తాయి. ఆరోగ్యం విషయంలో జాగ్రత్త వహించాలి. ఉద్యోగంలో పని ఒత్తిడి పెరుగుతుంది.
కర్కాటక రాశి ఫలాలు
ఇంటా బయట అనుకూల వాతావరణం ఉంటుంది. ఆకస్మిక ధన ప్రాప్తి కలగవచ్చు. చేపట్టిన పనుల్లో అప్రయత్న కార్యసిద్ధి కలుగుతుంది. సమాజంలో ప్రముఖులతో పరిచయాలు పెరుగుతాయి. నిరుద్యోగుల కలలు సాకారం అవుతాయి. వ్యాపారాల్లో లాభాలు అందుకుంటారు. ఉద్యోగాల్లో అనుకూల వాతావరణం ఉంటుంది.
సింహ రాశి ఫలాలు
ఆకస్మిక ధన లాభం కలుగుతుంది. స్థిరాస్తి ఒప్పందాలు వాయిదా పడతాయి. నూతన కార్యక్రమాలు ప్రారంభించిన అప్రయత్నంగా పూర్తి చేస్తారు. దైవ కార్యక్రమాల్లో పాల్గొంటారు. ఇంటి వాతావరణం చికాకుగా ఉంటుంది. వ్యాపారాలు సాధారణం. ఉద్యోగాల్లో అధికారుల ఆదరణ పెరుగుతుంది.
కన్య రాశి ఫలాలు
మిత్రుల నుంచి అరుదైన ఆహ్వానాలు అందుతాయి. ముఖ్యమైన వ్యవహారాల్లో ఆలోచనలు స్థిరంగా ఉండవు. చేపట్టిన పనులు ముందుకు సాగక నిరాశ పెరుగుతుంది. దూరప్రయాణ సూచనలు ఉన్నాయి. నూతన రుణ ప్రయత్నాలు చేస్తారు. వ్యాపారంలో తొందరపాటు నిర్ణయాలు తీసుకోవడం మంచిది కాదు. ఆర్థికంగా స్వల్ప ఇబ్బందులు ఉంటాయి.
తుల రాశి ఫలాలు
ఆర్థిక పరిస్థితి గందరగోళంగా ఉంటుంది. బంధు మిత్రుల వల్ల ఊహించని సమస్యలు వస్తాయి. దూర ప్రయాణాలు వాయిదా వేయడం మంచిది. పాత అప్పులు తీర్చడానికి కొత్త అప్పులు చేస్తారు. అనారోగ్య సమస్యలు బాధిస్తాయి. వ్యాపారాలు మందకొడిగా సాగుతాయి. నిరుద్యోగులకు శుభవార్తలు అందుతాయి.
వృశ్చిక రాశి ఫలాలు
కుటుంబ సభ్యులతో పుణ్యక్షేత్రాలు దర్శించుకుంటారు. వృత్తి, వ్యాపారాలు అనుకూలం. శ్రమకు తగ్గ ఫలితం లభిస్తుంది. చేపట్టిన పనుల్లో విజయం సాధిస్తారు. నూతన వస్తు వాహనాలు కొనుగోలు చేస్తారు. ఉద్యోగ బాధ్యతలు సమర్థవంతంగా నిర్వర్తిస్తారు.
ధనుస్సు రాశి ఫలాలు
ఆర్థిక పరిస్థితి కొంత నిరాశ కలిగిస్తుంది. ముఖ్యమైన పనులు వాయిదా వేయడం మంచిది. కుటుంబ సభ్యులతో మాట పట్టింపులు వస్తాయి. వృత్తి, వ్యాపారాల్లో శ్రమ పెరుగుతుంది. నిరుద్యోగ ప్రయత్నాలు మందగిస్తాయి. ఉద్యోగంలో అధికారులతో ఓర్పుగా వ్యవహరించడం మంచిది.
మకర రాశి ఫలాలు
ఇంటా బయట బాధ్యతలు సమర్థవంతంగా నిర్వహిస్తారు. విలువైన వస్తువులు కొనుగోలు చేస్తారు. మొండి బకాయిలు వసూలవుతాయి. దైవ కార్యక్రమాల్లో పాల్గొంటారు. వ్యాపార విస్తరణ ప్రయత్నాలు ఫలిస్తాయి. ఉద్యోగాల్లో పదోన్నతులు పెరుగుతాయి. ఆర్థికంగా అనుకూలం.
కుంభ రాశి ఫలాలు
కొన్ని పనులు శ్రమతో కానీ పూర్తి కావు. ఇతరులతో మాట పట్టింపులు తప్పవు. చేపట్టిన వ్యవహారాలు ముందుకు సాగక నిరాశ పెరుగుతుంది. ఉదర సంబంధిత అనారోగ్య సమస్యలు ఇబ్బంది కలిగిస్తాయి. ఆకస్మిక ప్రయాణ సూచనలు ఉన్నాయి. వ్యాపార, ఉద్యోగాలు సామాన్యంగా సాగుతాయి.
మీన రాశి ఫలాలు
నూతన వాహనం కొనుగోలు చేస్తారు. చేపట్టిన పనులు సకాలంలో పూర్తవుతాయి. దూరపు బంధువుల నుంచి శుభవార్తలు అందుతాయి. దైవ కార్యక్రమాలు నిర్వహిస్తారు. బంధు మిత్రులతో విందు వినోదాల్లో పాల్గొంటారు. వ్యాపారాల్లో అవాంతరాలు తొలగుతాయి. ఉద్యోగ వాతావరణం ప్రశాంతంగా ఉంటుంది.
