Birth Date: ఈ తేదీల్లో పుట్టినవారు చిన్న వయసులోనే ఊహించని విజయాలు సాధిస్తారు!
సంఖ్యా శాస్త్రం ప్రకారం పుట్టిన తేదీ.. వ్యక్తుల భవిష్యత్ పై చాలా ప్రభావం చూపిస్తుంది. కొన్ని తేదీల్లో పుట్టిన వారు చిన్న వయసులోనే ఊహించని విజయాలు సాధిస్తారు. అదృష్టం ఎప్పుడూ వీరి వెంటే ఉంటుంది. మరి ఏ తేదీల్లో పుట్టినవారు అదృష్టవంతులో తెలుసుకుందామా…
- FB
- TW
- Linkdin
Follow Us
 "ఏ తేదీల్లో పుట్టిన వారు అదృష్టవంతులు?")
ఏ తేదీల్లో పుట్టిన వారు అదృష్టవంతులు?
సంఖ్యా శాస్త్రంలో ప్రతి మూల సంఖ్యకు ప్రత్యేక ప్రాధాన్యం ఉంది. కొన్ని మూల సంఖ్యలు కలిగిన వారికి అదృష్టం వెంటే ఉంటుందట. వారు జీవితంలో ఏది అనుకుంటే అది సాధిస్తారట. కష్టపడే మనస్తత్వం, అదృష్టం కలిసి వీరి జీవితాన్ని సంతోషంగా మారుస్తాయట. మరి ఏ తేదీల్లో పుట్టిన వారిని అదృష్టం వరిస్తుందో ఇక్కడ చూద్దాం.
మూల సంఖ్య 7
ఏ నెలలో అయినా 7, 16, 25 తేదీల్లో జన్మించిన వ్యక్తుల మూల సంఖ్య 7. సంఖ్యా శాస్త్రంలో ఈ సంఖ్యను చాలా అదృష్ట సంఖ్యగా భావిస్తారు. ఈ తేదీల్లో పుట్టిన వారు చాలా తెలివైనవారు. అనుకున్నది సాధించడానికి ఎంతటి కష్టాన్ని అయినా భరిస్తారు. జీవితానికి సంబంధించి ఇతరులకు మంచి సలహాలు ఇస్తుంటారు.
ఆకర్షణీయమైన వ్యక్తిత్వం
7 మూల సంఖ్య కలిగినవారు ఆకర్షణీయమైన వ్యక్తిత్వాన్ని కలిగి ఉంటారు. వీరు ఎక్కడికి వెళ్లినా.. అక్కడ చాలా ప్రత్యేకంగా నిలుస్తారు. ఎక్కడ పనిచేసినా.. అక్కడ వెంటనే ఉన్నత స్థానానికి చేరుకుంటారు. అదృష్టం ఎప్పుడూ వీరికి అనుకూలంగా ఉంటుంది. చిన్న వయసులోనే ఊహించని విజయాలు సాధిస్తారు.
వీరి ఆలోచనలు ఎలా ఉంటాయంటే?
మూల సంఖ్య 7 కలిగిన వ్యక్తులు కేతు గ్రహానికి సంబంధించినవారు. దీని ప్రభావంతో ఈ వ్యక్తులు ప్రశాంతంగా ఉంటారు. దూర దృష్టితో ఆలోచిస్తారు. ఈ వ్యక్తులు ఎక్కువగా ఒంటరిగా ఉండడానికి ఇష్టపడతారు. ఇతరుల ఆలోచనలను ఈజీగా తెలుసుకుంటారు.
