బాలీవుడ్ లో భారీ స్థాయిలో తెరకెక్కుతోన్న రామాయణం సినిమా గురించి ఎప్పటికప్పుడు కొత్త విషయాలు బయటకు వస్తున్నాయి. రీసెంట్ గా ఈమూవీ నుంచి ఓ కొత్త ఫోటో వైరల్ అవుతోంది. ఆ ఫోటోతో పాటు ఓ కొత్త విషయం కూడా బయటకు వచ్చింది. అదేంటంటే?

బాలీవుడ్‌లో భారీ అంచనాల మధ్య తెరకెక్కుతున్న రామాయణం సినిమా గురించి తాజా సమాచారం సినీ అభిమానుల్లో ఆసక్తిని రేకెత్తిస్తోంది. ఈ ప్రాజెక్ట్‌ను నితేష్ తివారీ దర్శకత్వంలో, ప్రముఖ నిర్మాతలు నమిత్ మల్హోత్రా నిర్మిస్తున్నారు. రెండు భాగాలుగా తెరకెక్కుతున్న ఈ చిత్రంలో రణబీర్ కపూర్ శ్రీరామునిగా, సాయి పల్లవి సీతగా, యశ్ రావణాసురుడిగా నటిస్తున్నారు.

తాజా సమాచారం ప్రకారం, యశ్ ఈ సినిమాకు నటుడిగా మాత్రమే కాకుండా సహా నిర్మాతగానూ వ్యవహరిస్తున్నారు. ఇప్పుడు ఆయన ఈ ప్రాజెక్టుకు సంబంధించి యాక్షన్ సన్నివేశాలపై ప్రత్యేక శ్రద్ధ చూపుతున్నారు. ఇందుకోసం హాలీవుడ్‌కు చెందిన ప్రఖ్యాత స్టంట్ డైరెక్టర్ గై నోరిస్‌ను ఈ సినిమా కోసం తీసుకువచ్చారు.

గై నోరిస్ గతంలో మాడ్ మ్యాక్స్: ఫ్యూరీ రోడ్, ది సుసైడ్ స్క్వాడ్ వంటి ప్రపంచ స్థాయి బ్లాక్‌బస్టర్ చిత్రాలకు స్టంట్ దర్శకత్వం వహించారు. ప్రస్తుతం ఆయన భారతదేశానికి వచ్చి రామాయణం షూటింగ్ సెట్స్‌లో యాక్షన్ సన్నివేశాలను డైరెక్ట్ చేస్తున్నారు. తాజాగా, యశ్ , గై నోరిస్ యాక్షన్ సీన్లపై చర్చిస్తున్న ఫోటోలు సోషల్ మీడియాలో విడుదలయ్యాయి.

Related Articles

గద్దర్ అవార్డు పై స్పందించిన అల్లు అర్జున్, వారికి అంకితం చేసిన ఐకాన్ స్టార్
గద్దర్ అవార్డు పై స్పందించిన అల్లు అర్జున్, వారికి అంకితం చేసిన ఐకాన్ స్టార్
మరో సారి తల్లి కాబోతున్న మహేష్ బాబు హీరోయిన్ ఎవరో తెలుసా?
మరో సారి తల్లి కాబోతున్న మహేష్ బాబు హీరోయిన్ ఎవరో తెలుసా?

ఈ ప్రాజెక్ట్‌పై ఇప్పటికే భారీ అంచనాలు నెలకొన్నాయి. ‘రామాయణం – పార్ట్ 1’ సినిమాను 2026లో దీపావళికి విడుదల చేయాలని యూనిట్ లక్ష్యంగా పెట్టుకుంది. అనంతరం రెండవ భాగం దీపావళి 2027లో ప్రేక్షకుల ముందుకు రానుంది.

ఈ మైథలాజికల్ మూవీని అత్యున్నత సాంకేతిక ప్రమాణాలతో రూపొందించేందుకు నిర్మాతలు, దర్శకుడు నితేష్ తివారీ తీవ్రంగా కృషి చేస్తున్నారు. గై నోరిస్ వంటి అంతర్జాతీయ ప్రమాణాలు కలిగిన టెక్నీషియన్లను ఇందులో భాగం చేయడం ద్వారా ఈ సినిమా విజువల్ మరింత హైలెట్ అవ్వబోతున్నాయి.