మరో సారి తల్లి కాబోతున్న మహేష్ బాబు హీరోయిన్ ఎవరో తెలుసా?
సౌత్ ఇండస్ట్రీలో బ్లాక్ బస్టర్ హిట్ సినిమాలు చేసిన ఓ హీరోయిన్ సడెన్ గా సినిమాలు మానేసింది. పెళ్లి కూడా చేసుకోకుండానే ఓ బిడ్డకు తల్లి అయిన ఆ బ్యూటీ.. తాజాగా మరోసారి తల్లి కాబోతున్నట్టు చెప్పకనే చెప్పింది.
తెలుగు సినిమాలతో కెరీర్ను ప్రారంభించిన గోవా బ్యూటీ ఇలియానా డిక్రూజ్ తాజాగా మరోసారి వార్తల్లో నిలిచింది. ఒకప్పుడు ప్రభాస్, మహేష్ బాబు, ఎన్టీఆర్, విజయ్, రవితేజ లాంటి స్టార్ హీరోలతో కలిసి ఎన్నో సూపర్హిట్ సినిమాల్లో నటించిన ఆమె... ఇప్పుడు సినిమాలకు దూరంగా లైఫ్ ను ఎంజాయ్ చేస్తోంది. సోషల్ మీడియాలో ఫుల్ యాక్టీవ్ గా ఉంటోంది ఇలియాన. నెట్టింట అభిమానులతో జీవితానికి సంబంధించి కీలక విషయాలను ఎప్పటికప్పుడు షేర్ చేసుకుంటూ వస్తోంది.
ఇక తాజాగా ఇలియానా మరోసారి తల్లికాబోతున్నట్టు సమాచారం. ఆమె ఇటీవల తన ఇన్స్టాగ్రామ్ స్టోరీలో స్నేహితురాలితో కలిసి దిగిన ఫోటోను షేర్ చేసింది. ఆ ఫోటోలో ఇద్దరికి స్పష్టంగా బేబీ బంప్ కనిపించింది. "Bump buddies" అనే క్యాప్షన్తో ఆ ఫోటోను పోస్టు చేయడం ద్వారా ఇలియానా తాను మరోసారి గర్భవతినని పరోక్షంగా ప్రకటించినట్టయింది. ఇది చూసిన అభిమానులు ఆమెకు శుభాకాంక్షలు తెలియజేస్తున్నారు.
ఇలియానా 2023లో తన మొదటి బిడ్డకు జన్మనిచ్చింది. అమెరికన్ ఫోటోగ్రాఫర్ మైఖేల్ డోలన్తో డేటింగ్లో ఉన్న ఆమె.. పెళ్లికాకుండానే తల్లిగా మారింది. తన కొడుకుకు "ఫీనిక్స్ డోలన్" అనే పేరు పెట్టినట్టు వెల్లడించింది. తన కుమారుడి ఫోటోలు, మొదటి పుట్టినరోజు వేడుకల క్షణాలను సోషల్ మీడియాలో షేర్ చేస్తూ వచ్చింది. వీరికి మొదటి బిడ్డ కలిగిన తరువాతే వారు పెళ్లి చేసుకున్నట్టు తెలుస్తోంది. ఇక ప్రస్తుతం రెండో సారి తల్లి కాబోతోంది ఇలియాన.
తెలుగులోదేవదాసు సినిమాతో తన కెరీర్ ను ప్రారంభించిన ఇలియానా, మొదటి సినిమాతోనే ఘన విజయం అందుకున్నారు. తర్వాత పోకిరి, జల్సా, జులాయి, ‘శక్తి’ , కిక్ వంటి సినిమాల్లో నటించి మంచి గుర్తింపు తెచ్చుకున్నారు. తమిళం, హిందీలో కూడా ఇలియాన హిట్ సినిమాలు చేసింది. ప్రస్తుతం సినిమాల నుంచి బయటపడినా.. వ్యక్తిగత జీవితానికి సంబంధించి ప్రతి అప్డేట్ను అభిమానులతో షేర్ చేసుకుంటూ.. సోషల్ మీడియా ద్వారా అందరి దృష్టిని ఆకర్షిస్తుంది ఇలియానా.