గద్దర్ అవార్డు పై స్పందించిన అల్లు అర్జున్, వారికి అంకితం చేసిన ఐకాన్ స్టార్

గద్దర్ అవార్డు ల ప్రకటనతో ఫిల్మ్ ఇండస్ట్రీలో ఓ కొత్త శకం మొదలయ్యింది. ఈక్రమంలో ఈ అవార్డ్స్ సాధించిన వారు ఒక్కొక్కరుగా స్పందిస్తున్నారు. తాజాగా అల్లు అర్జున్ ఈ అవార్డు లపై సోషల్ మీడియాలో స్పందించారు. ఇంతకీ ఆయన ఏమన్నారంటే?

allu arjun next film AA22xA6 update

Image Credit: INSTAGRAM

తెలంగాణ ప్రభుత్వం గద్దర్ అవార్డులను ప్రకటించింది. అందులో టాలీవుడ్ ఐకాన్ స్టార్ అల్లు అర్జున్ పుష్ప2 సినిమాకు బెస్ట్ యాక్టర్ అవార్డ్ ను అందుకోబోతున్నారు. తెలంగాణ ఫిల్మ్ అవార్డ్స్ 2024లో భాగంగా, “పుష్ప 2: ది రూల్” చిత్రానికి గాను ఆయన ఉత్తమ నటుడిగా ఎంపికయ్యారు. ఈ సందర్భంగా ప్రభుత్వం తనకు గద్దర్ అవార్డును ప్రకటించడంపై అల్లు అర్జున్ స్వయంగా సోషల్ మీడియా వేదికపై స్పందించారు.

ఈ గౌరవం అందుకోవడం తనకు ఎంతో ప్రత్యేకంగా అనిపిస్తోందని అల్లు అర్జున్ అన్నారు. " పుష్ప సినిమాకుగాను ఉత్తమ నటుడి అవార్డును అందుకోవడం గౌరవంగా భావిస్తున్నాను, ఈ అవార్డును ప్రకటించిన తెలంగాణ ప్రభుత్వానికి హృదయపూర్వక ధన్యవాదాలు తెలిపారు.

ఇది తాను ఒక్కడిగా సాధించలేనని, ఈ అవార్డుకు పాత్రులైన వారు ఎంతోమంది ఉన్నారని అల్లు అర్జున్ స్పష్టం చేశారు. ఈ క్రెడిట్ అంతా దర్శకుడు సుకుమార్ నా నిర్మాతలకు, మొత్తం పుష్ప బృందానికి చెందుతుంది అని ఆయన వెల్లడించారు. సినిమా విజయం కోసం అహర్నిశలు శ్రమించిన ప్రతి ఒక్కరికి కృతజ్ఞతలు తెలిపారు.

అంతే కాదు ఈ అవార్డు తన అభిమానులకే అంకితం చేస్తున్నట్లు అల్లు అర్జున్ ప్రకటించారు. . ఈ అవార్డును నా అభిమానులందరికీ అంకితం చేస్తున్నాను. మీ మద్దతు నన్ను ఎప్పుడూ ఉత్తేజపరుస్తూనే ఉంటుంది అని అన్నారు.

రీసెంట్ గా రిలీజ్ అయిన పుష్ప 2: ది రూల్" చిత్రంలోని ఆయన పాత్రకు విమర్శకుల నుంచి కూడా ప్రశంసలు పొందారు. ఇప్పటికే పుష్ప సినిమాకు జాతీయ అవార్డ్ సాధించిన బన్నీ.. గద్దర్ అవార్డ్ కూడా రావడంతో మరో మెట్టు ఎక్కినట్టు అయ్యింది. ఈ ఉత్సాహంతో పుష్ప3ని అంతకు మించి తెరకెక్కించడానికి రెడీ అవుతున్నారు టీమ్.