పోర్న్ స్టార్ పరువునష్టం దావా.. రూ.3 కోట్లు సమర్పించుకున్న అధికారులు!
పోర్న్ స్టార్ స్టోర్మీ డేనియల్స్ తరచుగా వార్తల్లో నిలుస్తోంది. అమెరికన్ ప్రెసిడెంట్ తో తనకు ఎఫైర్ ఉందని డేనియల్స్ చెప్పడంతో ఈ వార్త ప్రపంచ వ్యాప్తంగా హాట్ టాపిక్ గా మారింది. తాజాగా మరోమారు డేనియల్స్ వార్తల్లో నిలిచింది.
గత ఏడాది అమెరికాలోని కొలంబస్ నగరంలో డేనియల్స్ పై పోలీసులు కేసు నమోదు చేశారు. డేనియల్స్ ని అరెస్ట్ కూడా చేశారు. దీనిపై డేనియల్స్ కోర్టులో న్యాయపోరాటం చేసింది. అనవసరంగా ఈ కేసులో ఇరికించారని పోలీసులపై పరువునష్టం దావా వేసింది.
కొలంబస్ నగరంలో ఓ నైట్ క్లబ్ లో డేనియల్స్ అసాంఘిక కార్యక్రమాలకు పాల్పడిందని ఆమెపై అభియోగం నమోదైంది. క్లబ్ లోని ఓ అధికారితో డేనియల్స్ అసభ్యంగా ప్రవర్తించినట్లు పోలీసులు కేసు నమోదు చేశారు. డోనాల్డ్ ట్రంప్ తో తనకున్న సంబంధాన్ని బహిరంగం చేయడం వల్లే అధికారులు కక్ష్య సాధింపుకు పాల్పడుతున్నారని.. తనపై నమోదైన కేసు వెనుక రాజకీయ కుట్ర ఉందని డేనియల్స్ ఆరోపించింది.
తాజాగా ఈ కేసులో డేనియల్స్ విజయం సాధించింది. వాస్తవానికి ఈ కేసులో డేనియల్స్ 2 మిలియన్ డాలర్ల(దాదాపుగా రూ.14 కోట్లు) పరువునష్టం దావా వేసింది. కానీ కొలంబస్ అధికారులు 4.5 లక్షల డాలర్లకు(దాదాపుగా 3 కోట్లు) ఇష్యూని సెటిల్ చేశారు.
మొత్తంగా డేనియల్స్ అమెరికన్ అధికారుల నుంచి రూ 3 కోట్లు పిండుకుంది. డోనాల్డ్ ట్రంప్ అమెరికా ప్రెసిడెంట్ కాకముందు తనతో సన్నిహితంగా మెలిగేవాడని, మా ఇద్దరిమధ్య ఎఫైర్ సాగిందని డేనియల్స్ చేసిన వ్యాఖ్యలు ఆమెకు విపరీతమైన పబ్లిసిటీని తెచ్చిపెట్టాయి.
క్లిక్ చేసి ఏసియా నెట్ న్యూస్ తెలుగు వాట్సాప్ చానెల్·ను ఫాలో అవ్వండి
