T20 worldcup 2021: విజృంభించిన పాక్ బౌలర్లు... స్వల్ప స్కోరుకే పరిమితమైన న్యూజిలాండ్...
New Zealand vs Pakistan: నిర్ణీత 20 ఓవర్లలో 8 వికెట్లు కోల్పోయి 134 పరుగులు చేసిన న్యూజిలాండ్... నాలుగు వికెట్లు తీసిన హారీస్ రౌఫ్...
టీ20 వరల్డ్‌కప్ 2021 టోర్నీలో భారత జట్టుతో జరిగిన మ్యాచ్‌లో అదరగొట్టిన పాక్ బౌలర్లు, న్యూజిలాండ్ జట్టును కూడా స్పల్ప స్కోరుకే కట్టడి చేయగలిగారు. ఈ మ్యాచ్‌లో కూడా టాస్ పాకిస్తాన్ జట్టుకి కలిసొచ్చింది. టాస్ ఓడి, తొలుత బ్యాటింగ్ చేసిన పాకిస్తాన్, నిర్ణీత 20 ఓవర్లలో 8 వికెట్లు కోల్పోయి 134 పరుగులు మాత్రమే చేయగలిగింది...
షాహీన్ ఆఫ్రిదీ వేసిన మొదటి ఓవర్‌లో పరుగులేమీ రాలేదు. మెయిడిన్ ఓవర్‌తో ఇన్నింగ్స్ ఆరంభించిన న్యూజిలాండ్, ఓపెనర్లు మంచి ఆరంభమే అందించే ప్రయత్నం చేశారు. 20 బంతుల్లో 3 ఫోర్లతో 17 పరుగులు చేసిన మార్టిన్ గప్టిల్‌ను హరీస్ రౌఫ్ క్లీన్‌బౌల్డ్ చేశాడు...
must READ: ఇండియా ఓడిందని మనవాళ్లే టపాసులు కాల్చారు, దీపావళి రోజు కాలిస్తే తప్పేంటి... సెహ్వాగ్ ట్వీట్...
మరో ఓపెనర్ డారిల్ మిచెల్ 20 బంతుల్లో ఓ ఫోర్, 2 సిక్సర్లతో 27 పరుగులు చేసి ఇమాద్ వసీం బౌలింగ్‌లో ఫకార్ జమాన్‌కి క్యాచ్ ఇచ్చి అవుట్ అయ్యాడు. 1 పరుగు చేసిన జేమ్స్ నీశమ్, హఫీజ్ వేసిన మొదటి బంతికే భారీ షాట్‌కి ప్రయత్నించి ఫకార్ జమాన్‌కి క్యాచ్ ఇచ్చి పెవిలియన్ చేరాడు...
24 బంతుల్లో 3 ఫోర్లతో 27 పరుగులు చేసిన డివాన్ కాన్వేని రౌఫ్ అవుట్ చేయగా 26 బంతుల్లో 2 ఫోర్లు, ఓ సిక్సర్‌తో 25 పరుగులు చేసిన కెప్టెన్ కేన్ విలియంసన్ రనౌట్ అయ్యాడు...
Read this: ఇది పొగరు కాదు, అంతకుమించి... మ్యాచ్‌కి ముందు అలా చేయడం ఇష్టం లేక డి కాక్ సంచలన నిర్ణయం...
గ్లెన్ ఫిలిప్ 15 బంతుల్లో ఓ ఫోర్‌తో 13 పరుగులు చేసి అవుట్ కగా టిమ్ సిఫర్ట్ 8 బంతుల్లో 8 పరుగులు చేశాడు. 6 పరుగులు చేసిన మిచెల్ సాంట్నర్ ఇన్నింగ్స్ ఆఖరి బంతికి అవుట్ అయ్యాడు... పాక్ బౌలర్లలో షాహీన్ ఆఫ్రిదీ ఓ వికెట్ తీయగా, హరీస్ రౌఫ్ 4 ఓవర్లలో 22 పరుగులు ఇచ్చి 4 వికెట్లు పడగొట్టాడు. ఇమాద్ వసీం, హఫీజ్ చెరో వికెట్ తీశారు...
Read this ALSO: రోహిత్ స్థానంలో విరాట్ కోహ్లీ ఉండి ఉంటే, ఈపాటికి ఎలా... పాకిస్తాన్‌తో మ్యాచ్‌పై విరాట్ ఫ్యాన్స్...
క్లిక్ చేసి ఏసియా నెట్ న్యూస్ తెలుగు వాట్సాప్ చానెల్·ను ఫాలో అవ్వండి
