Mahesh K

ఫ్రాన్స్ రక్షణ మంత్రి ఫ్లోరెన్స్ పార్లీ రేపు భారత్ పర్యటించనున్నారు. ఈ పర్యటనలో ఆమె భారత ప్రధాని నరేంద్ర మోడీతో సమావేశం కాబోతున్నారు. అలాగే, ఉభయ దేశాల వార్షిక రక్షణ సదస్సు కోసం భారత రక్షణ మంత్రి రాజ్‌నాథ్ సింగ్‌తో భేటీ కానున్నారు. అలాగే, జాతీయ భద్రతా సలహాదారు అజిత్ దోవల్‌తోనూ సమావేశం అవుతారు. ఈ మేరకు ఢిల్లీలోని ఫ్రెంచ్ ఎంబసీ ఓ ప్రకటనలో వెల్లడించింది.
 

కరోనా మహమ్మారిని ఎదుర్కోవడానికి ప్రపంచ దేశాలు టీకా పంపిణీ చేస్తుంటే ఆ రెండు దేశాలు మాత్రం ఇప్పటికీ వ్యాక్సినేషన్ చేయడం లేదు. ఉత్తర కొరియా, ఆఫ్రికా దేశం ఎరిత్రియా ఇప్పటి వరకు టీకా పంపిణీ చేపట్టలేదు. అంతేకాదు, అంతర్జాతీయ సంస్థలు టీకాలు అందించడానికి ముందుకు వచ్చినా తిరస్కరిస్తున్నాయి. ఎరిత్రియాను సుమారు మూడు దశాబ్దాలుగా పాలిస్తున్న ఇసాయిస్ తీసుకుంటున్న నిర్ణయాలు ఆ దేశానికి మృత్యు ఘంటికలు మోగిస్తున్నాయి.

కొన్ని రోజులు కలిసి ఉన్నంత మాత్రానా వారు సహజీవనం చేస్తున్నారని పరిగణించలేమని పంజాబ్ హర్యానా హైకోర్టు స్పష్టం చేసింది. పెళ్లితో పోల్చదగిన సంబంధాలు వారి మధ్య ఏర్పడాలని తెలిపింది. అంటే, ఒకరిపట్ల మరొకరు బాధ్యతగా ఉండటం, కొన్ని విధులు నిర్వర్తించడం వంటివి ఉంటాయని వివరించింది. అలాంటివే వారి బంధాన్ని స్పష్టపరుస్తాయని పేర్కొంది. తల్లిదండ్రుల నుంచి ముప్పు ఉన్నదని పేర్కొంటూ దాఖలైన పిటిషన్‌ను కొట్టేసి రూ. 25 వేల జరిమానాను కోర్టు విధించింది.

మనదేశంలో మహిళలకు కనీస వివాహ వయసు పరిమితిని పెంచాలని కేంద్ర ప్రభుత్వం నిర్ణయించింది. ప్రస్తుతం ఈ పరిమితి 18 ఏళ్లుగా ఉన్నది. దీన్ని 21 ఏళ్లకు పెంచాలనే ప్రతిపాదనను కేంద్ర క్యాబినెట్ ఆమోదించింది. ఈ నేపథ్యంలోనే వివిధ దేశాల్లో కనీస వివాహ వయసులు ఎలా ఉన్నాయో ఓ సారి చూద్దాం. నైగర్‌లో మాత్రం బాల్య వివాహాలు లీగల్‌గా ఉండటం గమనార్హం.
 

కోఠి విమెన్స్  కాలేజీలో నిన్న సింగిల్ డే వ్యాక్సినేషన్ డ్రైవ్ చేపట్టారు. ఇందులో సుమారు 250 మంది విద్యార్థులు, సిబ్బంది, వారి కుటుంబ సభ్యులు, ఇతరులు టీకా వేసుకున్నారు. రొటారాక్ట్ క్లబ్ ఆఫ్ యూనివర్సిటీ కాలేజీ ఫర్ విమెన్‌, తెలంగాణ డైరెక్టరేట్ ఆఫ్ హెల్త్ అండ్ మెడికల్ డిపార్ట్‌మెంట్ సంయుక్తంగా ఈ డ్రైవ్ నిర్వహించారు.

మధ్యప్రదేశ్‌లోని ఆ ఊరులో వినూత్న రీతిలో సర్పంచ్‌ను ఎన్నుకుంటున్నారు. ఎన్నికల్లో ఏకగ్రీవం కాకుండా ఏకంగా వేలంపాటే పాడి ఏకగ్రీవం చేస్తున్నారు. వేలంపాటులో ఎక్కువ బిడ్ వేసిన వారే పంచాయతీ ఎన్నికల్లో పోటీగా నిలబడతారు. ఆయనకు పోటీగా మరెవరూ నిలబడరు. దీంతో వారు వేలంపాట పాడి సర్పంచ్‌ను ఎన్నుకుంటున్నారు. ఈ ప్రక్రియ ద్వారా తాము మందు, డబ్బు పంపిణీ, ప్రలోభాలను అరికడుతున్నామనే వాదనలు కొందరు చేస్తున్నారు. వేలంపాటలో వచ్చిన సొమ్మును ఏం చేస్తున్నామనే విషయాన్ని వెల్లడించలేదు.

ఈ ఏడాది ఆంధ్రప్రదేశ్ రాజకీయాల్లో పోసానీ వర్సెస్ పవన్ కళ్యాణ్ ఎపిసోడ్ దుమారం రేపింది. సినిమా పరిశ్రమపై వైసీపీ ప్రభుత్వం తీసుకున్న కొన్ని నిర్ణయాలను ఎత్తి చూపుతూ రిపబ్లిక్ సినిమా ప్రీ రిలీజ్ ఈవెంట్‌లో జనసేన అధినేత పవన్ కళ్యాణ్ చేసిన మాటలు చర్చనీయాంశమయ్యాయి. మీడియా మొదలు వైసీపీ ప్రభుత్వం వరకు విరుచుకుపడ్డారు. దీనిపై సినీ రచయిత, వైసీపీ నేత పోసాని కృష్ణ మురళీ పవన్‌పై కౌంటర్ అటాక్‌కు దిగారు. పవన్ కళ్యాణ్‌పై తీవ్ర విమర్శలు చేశారు. ఈ విమర్శలతో రగిలిపోయిన పవన్ ఫ్యాన్స్, జనసేన కార్యకర్తలు పోసానీ కృష్ణ మురళీపై విరుచుకుపడ్డారు.
 

కోల్‌కతా దుర్గా మాత పూజా వేడుకలకు అంతర్జాతీయ గుర్తింపు లభించింది. యునెస్కో సాంస్కృతిక జాబితాలో ఈ వేడుకలను చేర్చినట్టు యునెస్కో ఓ ప్రకటనలో వెల్లడించింది. మతం, కళల మేళవింపుగా ప్రజలు ఆనందించే వేడుకలుగా వీటిని యునెస్కో పేర్కొంది. ఈ వేడుకలకు ఆర్టిస్టులు, డిజైనర్లకూ ఎంతో ప్రాముఖ్యత ఉన్నదని వివరించింది. ఈ గుర్తింపుపై ప్రధాని మోడీ హర్షం వ్యక్తం చేశారు. ప్రతి భారతీయుడు గర్వపడాల్సిన విషయం ఇది అని ట్వీట్ చేశారు.

వరకట్నానికి సంబంధించి కేరళ హైకోర్టు కీలక తీర్పు వెలువరించింది. వరుడి తరఫున ఎలాంటి డిమాండ్లు లేకున్నా.. వధువు కుటుంబం ఆమెకు ఇచ్చే విలువైన వస్తువులు వరకట్నం కిందకు రావని, అవి కేవలం ఆమె సంక్షేమం కోసం ఇచ్చే కానుకలు మాత్రమేనని పేర్కొంది. కొల్లాంకు చెందిన దంపతుల మధ్య ఆభరణాల గురించిన గొడవ కేరళ హైకోర్టు ముందు విచారణకు వచ్చింది. దీనిపై జస్టిస్ ఎంఆర్ అనిత సంచలన వ్యాఖ్యలు చేశారు.

విజయవాడ ప్రభుత్వ ఆస్పత్రిలో దారుణం జరిగింది. పురటిలోనే  నవజాత శిశువు కన్నుమూసింది. దీంతో కుటుంబ సభ్యులు తీవ్ర ఆగ్రహానికి గురయ్యారు. వైద్యులపై విరుచుకుపడ్డారు. వైద్యుల నిర్లక్ష్యం వల్లే తమ బిడ్డ ప్రాణాలు పోయాయని ఆరోపించారు. దీనికి జవాబుగా తమ నిర్లక్ష్యం ఏమీ లేదని వైద్యులు చెప్పారు. శిశువు మృతదేహంతో కుటుంబ సభ్యులు హాస్పిటల్ ముందే బైఠాయించారు.