Mahesh K

న్యూయార్క్ నుంచి ముంబయి వచ్చిన 29 ఏళ్ల వ్యక్తి ఫైజర్ టీకా మూడు డోసులు వేసుకున్నాడు. అయినా.. కరోనా వైరస్ కొత్త వేరియంట్ ఒమిక్రాన్ బారిన పడ్డాడు. కానీ, ఆయనలో కరోనా లక్షణాలేవీ లేవు. కరోనా వైరస్ సోకకుండా టీకాలు అడ్డుకోలేవని, అయితే, దాని వల్ల కలిగే తీవ్రతను తగ్గిస్తాయని ఇది వరకే నిపుణులు వెల్లడించిన సంగతి విధితమే. ఇప్పుడు ఒమిక్రాన్ వేరియంట్ విషయంలోనూ అదే నిజమైంది.
 

కేంద్ర ప్రభుత్వంపై కాంగ్రెస్ పార్టీ విరుచుకుపడింది. స్వతంత్ర భారతంలో ఎన్నికల అధికారులను కేంద్ర ప్రభుత్వం ఆదేశించడం ఇది వరకు జరగలేదని విమర్శలు చేసింది. కేంద్ర ప్రభుత్వం స్వతంత్ర సంస్థలను నాశనం చేస్తుందని ఇది వరకు వచ్చిన ఆరోపణలు వాస్తవాలని చెప్పడానికి ఇదే నిదర్శనం అని పేర్కొంది.

ఒమిక్రాన్ వేరియంట్‌ను స్పుత్నిక్ వీ టీకా సమర్థంగా ఎదుర్కొంటున్నదని రష్యా ప్రభుత్వం వెల్లడించింది. ఇతర టీకాల కంటే స్పుత్నిక్ వీ టీకా మెరుగైన ఫలితాలను చూపిస్తున్నదని ఓ ప్రకటనలో తెలిపింది. బూస్టర్ డోసుగా స్పుత్నిక్ లైట్ కూడా మెరుగ్గా పని చేస్తున్నదని వివరించింది. బూస్టర్ డోసుగా స్పుత్నిక్ లైట్‌ను మళ్లీ వ్యాక్సినేట్ చేసిన 100 మందిలోనూ ఒమిక్రాన్ వేరియంట్ పూర్తిగా నాశనం అయిందని పేర్కొంది.
 

వీధి కుక్కలకు ఫుడ్ పెట్టినందుకు ముంబయిలోని ఓ మహిళకు రూ. 8 లక్షల ఫైన్ విధించారు. నవి ముంబయిలోని ఎన్ఆర్ఐ హౌజింగ్ సొసైటీ ప్రాంగణంలో వీధి కుక్కలకు ఆహారం పెట్టినందుకు వారికి ఫైన్ విధించారు. వీధి కుక్కలకు ఆహారం పెట్టిన ప్రతి సారీ రూ. 5 వేల జరిమానా విధించారు. ఇప్పుడు ఆమె పేరిట మొత్తంగా రూ. 8 లక్షల జరిమానా ఉన్నది. మరో నివాసి పైనా రూ. 6 లక్షల ఫైన్ ఉన్నది.
 

ఒమిక్రాన్ వేరియంట్ కేసులు క్రమంగా పెరుగుతున్నాయి. మన దేశంలో 101 ఒమిక్రాన్ వేరియంట్ కేసులు నమోదైనట్టు కేంద్రం వెల్లడించింది. 11 రాష్ట్రాల్లో ఒమిక్రాన్ కేసులు రిపోర్ట్ అయినట్టు తెలిపింది.
 

పంజాబ్ అసెంబ్లీ ఎన్నికలు మరో మలుపు తిరగనున్నాయి. ఏడాదిపాటు రైతు ఉద్యమాన్ని దిగ్విజయంగా నడిపిన సంయుక్త కిసాన్ మోర్చా కీలక కమిటీ సభ్యుడు, రైతు నేత గుర్నాం సింగ్ చాదుని రేపు చండీగడ్‌లో నూతన రాజకీయ పార్టీని ప్రకటించనున్నారు. ఉద్యమం చేసిన రైతుల్లో ప్రస్తుత పార్టీలపై ఆశలు సన్నగిల్లాయి. అందుకే, తమ నేతలే ఎన్నికల రాజకీయాల్లోకి దిగాలనే అభిప్రాయాన్ని రైతులు పలుమార్లు వెల్లడించారు.
 

మమతా బెనర్జీ ప్రభుత్వానికి సుప్రీంకోర్టు షాక్ ఇచ్చింది. పెగాసెస్ అంశంపై దర్యాప్తు చేయబోమని చెప్పి.. మళ్లీ ఎంక్వైరీ మొదలు పెట్టడం ఏమిటని సీజేఐ ఎన్‌వీ రమణ ప్రశ్నించారు. పెగాసెస్ అంశంపై దర్యాప్తునకు సుప్రీంకోర్టు స్వతంత్ర కమిటీ ఏర్పాటు చేసిన తర్వాత కూడా పశ్చిమ బెంగాల్ ప్రభుత్వం మరో కమిషన్ వేసి దర్యాప్తు చేయడంపై అసహనం వ్యక్తం చేశారు. ఆ కమిషన్ దర్యాప్తుపై స్టే విధించారు.
 

కరోనా వైరస్ మళ్లీ విజృంభిస్తున్నది. దక్షిణాఫ్రికా, యూకే, ఆస్ట్రేలియా, అమెరికాలోని కొన్ని ప్రాంతాలు సహా చాలా దేశాల్లో కొత్త కేసులు పెరుగుతున్నాయి. మన దేశంలోనూ ఒమిక్రాన్ కేసులు వందకు చేరువ అవుతున్నాయి. డెల్టా కంటే వేగంగా వ్యాపించే వేరియంట్ కావడంతో మళ్లీ ప్రయాణాలపై నిషేధం, ఆంక్షలు విధించే అవకాశం ఉన్నదనే వాదనలు వినిపిస్తున్నాయి. తాజాగా, ఒక్క రోజే ఢిల్లీలో పది ఒమిక్రాన్ కేసులు నమోదయ్యాయి.
 

కిమ్ జోంగ్ ఇల్ పదో వర్ధంతి సందర్భంగా ఉత్తర కొరియాలో విచిత్ర నిబంధనలు అమలు అవుతున్నాయి. 11 రోజులు దేశవ్యాప్తంగా సంతాప దినాలుగా పాటిస్తున్నారు. ఈ కాలంలో ప్రజలు నవ్వడంపై నిషేధాన్ని అమలు చేస్తున్నారు. ఆల్కహాల్ తాగరాదు.. వినోద కార్యక్రమాల్లో పాలుపంచుకోరాదు. ఇంట్లో మనిషి చనిపోయినా.. బిగ్గరగా ఏడవరాదు.  అంతేకాదు, సరిపడా విచారం వ్యక్తం చేయనివారిపైనా నిఘా వేయనున్నారు. ఈ నిబంధనలు పాటించకుంటే భావజాల నేరస్తులుగా పరిగణించి ఖైదు చేయనున్నారు. ఇది వరకు ఈ ఆరోపణల కింద తీసుకు వెళ్లిన వారి అడ్రస్ లేకుండా పోయిందని కొందరు చెప్పారు.

ఆంధ్రప్రదేశ్‌లో ఓ జూనియర్ కాలేజీలో ఫిజిక్స్ చెప్పాల్సిన లెక్చరర్ ఇంటర్‌లో అప్పుడే అడుగు పెట్టిన అమ్మాయిని లవ్ ట్రాక్‌లోకి దింపాడు. ఇద్దరు ప్రేమలో మునిగారు. రోజూ ఫోన్‌లో సంభాషణలు పెరిగాయి. ఇది గమనించిన తల్లిదండ్రులు ఆమెను మందలించారు. తర్వాతి రోజు ఆమెకు కాలేజీకి వెళ్లి మళ్లీ తిరిగి రాలేదు. అదే రోజు ఆ స్టూడెంట్, లెక్చరర్ కలిసి జంప్ అయ్యారు. ఈ విషయం విని తల్లిదండ్రులు షాక్ అయ్యారు. కాలేజీ యాజమాన్యం, పోలీసులను ఆశ్రయించిన ఫలితం లేకపోయింది. దీంతో స్వయంగా కుమార్తె కోసం గాలింపులు జరుపుతున్నారు.