కాంగ్రెస్ గుర్తుపై పోటీ చేయం: కోదండరామ్

 తాము కాంగ్రెస్ పార్టీ గుర్తులపై పోటీ చేయబోమని టీజేఎస్ చీఫ్ కోదండరామ్ ప్రకటించారు

హైదరాబాద్: తాము కాంగ్రెస్ పార్టీ గుర్తులపై పోటీ చేయబోమని టీజేఎస్ చీఫ్ కోదండరామ్ ప్రకటించారు. తమ పార్టీ అభ్యర్థులు  తమ పార్టీ గుర్తుపైనే పోటీ చేస్తారని  ఆయన స్పష్టం చేశారు.

శుక్రవారం నాడు కాంగ్రెస్ పార్టీ నేతలతో చర్చలు ముగించిన తర్వాత  ఆయన మీడియాతో మాట్లాడారు.   తమ పార్టీ రిజిస్ట్రేషన్ పూర్తైందన్నారు. ఎన్నికల గుర్తు కోసం కూడ తమ అభిప్రాయాన్ని ఎన్నికల సంఘానికి పంపినట్టు చెప్పారు. గుర్తు కూడ ఎన్నికల సంఘం ఫైనల్ చేయనుందన్నారు. 

కాంగ్రెస్ పార్టీతో చర్చలు సానుకూల వాతావరణంలో సాగుతున్నాయని  టీజేఎస్ చీఫ్ కోదండరామ్ ప్రకటించారు. రెండు మూడు రోజుల్లో చర్చల ప్రక్రియ పూర్తి కావొచ్చన్నారు.  

అక్టోబర్ 20వ తేదీన హైద్రాబాద్ పర్యటనకు వచ్చే రాహుల్ గాంధీని తాము కలవబోమని చెప్పారు. టీఆర్ఎస్ మేనిఫెస్టోపై మాట్లాడబోనని చెప్పారు. ఆ మేనిఫెస్టోలో కొత్తగా ఏముందని ఆయన  ప్రశ్నించారు. కామన్ ఎజెండా, సీట్ల సర్ధుబాటుపై  చర్చించినట్టు ఆయన తెలిపారు.

ఉమ్మడి ఎజెండా పూర్తైతే  ప్రజల ముందు ఉంచుతామన్నారు.  సీట్ల సర్దుబాటు విషయమై  కాంగ్రెస్ పార్టీ నుండి సానుకూలమైన వాతావరణం కన్పిస్తోందని ఆయన అభిప్రాయపడ్డారు. 

సంబంధిత వార్తలు