ప్రణయ్ హత్యను ఖండించిన కేటీఆర్.. వారికి శిక్ష పడి తీరుతుంది

మిర్యాలగూడలో తన అభిష్టానికి వ్యతిరేకంగా కూతురిని పెళ్లి చేసుకున్నాడనే అక్కసుతో మామ కక్షకు బలైన ప్రణయ్‌ హత్యను తెలంగాణ మంత్రి కేటీఆర్ ఖండించారు. ఈ సంఘటన నన్ను షాక్‌కు గురిచేసింది.. నేటికాలంలోనూ కులం ఇంకా దారుణాలకు పురొగొల్పేలా చేయడం చూసి చాలా కోపంగా ఉంది. ఇంతటి దారుణానికి పాల్పడిన వారికి ఖచ్చితంగా శిక్షపడుతుంది.. అమృత, ప్రణయ్ తల్లిదండ్రులకు కేటీఆర్ ప్రగాఢ సానుభూతి తెలియజేస్తూ ట్వీట్ చేశారు.

మరోవైపు ప్రణయ్ భౌతికకాయానికి అంత్యక్రియలు ప్రారంభమయ్యాయి. అతని నివాసం నుంచి శ్మశాన వాటికకు ప్రణయ్ మృతదేహాన్ని ఊరేగింపుగా తీసుకువెళుతున్నారు. అంత్యక్రియల్లో కుటుంబసభ్యులు, స్థానికులు, దళిత, ప్రజా సంఘాల నేతలు పాల్గొన్నారు. అంతకు ముందు ఉక్రెయిన్ నుంచి వచ్చిన అతని సోదరుడు ప్రణయ్ భౌతికకాయాన్ని చూడగానే కన్నీరుమున్నీరయ్యాడు. తల్లిదండ్రులను, వదినను ఓదార్చాడు.