15 పార్టీల ముఖ్యమంత్రి అభ్యర్థిగా కొండా సురేఖ..?

టీఆర్ఎస్ పార్టీ తనకు టికెట్ ఇవ్వకపోవడంపై కొండా సురేఖ చేసిన వ్యాఖ్యలు తెలంగాణ రాజకీయాల్లో సంచలనం సృష్టిస్తున్నాయి. ముఖ్యమంత్రి కేసీఆర్‌కు ఆమె బహిరంగ లేఖ రాశారు.

అనంతరం సోమాజిగూడ ప్రెస్‌క్లబ్‌లో మాట్లాడుతూ.. తాము పార్టీ వీడుతున్నామని తెలిసిన తర్వాత ఇతర పార్టీల నుంచి ఆహ్వానాలు అందుతున్నాయని.. మొత్తం 15 పార్టీలు తమతో టచ్‌లో ఉన్నాయని సురేఖ అన్నారు.

ప్రస్తుతం అవి చర్చల దశలోనే ఉన్నాయని.. తమ నాయకత్వం, చిత్త శుద్ధి, క్రమశిక్షణ నచ్చిన చాలా పార్టీలు తనను ముఖ్యమంత్రి అభ్యర్థిగా సైతం ఉండాలని ఒత్తిడి తెస్తున్నాయని సురేఖ అన్నారు. అనుచరులు, అభిమానులు, కార్యకర్తలతో చర్చించి...భవిష్యత్ కార్యాచరణ ప్రకటిస్తామన్నారు. త్వరలో జరగబోయే ఎన్నికల్లో టీఆర్ఎస్ ఓడిపోవడం ఖాయమని.. ప్రజలే కేసీఆర్‌కు బుద్ది చెబుతారని సురేఖ వ్యాఖ్యానించారు.