Telangana

నేను హరీశన్న వర్గం.. కొండా సురేఖ సంచలన వ్యాఖ్యలు

By sivanagaprasad kodatiFirst Published Sep 25, 2018, 12:42 PM IST

Highlights

ముఖ్యమంత్రి కేసీఆర్‌ తన అసంతృప్తిని వెళ్లగక్కుతూ మాజీ మంత్రి కొండా సురేఖ చేసిన వ్యాఖ్యలు రాజకీయంగా కలకలం రేపుతున్నాయి. ముఖ్యంగా టీఆర్‌ఎస్‌ శ్రేణులు ఉలిక్కిపడ్డాయి.

ముఖ్యమంత్రి కేసీఆర్‌ తన అసంతృప్తిని వెళ్లగక్కుతూ మాజీ మంత్రి కొండా సురేఖ చేసిన వ్యాఖ్యలు రాజకీయంగా కలకలం రేపుతున్నాయి. ముఖ్యంగా టీఆర్‌ఎస్‌ శ్రేణులు ఉలిక్కిపడ్డాయి. టీఆర్ఎస్‌లో తాను హరీశన్న వర్గమని.. తనలాగే ఆయనకు మద్ధతు పలికేందుకు చాలామంది ఎమ్మెల్యేలు సిద్ధంగా ఉన్నారని ఆమె సంచలన వ్యాఖ్యలు చేశారు. 

గత కొంతకాలంగా హరీశ్‌రావుకు పార్టీలో, ప్రభుత్వంలో ప్రాధాన్యత తగ్గిపోతుండటం.. కొంగరకలాన్ బహిరంగసభలో హరీశ్‌రావును పట్టించుకోకపోవడం టీఆర్ఎస్‌లో పెద్ద చర్చకు కారణమైంది. ఇది జరిగిన కొద్దిరోజులకు సిద్ధిపేట ఎన్నికల ప్రచారంలో భాగంగా ఇబ్రహీంపూర్‌లో జరిగిన సభలో హరీశ్ రావు చేసిన వ్యాఖ్లయు చర్చనీయాంశమయ్యాయి. 

తాను అందరి ఆదరణ, అభిమానం ఉన్నప్పుడే రాజకీయాల నుంచి తప్పుకోవాలని ఉందన్నారు. ఇంతవరకు చాలని.. రాజకీయాల్లో ఉన్నా లేకపోయినా.. మీకు సేవ చేస్తానని హరీశ్ అన్నారు. దీంతో ఆయన త్వరలో రాజకీయాల నుంచి తప్పుకోబోతున్నారా..? లేదంటే కేసీఆర్‌పై ఆగ్రహంతో ఉన్నారా అంటూ మీడియాలో పెద్ద ఎత్తున కథనాలు వచ్చాయి. 

అవి భావోద్వేగంతో చేసిన మాటలేనని హరీశ్ తర్వాత చెప్పినప్పటికి.. లోపల ఇంకేదో జరిగి వుంటుందని విశ్లేషకులు అంచనా వేస్తున్నారు. టికెట్ దొరకని అభ్యర్థులను పక్కకు లాగి హరీశ్ రావు తన గ్రూప్‌ను సిద్దం చేసుకుంటున్నారని..త్వరలోనే పార్టీలో చీలిక తెస్తారనే వాదనలు వినిపిస్తున్నాయి. ఇప్పుడు వీటికి కొండా సురేఖ వ్యాఖ్యలు తోడు కావడంతో టీఆర్ఎస్ శ్రేణులు ఉలిక్కిపడ్డాయి. 

tags

• konda-surekha
• harish-rao
• trs
• kcr
• ktr

Related Posts

Hyderabad Lok Sabha : బిజెపి ఎంపీ అభ్యర్థి మాధవీలతతో ఒక్క హగ్ ... ఎంతపని చేసింది...!

సీఎం రేవంత్ కు ఓటమి భయం పట్టుకుందా..? ఈ కామెంట్స్ వింటే అవుననిపిస్తోంది...

తెలంగాణలో బీజేపీ మరింత బలోపేతం అవుతుంది: ఏసియానెట్ న్యూస్ Exclusive interviewలో ప్రధాని మోదీ (వీడియో)

నేను అలా చేయడంవల్లే కూతురు కవిత కటకటాలపాలు : కేసీఆర్ ఎమోషనల్

ఎన్నికల వేళ గులాబీ బాస్ పెద్ద స్కెచే వేసారుగా..? 

Read More