కరీంనగర్ పరువు హత్య: జైలు నుండి వచ్చిన తెల్లారే లవర్‌ను తీసుకెళ్లిన కుమార్

జైలు నుండి వచ్చిన మరునాడే తన లవర్‌ను  కుమార్‌ తీసుకెళ్లాడని ... ఆ తర్వాత రోజు నుండే అతను కన్పించకుండా పోయాడని  పోలీసులు చెబుతున్నారు. 

కరీంనగర్‌: జైలు నుండి వచ్చిన మరునాడే తన లవర్‌ను  కుమార్‌ తీసుకెళ్లాడని ... ఆ తర్వాత రోజు నుండే అతను కన్పించకుండా పోయాడని  పోలీసులు చెబుతున్నారు.  అయితే ఈ కేసును అన్ని కోణాల్లో దర్యాప్తు చేస్తున్నట్టు కరీంనగర్ ఎస్పీ  కమల్‌హాసన్ రెడ్డి చెప్పారు.

తాడికల్ గ్రామానికి చెందిన కుమార్  అనుమానాస్పదస్థితిలో మృతి చెందిన ఘటనపై కరీంనగర్  కమిషనర్ కమల్‌హసన్ రెడ్డి మంగళవారం నాడు స్పందించారు.  గత ఏడాది అమ్మాయి తరపు కుటుంబసభ్యులు కుమార్‌పై ఫిర్యాదు చేశారని చెప్పారు.

ఈ ఫిర్యాదు మేరకు  కుమార్‌పై  ఫోక్సో, నిర్భయ చట్టం కింద కేసులు నమోదైనట్టు ఆయన తెలిపారు. ఈ కేసులో భాగంగా  కుమార్  జైలు నుండి  విడుదలైన  వచ్చిన మరునాడే అమ్మాయిని తీసుకొని వెళ్లిపోయాడని  ఆయన గుర్తు చేశారు. 

అయితే ఆ తర్వాత రోజు నుండి కుమార్ అదృశ్యమైనట్టు  తమకు ఫిర్యాదు అందిందని  కమల్‌హసన్ రెడ్డి చెప్పారు. కుమార్ మృతదేహంపై ఎలాంటి గాయాలు లేవని కమల్‌హసన్ రెడ్డి చెప్పారు. పోస్టు మార్టం నివేదిక వచ్చిన తర్వాత పూర్తి వివరాలు వెల్లడి కానున్నాయని  కమల్‌హసన్ రెడ్డి తెలిపారు.

సంబంధిత వార్తలు